¹ Jesus sai i ba si tera nunde ki padidu nel si disipulus bai ku el. ² Otcha dia di diskansu tchiga i na nsina na sinagoga manga di djintis e obi e fika dimiradu e fala: ''nunde ki aprendi e nsinamento? nunde ki sai ku es djiresa ki dadu? kuma ki ta fasi es kusa ku si mon? '' ³ N ta es i ka ki karpinteru, fidju di Maria, ermon di Tiagu , Jose, Judas ku Simon? Si ermons ka sta djuntu ku nos. ⁴ Jesus fala elis. Anusiadur ta rispitadu na tudu ladu , son na si tera, na metade di si ermors, ou na si kasa''. ⁵ I ka pudi ba fasi nin milagri la, i ta puiba mon ribadi duentis e sedu kuradu. ⁶ Falta di se fe i fasil adimira. ⁷ Jesus saiba di un tabanka pa utru, I na n sinaba djintis. 7 I tchima si disipulus i manda elis, dus a dus, i da elis puder riba di spiritus maus. ⁸ Son manduku: nin kumida, nin saku, nin dinheru na bo, ⁹ Nin dus kamisa: Bo kalsa sandalias. ¹⁰ I fala elis tanbi: kasa kubo gasidja nel, bo fika la te dia ku bo na sai na ki tabanka. ¹¹ Si djintis di utru tabanka ka risibi bos, e ka misti sukuta bos, ora ku bo na sai la, konkonhi puera ku sta na bo pe, pa sinal kontra elis. ¹² Discipulus bai e konta djintis, e fala elis pa e ripindi di se pekadu . ¹³ E tira fora manga di spiritu mau na djintis, e wunta manga di djintis ku aseiti i kura elis. ¹⁴ Rei Erodis bin obi ki kusa, pabia djinti na papia tchiu di Jesus na tudu ladu. Utrus djinti fala: Es i djon Batista ku lanta di mortu; e ku manda i ten puder pa fasi e milagris.'' ¹⁵ Utrus fala : '' es i Elias''. Utrus fala: Es i Djon Batista ku mandadu dogola ku lanta di mortu. ¹⁶ Odja Erodis bin obi ki kusa, i fala: Es'' Djon Batista ku nmanda dogola ku lanta di mortu''. ¹⁷ Na bardadi Erodis mandaba prindi Djon, i mitil na kalabus, pabia di Erodis, mindjer di Felipis, Ermon di Erodis tomalba pa i sedu si mindjer. ¹⁸ Djon fala pa Erodis '' bu ka ten diritu di sta ku mindjer di bu ermon. ¹⁹ Erodis fika ku odiu kontra Djon, i misti matal ma i ka pudi, ²⁰ Pabia i sintiba medu di Djon, i sibiba kuma Djon i bon omi di Deus, i guardal ba diritu, senpri ki papia ku el, i ta fika tarpadjadu na si sintidu, ma i kastaba di sukutal na mesmo. ²¹ Na fin Erodis bin odja manera. Odja Erodis fasi anu, i fasi festa pa si guardas ku chefis di tropas, ku regulus di Galileia. ²² Fidju femia di Erodis yentra , i badja. Erodis ku kilis ku staba ku el na mesa e kontenti ku badjuda. Rei falal:'' pidin ke ku bu misti, n na dau el,'' ²³ I jurmenta, i fala; '' tudu kusa ku bu pidin, n na dau te metadi di nha renu. ²⁴ I sai, i bai punta si mame:'' Ke kun na pidi? I falal:'' pidil kabesa di Djon Batista''. ²⁵ Badjuda yentra dipresa, i kuri pa rei, i falal: nmisti pa bu dan kabesa di Djon Batista gosi gosi na un pratu''. ²⁶ Rei fika tristi dimas, ma i ka misti prufial, pabia di Jeramentu ki fasiba dianti di djintis ku staba ku el na mesa. ²⁷ Ma ki ora rei manda guarda pa i bai tisil kabesa Djon Batista. Guarda bai pa kalabus, ²⁸ Isapa kabesa di Djon. Badjuda da si mame. ²⁹ Odja disipulu di Djon obi noba, e toma si kurpu e bai nteral. ³⁰ Apostolus riba pa Jesus, e kontal tudu ke fasi, ku kusas ke n sinaba djintis: ³¹ Manga di djintis. Na bai e na bin tok, Jesus ku si disipulus ka tenba tenpu pa kume. Asin Jesus fala elis:'' Bo bin no bai na utru kau ku djinti ka sta nel pa bo diskansa un bokadu''. ³² E kanba na un barku, elis son, e bai pa un kau dinguidu na disertu. ³³ Ma manga di djintis odja elis e na bai e rapada elis; e sai na tudu tabankas e kuri e djumna elis na kau ke na baiba. ³⁴ Odja e disimbarka, Jesus odja ki garandi multidon di djintis i sinti pena delis, pabia e sta ba suma karnel ku tene bakiadur. I kunsa na nsina elis manga di kusas. ³⁵ Manera ki sta ba dja tardi, si disipulus bai pa el e falal:'' E kau li dingui sol na bim kai gos. ³⁶ Dispidi djintis pa e bai pa se kasas ou na tabankas mas pertu pa e kunpra kumida pa kume'.' ³⁷ Ma Jesus ruspundi i fala, elis'' abos propri bo da elis di kume'' puntal: ''pa no bai no gasta dusentus mueda di prata pa kunpra kumida pa da elis di kume?'' ³⁸ I punta elis: kantu pon ku bo tene ? Bo bai djubi.'' Dipus ke djubi e falal sinku pon ku dus pis''. ^{39 40 41} Jesus fala disipulus pa e pui tudu djintis pa e sinta, grupu grupu na padja verdi. 40 Esinta na grupus, utru grupus ku sen utru gruou ku sinkuenta. 41 Jesus toma ki sinku pon ku dus pis i yalsa udju pa seu, i fala Deus obrigadu, i kebra pon i da si disipulus pa e rapati pa djintis. dipus e rapati ki dus pis anti delis tudu. ⁴² Tudu djintis kume e farta. ⁴³ Disipulus djunta padas di pon ku di pis ku sobra, e intchi dosi balais. ⁴⁴ Omis ku kume ki pon e sedu ba sinku mil. ⁴⁵ Na ki ora Jesus pui si disipulus pa e nbarka, e bai dianti pa Betsaida, na utru banda di mar; El i fika pa dispidi djintis. ⁴⁶ Otcha i dispidi elis, i bai pa montanha pa ora. ⁴⁷ Sol noiti barku staba na metadi di mar. Jesus fika ba el son na tera. ⁴⁸ I odja manera ke na kansa na rema, pabia ventu sta kontra elis. Kuas na ora di purmeru galu i ianda riba di mar tok i tchiga pertu delis, i mistiba pasa dianti. ⁴⁹ E odja manera ki na ianda riba iagu, e kuda kuma i seduba un kasisa e grita risu. ⁵⁰ Pabia elis tudu e odjal, e panta. na ki ora Jesus papia ku elis,i fala:'' Bo ten koragen i ami ka bo medi.'' ⁵¹ I mbarka tambi ku elis. Ventu para. Disipulus kuda tchiu, e fika dimiradu. ⁵² Pabia e ka ntindi ba ki milagri di pon. Se korson sta ba risu. ^{54 53} Otcha e kamba e bai pa purtu di jenesare entranka barku la. v 54 Otcha e disimbarka, djintis rapada Jesus. ⁵⁵ E kuri pa tudu ki ladu, e kunsa tisi duentis na kanapes na kualker kau ke obi kuma Jesus sta ba nel. ⁵⁶ Tudu kau ki entraba nel, ninki na prasa, ou na tabamka, ou na pontas e ta tisil ba duentis, e ditanda elis na metadi di prasa; e ta pidilba pa i disa elis son pa e toka na roda di si kamisa.Tudu kil ku tokaba Nel i ta fika kuradu.