¹ Kwamtfokotisa Darius kubeka ebukhosini likhulu nemashumi lamabili kubeka tindvuna tendzawo labatawubusa kuwowonkhe umbuso. ² Kuto tonkhe bekunetikhulu tetindvuna letintsatfu, Danyela bekangulomunye wabo. Letikhulu tebaphatsi tabekwa kute bato gadza tindvuna tendzawo, kute Inkhosi ingahlupheki ngekutsi kube khona lokushodako. ³ Danyela bekakhaliphile ngetulu kwaleti letinye tikhulu tebaholi kanye netindvuna tendzawo ngoba yena ngoba bekanemoya lomangalisako. Inkhosi beyihlela kumubeka ngetulu kwawo wonkhe umbuso. ⁴ Ngako leletinye tikhulu tebaphatsi kanye netindvuna tendzawo tabuka emaphutsa kulomsebenteni Danyela lawentela umbuso , kepha abakhonanga kutfolanga kukhohlakala noma kwehluleka emsebentini wakhe ngoba bekatsembekile. Bekute emaphutsa noma kunganaki lokwatfolaka kuye. ⁵ Ngako lamadvodza lawa atsi,, ''Angeke sikhone kutfola noma ngusiphi sizatfu sekukhonona mayelana nalo Danyela ngaphandle sitfole lutfo lelingamelana naye ngalokuphatselana nemtsetfo wa Nkulunkulu wakhe.'' ⁶ Ngako letikhulu kanye netindvuna taletsa licebo phambi kwe Nkhosi. Batsi kuyo , '' Nkhosi Darius, kwangatsi ungaphila phakadze! ⁷ Tonkhe tikhulu tebaphatsi talombuso, tindvuna tetigodzi kanye netindvuna tetifundza , baluleki, netindvuna tichumene kanyekanye base bavumelana batsi wena, inkhosi, kumele kukhishwe umtsetfo sisekelo futsi mele ahlonishwe, kute kutsi noma ngubani lotowenta sicelo noma ngabe ngumuphi nkulunkulu noma umuntfu emalanga langemashumi lamatsatfu, ngaphandle kwakho, nkhosi, loyo muntfu kufanelwe akajikijelwe ekhatsi emgodzini wemabhubesi. ⁸ Nyalo, nkhosi, khipha umtsetfo sisekelo ubeke luphawu lencwadzi kute ingato shintjwa, njengekusho kwemtsetfo wema Medes nema Persians, kute ingato suswa,.'' ⁹ Ngako inkhosi Darius yabeka luphawu lencwadzi yenta lomtsetfo sisekelo kube ngutsetfo. ¹⁰ Ngesikhatsi Danyela afundza kutsi lencwadzi kutsi ifungisiwe kubangumtsetfo, wahamba waya endlini yakhe( nyalo emafasitelo akhe abevulekile egumbini lakhe lelisetulu abheke eJerusalema), wase ushonaphansi phansi ngemadvolo, njengoba abenta katsatfu ngelilanga futsi wathantaza waletsakubonga embikwa Nkulunkulu wakhe, njengoba bekentile phambilini. ¹¹ Ngako lamadvodza labekente lelichinga ndzawonye abona Danyela enta ticelo futsi acela lusito kuNkulunkulu. ¹² Ngako babese baya enkhosini bakhuluma nayo ngalomtsetfo sisekelo wayo: ''Awukawenti yini umtsetfo sisekelo kutsi nobe ngubani lowenta sicelo kunobe ngumuphi Nkulunkulu noma umuntfu lophilako ngalamalanga lamashumi lamatsatfu lalandzelako ngaphandle kuwe,nkhosi, kufanele ajikijelwe emgodzini wema bhubesi?'' Inkhosi yaphendvula, ''Loludzaba selulungisiwe , njenge kukhonjwa ngumtsetfo wema Medes nema Persians; angeke ushintjwe.'' ¹³ Ngako baphendvula enkhosini, ''Lomuntfu loyo Danyela, longu lomunye walabantfu labatfunjwa ka Juda, akakulaleli wena, nkhosi, noma lomtsetfo sisekelo lowawufunga. Uthantaza kunkulunkulu wakhe katsatfu ngelilanga.'' ¹⁴ Uma inkhosi iva loku, wakhatsa teka kabi, wakufaka engcondvo yakhe kukhulula Danyela ekubuseni. Wacabanga kwate kwashona lilanga kuzama kusindzisa Danyela. ¹⁵ Ngako lamadvodza lahlanganisa lichinga ahlangana ndzawonye nenkhosi batsi kuyo, '' yati, nkhosi, kutsi kungumtsetfo wema Medes nema Persians, kutsi kute umtsetfo sisekelo noma umtsetfo inkhosi lesewukhokhileungashintjwa.'' ¹⁶ Ngako inkhosi yakhipha umtsetfo, baletsa ngekhatsi Danyela, base bamjikijela emgodzini wemabhubesi. Inkhosi yatsi kuDanyela, '' kwangatsi Nkulunkulu wakho, lona lomdvumisa ngekuchubeka, akusindzise.'' ¹⁷ Litje laletfwa ngetulu ekungeneni kulomgodzi, yase inkhosi ivala nge ndandatho yebukhosi kanye netindandatfo tebukhosi tetititsenjwa kute kubebete lokushintjwako lokuphatselene naDanyela. ¹⁸ Ngako inkhosi yahamba yaya esigodlweni sayo futsi yahamba kulobusuku itilile. Kute lokujabulisako lokwaletfwa phambi kwakhe, butfongo babaleka kuye. ¹⁹ Ngako ngekudzabuka kwekusa inkhosi yasukuma ngekushesha yahamba yaya egodzini wemabhubesi. ²⁰ Asasondzela dvutane kulomgodzi, wamemeta ku Danyela ngelivi lelijabhile, atsi ku Danyela, ''Danyela, sisebenti saNkulunkulu lophilako, ngabe Nkulunkulu wakho , lona lomkhonta ngekuchubeka, ukhonile yini kukusindzisa kulamabhubesi?'' ²¹ Wase Danyela utsi eNkhosini. ''Nkhosi, phila phakadze! ²² Nkulunkulu wami utfumele sitfunywa sakhe Sase sivale imilomo yemabhubesi, futsi akangilimati. Ngoba ngatfolakala ngite licala phambi kwakhe futsi naphambikwakho, nkhosi, kute lokubi lengikwentile kuwe.'' ²³ Ngako inkhosi yajabula kakhulu. Yakhipha umtsetfo kutsi kufanele bakhokhe Danyela ngaphandle kwalo mgodzi. Ngako Danyela waphakanyiswa ngaphandle kwalo mgodzi. Kute kulimala lokwatfolakala kuye, ngoba abetsembele kunkulunkulu wakhe. ²⁴ Inkhosi yakhipha umtsetfo, base baletsa lawo madvodza lacala Danyela base balahla wona emgodzini wema bhubesi-bona, bantfwa babo, kanye nebafati bawo. Bangakafiki ngisho phasi, lama bhubesi abehlulekisa abese aphula onkhe ematsambo abo ebaticucu. ²⁵ Ngakoi inkhosi Darius yabhalela kubo bonkhe labantfu, tive, kanye netilwimi leto letiphila kuwowonkhe umhlaba,'' Kuthula kwami kuyangeteka ngawe. ²⁶ Ngilapha ngakha umtsetfo sisekelo kutsi kukokonkhe emandla embuso wami emadvodza akachachatele esabe embikwalo Nkulunkulu wa Danyela, ngoba ungu Nkulunkulu lophilako uphila phakadze, futsi umbuso wakhe angeke ubhujiswe; emandla akhe abesekugcineni , ²⁷ uasenta siphepha bese uyasisindzisa ,futsi wenta tibonakiliso nemimangaliso ezulwini nasemhlabeni; wagcina Danyela aphephile kulamandla emabhubesi.'' ²⁸ Ngako Danyela waphumelela ngesikhatsi sekubusa kwa Dayirasi futsi ngesikhatsi sekubusa kwa Cyrus longumPersian.