¹ UmaDavide ahambe indlela lemfisha esicongweni sentsaba, Ziba sisebentisems Mephibosheth wahlangane naye nemhlambi wetimbongolo; tukwato bekune tinkhulu letimbili tetinkhwa, likhulu letikhehle semagelebisi, likhulu lesikhehle semakhiwa, kanye netikhumba teliwayini. ² Inkhosi yatsi kuZiba, ''Utiletse leni letintfo leti?'' Ziba waphendvula, ''Letimbongolo tendlu yenkhosi kutsi tigitjelwe, lesinkhwa nemakhekhe emakhiwa alamajaha kutsi adle, bese leliwayini laloyo lofuna kunatsa ehlane.'' ³ Inkhosi yatsi, ''Uphi umphatsi wemtukulu wakho?'' Ziba waphendvula watsi enkhosini, ''Buka, usele eJerusalema, utse, 'Namuhla indlu yema Israel itobuyisa umbusa wababe kimi.''' ⁴ Inkhosi yatsi kuZiba, "Buka, konkhe lokukwe Mephibosheth nyalo sengekwakho.'' ziba waphendvula, ''Ngiyatitfoba kuwe, mphatsi, nkhosi. Ngatsi ngingatfola umusa emehlweni akho.'' ⁵ Uma Davide sekafika eBahurim, indvodza yalomndeni welisendvo laSaul yaphuma lapho. Ligama layo bekungu Shimei indvodzana yaGera, wacalekisa asaphuma. ⁶ Wajikijela Davide ngematje nakuto tonkhe tisebenti tenkhosi, kwenyanya kubantfu nemadvodza lamakhulu labekasekudla nesencele senkhosi. ⁷ Shimei wamemeta tecalekiso, "Hambani, sukani lana, bantfu bengati, bantfu labasilutfo! ⁸ Simakadze ubhadalele yonkhe lengati leniyicitsile emndenini waSaul, kuleto tindzawo nibusile. Simakadze Unikete lombuso esandleni saAbsalom indvodzana yakho. Uto bhubhisa ngoba uyindvodza yengati.'' ⁹ Wase Abishia indvodzana ya Zeruiah, yatsi enkhisini, ''Leni lenja lefile icalekise umphatsi wami inkhosi? Ngivumeleni ngiyokhipha inhloko yakhe.'' ¹⁰ Kodvwa inkhosi yatsi, ''Ngitowentani ngawe, ndvodzana yaZeruiah? Ngenteka ungicalekisa ngoba Simakadze utse, 'Calekisa Davide.' lona lotse kuye, uyicalekiselani inkhosi?''' ¹¹ Ngako Davide watsi kuAbishai nato tonkhe tisebenti yakhe, Bukani, mandvodzana ami, lenatalwa emtimbeni wami,bvafuna kutsatsa imphilo yami. Kanganani lomBenjamin lifuna kuyibhubhisa? Muyekeleni futsi muyekeleni acalekise, ngoba Simakadze utse ente kona. ¹² Ngenteka Simakadze bonkhe lobuhlungu lobehliselwa kimi, angikhokhele ngalokuhle nekungicalekisa namuhla.'' ¹³ Ngako Davide nemadvodza akha bahamba ngemgaco, Shimei asahamba eceleni kwakhe egcumeni, acalekisa futsi ajikijela tibi nematje kuye asahamba. ¹⁴ Yase inkhosi nabo bonkhe bantfu lebekanabo bayakhatsateka, wase uyaphumula mabema kulobusuku. ¹⁵ Absalom nabo bonkhe bantfu bemadvodza akaIsrael lebekanaye, beta eJerusalem, neAhithophel beyinaye. ¹⁶ Kwefika lapho Hushai umArkite, Umngani waDavide, weta kuAbsalom, ''Kuphila lokudze nkhosi! kuphila lokudze nkhosi!'' ¹⁷ Absalom watsi kuHushai, ''Ngabe kutsembeka kwakho kumnganwakho loku? Awukahambi ngani naye?'' ¹⁸ Hushai watsi kuAbsalom, ''Cha! Lona la Simakadze nebantfu bakhe nawo onkhe emadvodza aka Israel amukhetsile, ngiwaleyo ndvodza. ngitohlala nayo. ¹⁹ Futsi, umuntfu kufanele sebenteni? kumele ngingasebenti phanbi kwendvodzana yakhe? Njengoba bengisebenta phambi kweyihlo, ngitosebenta phambi kwakho.'' ²⁰ Lomu Absalom watsi Ahihtophel, ''Seluleke ngalokumele sikwente.'' ²¹ Ahithophel waphendvula Absalom, ''Hamba uyekusincanakazane seyihlo, lasishiya kutsi sinake lesigodlo, nawo wonkhe Israel utokuva kutsi sobeliphunga leyihlo. Bese kutsi tonkhe letandla letinawe titocina.'' ²² Ngako bandlalela Absalom lithende etulu kwesigodlo, wase Absalom eya kutincanakazane teyise phambi kwayo yonkhe Israel. ²³ Nyalo seluleko saAhithophel lasikhipha kulawo malanga bekungatsi bantfu beve siphuma emlonyeni waNkulunkulu. Sabukwa kanjalo seluleko saAhithophel nguDavide na Absalom bobabili.