¹ Laphoke tive taka Israyeli teta ku Davide eHebroni tatsi, '' Buka, singumutimba nematsambo akho. ² Elimuveni lelengcile, uma Sawula asese yinkhosi yetfu, beku nguwe bohola imphi yaka Israyeli. Simakadze watsi kuwe, ''Utawulusa bantfu bami baka Israyeli, phindze utawubusa ngetulu kwa Israyeli.'' ³ Ngakoke baholi baka Israyeli beta enkhosini eHebroni, nenkhosi Davide yenta sivumelwano nabo embikwa Simakadze. Laphoke bagcoba Davide inkhosi yaka Israeli. ⁴ Davide bekane munyaka lelishumi lamatsatfu nakacala kubusa, futsi wabusa iminyaka lelishumi lamane. ⁵ EHebroni etukwa Juda wabusa iminyaka lesikhombisa netinyanga letisitfupha, beseke e Jerusalema wabusa iminyaka lengeshumi lamatsatfu nakutsatfu etukwa wonkhe Israyeli na Juda. ⁶ Inkhosi nemadvodza ayo yahamba yaya e Jerusalema bacondzene nema Jebuse, bahlali balomhlaba. Batsi ku Davide, '' Ngeke ute lana ngaphandle kweku jikiswa timphumphutse netishosha. Davide akakwati kuta lana.'' ⁷ Kuse njalo, Davide wabamba kakhulu i Zayoni, losekwa tiwa ngekutsi lidolobha la Davide. ⁸ Ngaleso sikhatsi Davide watsi, ''Labo labahlasele ema Jebuse kufanele bahambe emugodzini wemanti kute bafike kulaba 'Tishosha kanye neti mpumputse' loku titsa ta Davide.'' Kungako bantfu batsi, ''Laba 'timpumputse kanye netishosha akufanele bangene esigodlweni.'' ⁹ Ngakoke Davide wahala kule lidolobha leli netindvonga tekuvikela walibita ngekutsi lidolobha la Davide. Walicinisa ngaphandle nange khatsi. ¹⁰ Davide waba nemandla kakhulu ngoba Simakadze, Nkulunkulu wetingilozi temphi, bekanaye. ¹¹ Laphoke Hirami inkhosi yase Tayire yatfumela balayeti ku Davide tihlahla temu phayini, babati, kanye mabo meselane. Bakhela Davide indlu. ¹² Davide bekati kutsi Simakadze besekamente inkhosi yaka Israyeli, ngaloko ke wakhulisa umubuso wakhe ngenca yebantfu baka Israyeli. ¹³ Ngemuva kwaloko Davide wahamba e Hebroni wabese uya eJerusalema, wasebe utalelwa emadvodzana nemadvodzakati. ¹⁴ Lawa ngemabito ebantfwana labatalelwa yena eJerusalema: Shamuwa, Shobhabhi, Natani, Solomoni, ¹⁵ Ibhari, Elishuwa, Nephegi, Japhiya, ¹⁶ Elishama, Eliyada, kanye na Eliphelethi. ¹⁷ Nyalo uma ema Philisti eva kutsi Davide beka gcotjwe inkhosi yaka Israyeli, bonkhe baphuma bayomu buka. Kepha Davide weva ngako wahamba waya levikelweni yakhe. ¹⁸ Nyalo ema Philisti bekafikile agcwala tiganga tase Rephayami. ¹⁹ Laphoke Davide wacela lusito kusita ku Simakadze.Watsi, Ngiwahlasele yini ema Philisti? Utanginiketa kuncoba tukwe ma Philisti?'' Simakadze watsi ku Davide, ''Hlasela, ngoba ngitawu cinisekisa ngiku ncobise tukwe ma Philisti.'' ²⁰ Ngakoke Davide wahlasela e Bhali Perazimu, lapho waba ncoba. Wakhuluma, '' Simakadze sobhubute titsa tami embikwami njenge kubhubuka kwemanti etikhukhula. Ngakoke ligama lalendzawo kwaba kus Bhali Pherazimu. ²¹ Ema Philisti ashiya tithico tawo, Davide nemadvodza akhe batitsatsa bahamba nato. ²² Laphoke ema Philisti abuya anyuka abese andlondlobala futsi etigangeni tase Rephayemu. ²³ Ngakoke Davide wafuna lusito ku Simakadze phindze, Simakadze watsi kuye, '' Kufanele ungaba hlaseli ngembili, kepha batungeletele bese uvelela kibo etihlahleni tema Bhalisami. ²⁴ Uma uva umusindvo wekuhamba emoyeni uphuphutsa etukwe tihlala tema Bhalisomi, Laphoke hlasela ngemandla. Wente loku ngoba Simakadze utabe ahambe embili kunawe kuyo hlasela imphi yase Philisti.'' ²⁵ Ngakoke Davide wenta njengobe Simakadze amyalele. Wabulala ema Philisti kusuka e Geba kuya eGezeri.