¹ Davide watsi,'' ukhona yini emndenini waSawula lengingamukhombisa umusa ngenca ya Jonathani?'' ² Emndenini waSawula kwakukhona sisebenti libito lakhe kungu Ziba, bambitela kuDavide. Inkhosi yatsi kuye,'' nguwe yini Ziba?'' waphendvula watsi,'' ngimi inceku yakho.'' ³ Yase Inkhosi itsi,'' kute yini losele emndenini waSawula lengingamentela umusa waNkulunkulu?'' Ziba waphendvula inkhosi watsi Jonathani usenayo indvodzana, lesishosha.'' ⁴ Inkhosi yatsi kuye, ukuphi?'' Ziba waphundvula inkhosi, '' buka, usendlini ya Makiri indvodzana ya Amiyeli ka loDeba.'' ⁵ Yase inkhosi Davide itfumela kutsi alandvwe endlini ya Makiri indvodzana ya Amiyeliwase LOdeba. ⁶ Ngako Mefiboshethi indvodzana ya Jonathan indvodzana ya Sawula, weta ku Davide wagobisa inhloko yakhe wabuka phansi ahlonipha Davide. Davide watsi '' Mefiboshethi. waphendvula watsi, '' ngiyinceku yakho!'' ⁷ Davide watsi kuye,'' Ungesabi, ngempela ngutakukhombisa umusa ngengca yeyise wakho Jonathan, ngitakubuyisela kuwe indzawo ya Sawula mkhulu wakhe, utawuhlala udla etafulni lami. ⁸ Mefiboshethi wagoba watsi, '' beyiyini inceku yakho, kutsi bewungayibuka ngemusa khatsaloku ngiyinja lefile. ⁹ Inkhosi yabita Ziba, Sisebenti saSawula, watsi kuye,'' konkhe lobekukwa Sawula nemndeni wakhe ngikunikete umtukulu wemphatsi. ¹⁰ Wena , emadvodzana akho netisebenti takho kumele nimulimele lomhlaba phindze nimuvunele kuze kutsi umtukulu wemphatsi wenu , adle etafuleni lami.'' Ziba abenemadvodzana lelishumi nesihlanu netisebenti letimashumi lamabili. ¹¹ Wase Ziba utsi enkhosini ,'' sisebenti sakho sitawuwukwenta lokulokushiwo nguwe.'' Inkhosi yachubeka yatsi,'' Mefiboshethi utawudla etafuleni lami, njengemadvodzana enkhosi.'' ¹² Mefiboshethi abenendvodzana lencane libito layo kungu Mikha. Bonkhe labebahlala endlini ya Ziba bebatisenti ta Mefiboshethi. ¹³ Ngako Mofiboshethi wahlala eJerusalem, wadla etafuleni lenkhosi, noma abesishosha