¹ Kweza ku pangahala kuti Jesu ha mana a a manzwi onse, na wamba ne balutwana bakwe, ² "Mwizi kuti mumazuba obele ku keeza ku zambuluka, mi mwana muntu iye ukeza ku zwisikizwa ku bambulwa." ³ Ku zwaho baprisita ba kulwana ni ba kulwana ba bantu ni ba kungene hamwina mwi lapa lya muprisita mukulwana, we zina lya Kayafasi. ⁴ Ni ba zezinsana muba wola ku suminina Jesu cho kuli wungula ni ku mwihaya. ⁵ Ka kuti ba bali kucho kuti, "Isiñi mu inako yo mukiti, ku chitila kuti kanzi kubi ni musunga mukati ka bantu." ⁶ Mi linu Jesu cho sina mwa Bethani mwi nzubo ya Simoni wa chi senda, ⁷ cha bali kwi kala he tanfule, mwanakazi cheza kwali nakahindite ka hambwezana kena minunkiso idula, imi namuchunka hamutwi. ⁸ Kono balutawana bakwe chinga ba bona bulyo, ni banyelwa ni bati, "Ibakanzi lileta ku zenenga kusika aha? ⁹ Izi ni zibawuzwa chamali mangi imi nikuha ba humanehi." ¹⁰ Kono Jesu, cho kwiziba ici, nabaco kuti, "Mu katalekeza inzi uuzu mukulwaakazi? Kakuli ime cani npangila buloti. ¹¹ Mwina neba humanehi inako yoonse, kono kete mube name inako yonse. ¹² Ka kuti ha nitila a a mafuta hamubili wangu, u ni bakanyeza ku ungwa kwangu. ¹³ Cho kwizula ni mu wambila kuti, "konso kwete mulaezo ni u kutazwe mu inkanda yonse, uzu mukulwaakazi chacha panga kachi wambwe choku mu kumbulukwa." ¹⁴ Kuzwa aho zumwi wabe ikumi ne bobele, yabali kusumpwa Judasi Isikaliota, nayenda kuba prisita bakulwana cho ku ¹⁵ kacho kuti, "cimuwola kuniha chinzi kuti nimumihe?" Mi ni bamubalila i silivela ya buwayaya wa mali bulikana makumi otatwe cho ku a muha. ¹⁶ Kuzwa cheyeyo inako nekala nasaka kuwana chibaka cho kumubaha. ¹⁷ Linu mu izuba lye ntanzi lye chinkwe chi sa bili balutwana cho kuiiza kwa Jesu cho kucho kuti, "Njo kuhi kosaka kuti tuka ku bakanyeza zilyo zoku zambulukwa? ¹⁸ "I ye cho ku bacho kuti muyende mumuzi mo mu kawane mukwame kuzwa ho muka mucho kuti, "muluti uti, "Inako yangu chiyasika. muni kekaliile ku zambulukwa mu nzubo yako ime ne balutwana bangu. ¹⁹ "Mi Balutwana ni ba chita ka kuya cha Jesu mwa ba balati, mi niba ka bakanya zilyo zo ku zambulukwa. ²⁰ Chitengwana chinga cha sika, ne kala hansi cho ku tanga kulya ne balutwana bakwe bena ikumi ne bobeele. ²¹ Chi ba kwete kulya eye cho ku cho kuti, "Cho busakusima ni mu lwilite u mwina mukati kenu mwani wuze. ²² Choku shala chiba zuwa butuku, mi zumwi ni zumwi wabo choku tanga ni ba mubuza ni bati, "Aa kahena ime mwendi simwine?" ²³ Mi ne taba, "Iye mwine yete asunse name mukasuba njeye yeti ani wuze. ²⁴ Mwana wo muntu mwa yende, sina mukuñoletwa cha kwe. kono kumaibite uzo muntu iye yete na uuze mwana muntu! ni kubabi neenza kati uzo muntu nasana a bazalwa." ²⁵ Judasi, ya ba kukeza ku ku mu wuza nacho kuti," A njeme, muluti?" Iye cho ku mwitaba nati. "Chi wa wamba uwo umwine." ²⁶ Chi basi kwete kulya, Jesu choku hinda chinkwe, nachiha mikonde, cho kuchi gamuna. Nachiha balutwana cho kucho kuti, "Muhinde, mulye. nje nyama yangu iiyi." ²⁷ Nahinda i nkomoki cho kuli tumela, cho ku ibaha choku wamba kuti, "Mu iñwe, mubonse. ka kuti. ²⁸ A a malaha angu o ku zuminzana ku hiya etililwa bungi bungi bwa bantu kuti ba wole ku wondelwa zibi zabo. ²⁹ Kono ni mu cho kuti, keete nini boole hape ni nywe menzi e chihantu cho mu woomba, mbwita mwe lina izuba chi nina u nywa bu hiya na nwe mumu buso wa taayo." ³⁰ Mi chinga ba maana ku zimba luzimbo, niba tantukira he iwulu lye ruundu lye zitente. ³¹ Linu Jesu choku bacho kuti, "Mu boonse mu munitiyile masiku anu suunu che ibaka lyangu, ka kuti kuñoletwa, 'Kani dame mulisani mi imbelele zo mulaka izo cho ku gaanuka.' ³² Mi chi nina buswa, kani yende habusu bwenu kuya kwa Galilea." ³³ Kono Pitolosi na wamba naye, "Mane ngati bonse kaba ku tiile, Ime keeti chini ku tiila." ³⁴ Jesu na mucho kuti, "Chobusakusima ni kulwilite, mwaanu masiku muukombwe ni useni kulila mo ukuli sampwile ko tatwe." ³⁵ Pitolosi na mucho kuti, "Mi ime ni wola ku fwa nawe, keti chini ku li sampula." Mi balutwana bonse nabo cho ku wamba indaba iswana. ³⁶ Ku uzwaho Jesu nayenda nabo ku chibaka chi sumpwa Getesimane cho kucho balutwana bakwe," Mu ikale aha chi nisi kaya haana kuku lapela." ³⁷ Mi na hinda Pitolosi ni baanaswisu bobele ba Zebedia mi na tanga ku wiilwa ne ku katazeha. ³⁸ Ku zwaaho choku bacho kuti," Luhuho lwangu chi lwa sasaminwa, muniwola kufwa. Linu mu ikale hohwaha mu liise name." ³⁹ Mi na yenda ha busuzana bulyo, cho kuwa cho busu bwake, choku lapela. Naati, "Tayo, haiba ku wooleka, iyi inkomoki ini zambuluke. Mi, ni hakuba bulyo, sanzi ku pangahali kusuna kwangu, mi bulyo ku pangahale kwako." ⁴⁰ Mi neeza ku balutwana bakwe cho kuiiza kuba wana ba sukwiile, mi nacho Pitolosi," Au mukangwa ku iiza name nangati inako imwina bulyo? ⁴¹ Mu liise choku lapela kuti sanzi mu injili mu muliko. Luhuho lu suni, mi bulyo inyama iyo i kangwa." ⁴² Mi na zwa cho kwenda hape lo bubeli cho kuka lapela, nati, "Ita, haiba i chi keti chichi hita mbwita ni chinwe, ku suna kwako ibe uko ku pangahala." ⁴³ Mi neeza hape cho kuiiza ku bawana ba sukwile ka kuti menso abo a bali ku lema ne ku lema. ⁴⁴ Ku zwaaho hape cho kuba siya cho kuli yendela. Mi na lapela lo butatu hape na wamba manzwi a swana bulyo. ⁴⁵ Ku zwaaho Jesu ne za ku balutwana cho ku bacho kuti, "Mu si lele ne kuli teeka? Mu bone, inako chiya sika, mi mwana Muntu chohewa mu ma yanza a ba fosahele. ⁴⁶ Mu buuke, tuyende. Mu bone, iye yoni wuza cho wina hafuhi." ⁴⁷ Mi haba si kwete ku wamba, Judasi, zumwi wa be ikumi ne bobele, neeza. Bungi-bungi bwa bantu cho kuiiza naye kuzwa ku mu prisita mukulwana ni ba kulwana ba bantu. Mi ne beza ne mafulo ne inkoli. ⁴⁸ Linu muntu ya bali kuya ku ku wuza Jeeso naa baha chikuka, nati, "zumwe ne zumwe bulyo yete nikoote, njeye uzo. Mumu wonde." ⁴⁹ Hohwaho bulyo neeza kwa Jesu cho kucho kuti, "Lumele, Muluti!" Mane choku mu koota. ⁵⁰ Jesu choku mucho kuti, "Mwangu, chite bulyo cho ke zilile ku panga." Mi linu mpu bezilile mane cho ku wonda Jeeso chamayanza abo, cho kumusumina. ⁵¹ Mu bone, zumwi waba beena ne Jesu na zwisa iyanza, cho ku kwita kafulo, mi naa kanka muhikana wo muprisita mukulwana ahulu, cho ku kosola kutwi kwakwe. ⁵² Ku zwaaho Jesu namu cho kuti, "Booze kafulo kako muci biko cateni, kakuti abo bete ni ba kwi kala ni ba zwisa kafulo ka bafwe cha kafulo. ⁵³ A mi muzeza kuti ni kangwa ku wamba ni Tayo, ku zwaaho iye cho kuni tuminiza ma ñgiloi a zamba mianda mianda ina ikumi ni yo beele? ⁵⁴ Linu mbobule mañolo mu a wola ku izuzilizwa, haiba i chi ni chi sa pangahali?" ⁵⁵ Cheyo inako Jesu na wamba ni ikunga, "Mu ka ni ziilile ni mafulo ni inkoli kwiza kuni wonda mane sina ni musaa? Ni bali kui kala i zuba ni zuba mu itempele ni ni luta, mi ka hena mu bani wondi. ⁵⁶ Mi zo nse izi chi za pangahali kuti zi ñoletwa ne bapolofita zi wo le kwi zuzilizwa." ku zwaaho balutwana bonse ni ba musiya ni ku muñombwela. ⁵⁷ Abo ba ba sumini Jesu ni ba mutwala kwa Kayafasi muprisita mukulwana, uko bañoli ni ba kulwana ku ba ba kunganine hamwina. ⁵⁸ Kono Pitorosi na be chilila mwisule ku ya kwilapa lyo mupurisita yo hanzi. Na yenda mukati chi ku ke kala niba ganteli kuti a bone cheti chizwe. ⁵⁹ Mi linu maprisita ba kulwana ni ba yeelezi bonse ba li ku gana bupaki bwa mapaa bwa ku hambiliza Jesu, kuti ba mwi haila hateni. ⁶⁰ Mi ni ba bula na ngati ci nini mu zonse zi ntu zi ba ba mu hambiliza, nangati ku beezi ha busu bapaki bangi ba mapa. Kono ku ma mani mani ni kweza bo bele ha busu ⁶¹ mi na cho , "U zu unkosi a ba cho kuti,' Ni woola ku za ku nuna itempele ye Ireeza mane cho ku i zaaka mu ma zuba otatwe." ⁶² Muprisita yohanzi cha zimana namuta kuti, ''Ka wina inkalabo? Chinzi icho chi ba paka chilwisana nawe? ⁶³ Kono Jesu aba tontwele. Muprisita yohanzi nata kwali, "Ni ku laela che Ireeza yo hala, tuwambile heiba njewe Kreste mwana wa Ireeza." ⁶⁴ Jesu cha mwitaba," Wa wamba iwe u mwine. Kono niku wambila, ku zwahanu ko bone Mwana wa Muntu nekele kwi iyanza lya malyo lye Nguzu, imi na keza ha makope e wulu." ⁶⁵ Kuzwaho muprisita yohanzi na halola zi zabalo zakwe imi nati, "Cha wamba kutukana! Tusisakila nzi impaki! Mubone, linu hanu mwa li zuwila matapa. ⁶⁶ Muzeza bule?" Chibe taba ni bati, "Uyelele ifu," ⁶⁷ Kuzwaho chiba muswila muchifateho chakwe chiba muwopa lubaka cha mayanza abo, ⁶⁸ imi nibati, "Tu porofitele , iwe Kreste. Njeni iye waku kaba?" ⁶⁹ Hohwaho Pitolosi cho si keele hanze lye ilaapa, mi mu hikana wo mwana kazana cho kuiza kwali na mucho kuti, "Na we sa ka wina ni Jesu wa Galalea. ⁷⁰ "Kono iye na kanana ha busu bwa bo bonse, nati, "Kanizi kuti u kwete u wamba kaha cinzi." ⁷¹ Ha yenda hanze ku me njililo a mulyango, zumwi mukazanana wo muhikana na lwila a bo ba be na ha teni, "Uzu unkosi na ye wina ni Jesu wa Nazareta." ⁷² Mi iye na kaanana cho kukonka nati, "uzo unkosi ka ni mwizi." ⁷³ Ka ba kazana bulyo kwa bo ba ba li zimanine ne be za kwa Pitolosi cho ku mucho kuti," cho busakusima na we u umwi wa a bo, ka kuti ne lulimi lwako lu ku paka." ⁷⁴ Na tanga ku kuuta ni ku koonka. "Ka nizi uzo unkosi," cho bufwihizana hohwaho mukombwe cho kulila. ⁷⁵ Pitolosi na ku mbulukwa ma anzwi a ba wambi Jesu, "Pili mukombwe ni u seni ku lila mo kunili sampwile ko tatwe. "Ku zwaho mpwa zwilile hanze cho ku ka lila na boonda.