¹ Emnyakeni wesitsatfu wekubusa kwenkhosi Belshazzer, mine, Daniel, ngaba nembono lovelile kimi (emvakwa lolowavea ekucaleni). ² Ngabona kulombono, ngisabukile, lapho bengisesigodlweni saSusa esifundzeni saseElam. Ngabona kulombono ngiseceleni kwase Ulai Canal. ³ Ngabuka etulu embikwami ngabona sihlabhu lesidvuna netimphondvo letimbili,sime eceleni kwesihoshe semanti. Lunye luphondvo lwaluludze kunalolunye, kepha lololudze belukhula kancane kunalele lifishane futsi lendlulwa ngebudze nguleli. ⁴ Ngabona sihlabhu lesindvuna sigijima siya enyakatfo, sashona enshonalanga, saphindze sashona eningizimu; kute lesinye silwane besingema embikwaso. Kute namunye kibo bekhona kusita nome ngangubani esandleni sakhe.Bekenta lakufunako, wabese uba mkhulu. ⁵ Ngisacabanga ngaloku, Ngabona siwewe sichamuka enyakatfo, sahamba kuto tonkhe tindzawo tase mhlabeni, sigijima ngakushesha, kungatsi asitsintsi phasi.Lembuti yayine luphondvo lolukhulu emkhatsisini wemehlo. ⁶ Saya kulesihlabhu lebesine timphondvo letimbili-bengisibonile lesihlabhu simile kulomsele wemanti-laphoke lembuti yagijima yacondza kulendvu nekutfukutsela lokunemandla. ⁷ Ngayibona lembuti isondzela kulendvu. Beyisitfukutselele kakhulu lesihlabhu, yabese iphula timphondvo taso totimbili. Lesihlabhu saphelelwa ngemandla kuma embikwale mbuti. Lembuti yasiwisela phansi emhlabatsini yasiyinyatsela. Bekute lebekangaphephisa lendvu emandleni ayo. ⁸ Lembuti yabese iba yinkhulu kakhulu. Kepha naseyiba nemandla, leliphondvo lelikhulu lephuka, bese esikhaleni salo kwahluma timphondvo letine letikhombe kuwo onkhe emagumbi emazulu. ⁹ Kulinye lawo kwamila lelinye liphondvo, kancane ekucaleni, kepha labese liba likhulu kakhulu enyakatfo, enshonalanga, kanye naseveni lebuhle. ¹⁰ Labese liba likhulu kwangatsi liyokulwa nelibutfo lasezulwini. Lamanye emabutfo kanye netinkhanyeti taphoselwa phansi emhlabeni, futsi yatinyatsela. ¹¹ Yatenta yaba yinkhulu ngengemphatsi welibutfo. Yatsatsa umnikelo wekushiswa wangemihla kuye, phindze nendzawo yakhe lengcwele yangcoliswa. ¹² Ngenca yekulwa, lelibutfo litawunikelelwa kuletimphondvo tembuti, futsi nemnikelo wekushiswa utawumiswa. Letimphondzo titawuphonsela phansi liciniso liye emhlabatsini, phindze iyawuphumelela kuko konkhe lekwentako. ¹³ Ngabese ngiva longcwele akhuluma bese nalomunye longcwele aphendvula, ''Kutawuchuba sikhatsi lesinganani letintfo, lombono mayelana nemikelo wekushiswa, lesono lesiletsa kubhubha, kunikelelwa kwendzawo lengcwele ,nemabutfo asezulwini anyatselwa?'' ¹⁴ Watsi kimi, ''kutawuchuba 2,300 busuku nemini. Emvakwaloko lendzawo lengcwele itawulungiswa.'' ¹⁵ Nangabe mine, Daniel, ngibone lombono, ngetame kuwucondzisisa. Laphoke wema embikwami loyo lobukeka njenge ndvodza. ¹⁶ Ngeva livi lendvodza limemeta ekhatsi nesihoshe semanti sase Ulayi. Watsi, ''Gabriel, sita lendvodza icondzisise lombono. ¹⁷ ''Ngako weta dvutane nami lapho bengime khona. Naketa, ngetfuka ngawa phansi ngebuso. Kepha watsi kimi, ''Condzisisa, ndvodzana yemuntfu, lokutsi lombono wesikhatsi sekugcina.'' ¹⁸ Ngesikhatsi akhuluma nami, ngalala lobujulile butfongo buso bami bubheke phansi. Wase uyangitsintsa wangenta ngasukuma. ¹⁹ Watsi, ''Buka, ngitakutjengisa lokutowenteka emvakwesikhatsi esikhatsini sentfukutselo, ngoba lombono uphatselene nesikhatsi lesibekiwe sekugcina. ²⁰ Kwale sihlabhu lowasibona, lebesi netimphondvo letimbili-ngito emakhosi ase Media naPersia. ²¹ Lesiwewe yinkhosi yaseGreece. Leliphondvo lelikhulu emkhatsisini wemehlo aso yinkhosi yekucala. ²² Kwale liphondvo lelaphuka, esikhaleni lapho kwamila khona lalamane-imibuso lemine itawuphakama esiveni sakhe, kepha hhayi ngemandla lamakhulu. ²³ Ngesikhatsi sekugcina saleyo mibuso, Lapho labatoni sebone kwate kwefika ekugcineni, Inkhosi lebukeka ngatsi ayifuni kutitfoba, leyo lekhaliphe kakhulu, itawuphakama. ²⁴ Emandla akhe atewuba makhulu-kepha hhayi ngemandla akhe. Utawumangalisa kulakubhubhisako; utawukwenta aphumelele. Utawubhubhisa bantfu labanemandla, bantfu labase mukhatsisini walaba ngcwele. ²⁵ Ngemacili akhe utawukwenta inkhohlakalo iphumelele esandleni sakhe. Utawuba mkhulu engcondvweni yakhe. Ngeku ngagadzi utawubulala bantfu labanyenti. Utawuphakama ajikele Inkhosi yemakhosi, phindze utawuphuka, kepha hhayi ngesandla semuntfu. ²⁶ Lombono mayelana nentsambama nekusa lotjeliwe uliciniso. Kepha valela lombono, ngoba ukhulumela emalanga lamanyenti elikusaseni. ²⁷ Bese mine, Daniel, ngenganywa futsi ngalala phansi ngingenamadla tinsuku letimubalwa. Ngase ngyasukuma, ngayenta emabhizinisi enkhosi. Kepha ngamangaliswa ngulo mubono, futsi bekute namunye bekalicondzisisa.