¹ Ngemnyaka wesitsatfu waCyrus iNkhosi yase Pesiya, umlayeto bawutfumela kuDanyela, lobekaphindze abitwa ngaBelteshazzar. lomlayeto bewuliciniso.Wawungemphi lenkhulu. Danyela wawucondza lomlayeto makawubona kulombono. ² Ngaleto tikhatsi mine, Danyela, bengisekulileni kwemaviki lamatsatfu. ³ Angitange ngidla kudla lokumnandzi, angiyidlanga inyama, angilinatsanga liwayini, futsi angitigcobisanga ngemafutsa kwate kwaba sekupheleni kwemaviki lamatsatfu. ⁴ Ngelilanga lemashumi- lamane lenyanga yekucala, ngiseseceleni kwalomfula lomkhulu (lokutsiwa, yiTigris), ⁵ ngabuka etulu ngase ngibona indvondza yembetse ilineni, ifake nelibhande elukhalo lwakhiwe ngeligolide lolubuya eLuphazi. ⁶ Umtimba wakhe bofana nembala lomtfubi, bese buso bakhe bebufana nembane.Emehlo akhe beka phose afane nelilambu lelikhanyisa kakhulu, bese umkhono kanye netinyawo betifana nelitfusi lelipolishekile. Umsindvo wemagama akhe bowufana nemsindvo wesicumbi lesikhulu. ⁷ Mine, Danyela, ngendvwa ngibone lombono, ngobe lamadvodza bekanami akawubonananga lombono. Nome kunjalo, kusaba lokukhulu kwefika kubo, base bayabaleka bayotifihla . ⁸ Ngako ke besengisele ngedvwa uma ngibona lombono.Kute emandla lasala kimi; kubona kwami lokuhle kwashintja kwaba kubona lokukabi, kwase kuba bete emandla bekasele kimi. ⁹ Ngase ngiva emavi akhe - ngase ngibavile nabo, ngawa ngebuso bami ngebutfongo lobukhulu ngebuso bami phansi. ¹⁰ Sandla sangibamba, sangenta ngatatatela emadvolweni ami kanye nase ntsetseni yetandla tami. ¹¹ Lengilosi yatsi kimi,''Danyela, indvodza letsandzeke kakhulu, condza lamagama lengiwakhuluma kuwe. Sukuma ngobe ngitfunyelwe kuwe.''uma sekawukhulumile lomulayeto kimi, ngasukuma ngatatatela. ¹² Wase utsi kimi, ungesabi, Danyela. Kusukela ngelilanga lekucala hlela ingcondvo yakho kutsi icondze utitfobe ngaphambi kwaNkulunkulu wakho, emavi akho avakala, ngitile ngenca yemagama akho. ¹³ Lenkhosana yalombuso wase Persia imelane nami, ngabese ngibekwa khona kanye nemakhosi ase Persia emalanga lamashumi lamabili- nakunye. Kodvwa Mikhayeli,munye waletinkhosana letinkhulu, weta watongisisita. ¹⁴ Nyalo sengitile kutokusita kutsi ucondze kutsi kutakwentekani kubantfu bakho ngemalanga ekugcina. Ngobe lombono wemalanga lasatakuta, ¹⁵ Ngesikhatsi asakhuluma nami asebentisa lamagama, ngashintja buso bami ngabheka emhlabatsini futsi ngangingakhoni ngisho nekukhuluma. ¹⁶ Lobekafana nemandvodzana emuntfu atsintsa tindzebe tami, ngase ngivule umlomo ngikhuluma naye lobekeme embikwami:''Mphatsi wami, ngisebuhlungwini ngenca yalombono; sengite nemandla lasasele. ¹⁷ Ngisisebenti sakho.Ngingakhuluma kanjani ngeMphatsi wami? Ngobe nyalo sengite emandla, phindze sekute nemphefumulo losele kimi. ¹⁸ Phindze loyo lonekubonakala kwendvodza watsintsa mine wanginika emandla. ¹⁹ Watsi,'' ungesabi, ndvodza lentsandze kakhulu. Kuthula akube kuwe! Cina nyalo,cina!'' Ngesikhatsi akhuluma nami, ngaciniswa. Ngatsi,''Umphatsi wami aka khulume, ngobe wena songicinisile.'' ²⁰ Watsi,''Uyati yini kutsi ngiteleni lakuwe? masinyane futsi yajika ngiyokulwa neNkhosana yakaPersia. Ngesikhatsi ngihamba , iNkhosana yaseGreece itofika. ²¹ Kepha ngitakutjela wena lokubhaliwe encwadzini yeliciniso. Kute lotikhombisako acinile nami amelane nabo, ngaphandle kwaMikhayeli iNkhosana yenu.''