¹ Jesu hasupa balutwana vakwe bonse vena ikumi ni vovele, mi cha vaha ziho za ku kalimela ihuho imbi, ni kuzi laela kuzwa, ni ku hoza matuku, ni mi fokolo yose. ² Lyahanu mazina a balutwana bena ikumi ni bobele nji: We ntanzi, Simone yo sumpwa Pitorosi, ni mwanchakwe Andreyasi; Jakobo mwan´a Zebediya, ni mwachakwe Johani; ³ Filipi, ni Bartolomiyu; Tomasi, ni Mateu mulihisi wa mitelo; Jakobo mwan´a Alufeya, ni Tadeyusi; ⁴ Simone ya bena inchiseho, ni Judasi Isikariyote, yete na mubeteke. ⁵ Aava vena ikumi ni vo vele Jesu cha va tuma. Cha va layela kuti, "Sanzi va yendi kuzivaka za Machava, mi sanzi mwi njili mwi Tolopo ihi ya Masamariya; ⁶ Kono muyende kwi Ngu zi zovete ze zunvo ya Isilaele. ⁷ Mi chi muyenda, mukutaze ni muuti, "Mubuso wa kwiwulu chiwina hafuhi." ⁸ Mu hoze valwele, mu vuuse vafwile, mu hooze imbingwa, mu hindike madimona. Mu vahewa bulyo, muhe vulyo. ⁹ Sanzi mu hindi gauda, ni silivera, kapa mashelenyi mu mikotana yenu; ¹⁰ Sanzi muhindi mikotana ya zizwato mu misipil yenu, kapa zimwi zizwato, kapa isangu, kapa inkoli, kakuti muveleki u swanelwa zilyo zakwe. ¹¹ Muleneñi uhi no uhi kapa munzi u mwi njila mwateni, mu buuze yo swanela mwikale mwateni; mwi kale mwateni konji chi mwa funduka. ¹² Chi mwi njila muzuvo, mu ilumelise. ¹³ Heva inzuvo iiswanela, musiye inkozo yenu ishale mwateni; kono heva kayi swaneli, musiye inkozo yenu i voole kwenu. ¹⁴ Kwabo vasena vava mitambuli kapa kutekeleza liinzwi lyenu, ha mu nyamuka kuzwa muzuvo ya vo kapa mu Muleneñi, mu kunkumune imbundu ya ku matende yenu. ¹⁵ Che niti ni ta kwenu: Mu ve ni chisemo chihitilize mwi Nkanda ya Sodoma ni Gomora mwi zuva lye nkatulo kuhita lyowo muleneñi. ¹⁶ Mu vone, ni mi tuma sina Ngu zina mukati ka Valuwawa, muve vena maano sina nzoka mi mu ve sina va sena maano sina Nkwilimba. ¹⁷ Mu tokomele Vantu! Mu va mitwale havusu bwa va zekisi, mi ka va mishupe mu zivaka za malapelelo avo. ¹⁸ Mi ka muletwe ha vuusu bwa Mangambela ni va Simwine vakeni changu, kuti mu ve ni vupaki kuvali ni ku Machava. ¹⁹ Chini vati chiva mi kwatisa, sanzi ni mu katazehi kuti ka mu wambe inzi, kakuti cheti ni mu wambe ka mu chihewa mwe yeyeyo inako. ²⁰ Ka kuti keti niyi kuvele unwe mu wamba mi kayi kuvele Luhuho lwe Shenu lweti ni lu ku waamba mweenu. ²¹ Muntu mwa kwatise mukwakwe kwifu, mi muzazi a kwatise mwan´a kwe. Vaana mubalwise vazazi va vo, mi va va letele kufwa. ²² Mu va mitoye vakeñi che zina lyangu. Mi yata sike ku ma manimani, uzo muuntu mwa puluswe. ²³ Chi va minyandise bulyo mu Muleneñi, muyende ku mwi ku Muleneñi, Initi ni wamba kuti, ke se mu mane Mileneñi yoose ye Isilaele pili Mwana Muntu na seni kusika. ²⁴ Mulutwana kahiti Muluti wa kwe, kapa muhikana kuhita nfumwe. ²⁵ Kulikene kuti mulutwana a swane ni muluti wa kwe, ni muhikana sina nji nfumwe. Heba ba sumpi mukulwana we nzubo Beelzebule, ka kube bule benzubo yakwe chiba sumpiswa mazina mabilala! ²⁶ Kuzwaho kanzi mu ba tiyi; kakuti kakwina chi wungwilwe chi sete chi zibahazwe, mi ka kwina chipatitwe chi sete chipale kwi zibwa. ²⁷ Chi ni mi wambila mwififi, mu chi wambe musihali, imi chi muzuwa cha buhuba mu matwi enu, mu ziwambe hewulu lya mazubo. ²⁸ Sanzi mu tiyi Vantu ve haya muvili; kono ka va woli kwi haya luhuho. Insini, mu tiye ve haya zoose luhuho ni muvili mwi hele. ²⁹ Heva, tutiti to vele twina heteko ye peene yoke? Kanti ka kwina katiti, niheva konke, ka wila hansi Ireeza wenu na se zivi. ³⁰ Ni heva nsuki za ku mitwi yenu zibalitwe zoose. ³¹ Sanzi mutiyi. Mu va vu tokwa kuhita tutiti tungi. ³² Muntu ye se yo wamba nzina lyangu ku Vantu, name kani muwambi kwa Tayo wina kwiwulu. ³³ Kono yo ni sampula ku vantu, name, kani mu sampule kwa Tayo wina kwiwulu. ³⁴ Sanzi muhupuli kuti ni valete inkozo mwi kaanda. Kena ni va leti inkozo, kono mulinga. ³⁵ Cwale ni va kezi kwiza kufapanya muntu ni veesi, mi mwnakana ni nyiina, mi mukwenyani wa mwana kazana ni nyinazaala. ³⁶ Muntu zilazakwe, mu va ve, venzubo yakwe. ^{39 37} I ye yo saka Sii kapa Nyina kuhitiliza mwani sakila, ka ni swaneli. Mi yo saka mwan´akwame kapa mwan´akazana kuhitiliza kani swaneli. ³⁸ I ye ya sa hindi chifapano cha kwe ni ku ni chilila ka ni swaneli. Yo tokomela vuhalo bwa kwe mwa vu sinyehelwe. ³⁹ Kono yo sinyehelwa vuhalo vwa kwe vakeñi cangu, mwa vuwane. ⁴⁰ Yo mi tambula, u tambula ime, mi yoni tambula ime u tambula yoni tumite. ⁴¹ I ye yo tambula mupolofita kakuti mupolofita ka wane mpo ya vupolofita. Mi yo tambula muntu yo shiyeme vakeñi cha kuta kuti muntu yo shiyeme ka wane mpo ya kushiyama. ⁴² Ye nse yoha ku muntu munini menzi a kuñwa a tontola, chevaka lya kuwamba kuti mulutwana, ni mi wambila kuti, ka kwina mwi se na kangilwe ku wana mpo ya kwe."