¹ Imbuka ya luzubo lwa Jesu Kreste, mwana wa Davida, mwana wa Abrahama. ² Abrahama a bali nji isi wa Isaka, ni Isaka isi wa Jakobo, ni Jakobo isi wa Juda ni bazalwa nabo. ³ Juda abali njisi wa Perezi ni Zera cha Tama, Perezi isi wa Hezironi, ni Hezironi isi wa Ramu. ⁴ Ramu abali nji isi wa Amminadab, Amminadab isi wa Nahshoni, imi Nahshoni isi wa Salumoni. ⁵ Salumoni ibali nji si wa Boazi cha Rahaba, Boazi isi wa Obedi cha Ruti, Obedi isi wa Jesse, ⁶ Jesse abali nji isi wa Davida simwine, Davida isi wa Solomoni cha mwihyabwe wa Uriya. ⁷ Solomon abali nji si wa Rehobowami, Rehobowami isi wa Abija, Abija isi wa Asa. ⁸ Asa abali njisi wa Johoshafati, Johoshafati isi wa Joramu, ni Joramu isi wa Uzzia. ⁹ Uzziya abali njisi wa Jotamu, Jotamu isi wa Ahazi, Ahazi isi wa Hezekiya. ¹⁰ Hezekiya abali njisi wa Manasseh, Mannasseh isi wa Amoni, ni Amoni isi wa Josiya. ¹¹ Josiya abali sikulwe wa Jekoniya ni banakwame bazalwa nabo he nako i babaka hambilizwa kwa Babilona. ¹² Mi kuzwa ha kuka hambilizwa kwa Babilona, Jekoniya abali njisi wa Salatiele, Salatiele a bali isikulwe wa Zerubabele. ¹³ Zerubabele abali nji isi wa Abiudi, Abiudi isi wa Eliyakimu, ni Eliyakimu isi wa Azoro. ¹⁴ Azoro abali njisi wa Zadoki, Zadoki isi wa Akimu, ni Akimu isi wa Eliudi. ¹⁵ Eliudi abali nji isi wa Eliyazere, Eliyazere isi wa Matani, ni Matani isi wa Jakobo. ¹⁶ Jokobo abali nji isi wa Josefa mwihyabwe wa Maria, iye ya bapuluhi Jesu, yo sumpwa Kreste. ¹⁷ Mahasi onse ku zwa kwa Abrahama ku ya kwa Davida abali mahasi ena ikumi lyonke ni one, kuzwa kwa Davida kuya ha baka hindikwa kwa Babilona ku leta kwa Kreste abali masika ena ikumi lyonke ni one. ¹⁸ Ku zalwa kwa Jesu Kreste kuba chitahali mu nzila i chilila. Inyina, Maria, aba beelezwe a seswe kwa Josefa, kono pili ni baseni kwiza hamwina, aba waniki ha menzi mahya cha Luhuho lu Jolola. ¹⁹ Mwihyabwe, Josefa, abali mukwane yo shiyeme, kono kana abali kusaka ku shubulisa mwihyabwe iñandaleza. Linu cha nahana ku manisa che nkunutu ku li beeleza kwakwe naye. ²⁰ Habali kusi nahana chezi zintu, Iñiloyi lya Ireeza ni lya libonisa kwali mu chiloto, liti, "Josefa, mwana wa Davida, kanji u tiyi ku hinda Maria kuba mwihyenu, mukuti iye ya lihindite abezi cha Luhuho lu Jolola. ²¹ Mwa puluhe mwanaswisu, imi mo sumpe izina lyakwe Jesu, mukuti ka haze bantu bakwe ku zibi zabo." ²² Izo zonse zi ba pangahali kwi zuziliza chiba wambiwa kwa Simwine cha muporofita, nati, ²³ " Mubone, mwalyanjo mwabe ha menzi mahya, mi mwazale mwanashwisu, mi mu bamu sumpe izina lyakwe Imanuele"- i talusa, "Ireeza wina naswe." ²⁴ Josefa ha buka mwiñonzi zakwe ni ku chita kakuya ke Iñeloi lya Simwine muli ba mulaeli mi cha muhinda kuba mwihyabwe. ²⁵ Linu kana abalali naye konji hazala mwanamushwisu. Mi abamu sumpisi izina lya Jesu.