¹ Fariseus ku Saduceus e bim pa koloka Jesus na prova e pidil pa i mostra elis u sinal di seu. ² Ma El i ruspundi elis: Ora ki di ditardi tchiga, po ta fala: ' I na bon tempu, pabia seu sta burmedju. ³ Di parmanha po ta fala: 'Tempu sta aos mal, nuvens sta burmedju skuru'. bo sibi rapara kuma seu sta, mas bo ka sibi rapara Sinalis di tempus? ⁴ Un djorson mau i adulteriu e ta pidi un sinal, mas e ka na dadu nin un sinal si ka dadu aserka di Jonas."Jesus dicha elis i bai si kaminhu. ⁵ Disipulus e tchiga na utru ladu, mas elis e diskisi di leba pon. ⁶ Jesus fala elis: "Bo presta atenson i bo sedu kuidadosu ku n'sinamentu di Fariseus ku Saduseus". ⁷ Disipulus na diskutiba entri elis e na fala. "E papai no ka tisi pon". ⁸ I Jesus pirsibi di se diskuson i fala:"Omis di fé, pikinimus pabia di ke ku bo na diskuti antidi bos bo na fala pabia no ka tisi pon? ⁹ Abos bo ka pirsibi inda i nim bo ka lembra di sinku pons pa sinku mil omis i kantu sestus ki rukudjidu? ¹⁰ E seti pons pa kuatru mil omis i kantu sestus ku rukudjidu? ¹¹ Ke ku manda bo ka intindi kuma n'kastaba na fala di pons? Bo presta atenson i bo sedu kuidadosus ku ensinamentu di Fariseus ku Saduceus". ¹² Asinelis e tindi kuma i ka na falaba pa e sedu kuidadosus ku fermentu di pons, mas di e sedu kuidadasus ku ensinamentus di Fariseus ku Saduceus. ¹³ Otcha ku Jesus bin pa region mas pertu di Cesareia di Filipe, i punta si disipulus: ke ku povu fala fidju di omi sedu? ¹⁴ Elis e ruspundi: "João ku sedu Batista'; utrus fala: 'Elias', utrus fala:'Jeremias o un dus profetas". ¹⁵ I El i punta elis." Mas abos kin ku bo fala n´sedu? ¹⁶ Sinon Pedru i ruspundi i fala: Abo i Kristu, Fidju di Deus vivu". ¹⁷ I Jesus ruspundil: Abo bu sedu abensuadu, Simon Barjonas, pabia i ka karni nin sangui ki revelau e kusa mas n'ha pape ki sta na seu. ¹⁸ Ami tambe na falau abo Pedru, riba de pedra na kumpu n'ha igreja portas di infermu ka pudi firma krontra el. ¹⁹ Ami n'ta dau tchabis di renu di seu. kil ku bu liga na tera i na sedu ligadu na seus e kil ku bu dislika na tera i na sedu dislikadu na seu". ²⁰ Asin Jesus manda si disipulus pa ka ningin kuma El i sedu Kristu. ²¹ Desdi ki monentu, Jesus kunsa na fala pa si disipulus ki i bon pa i bai pa Jerusalém pa sufri manka di kusas na mons di djintis garandiku garandis di Sacerdotis ku pursoris di lei; pa sedu lamtandadu di mortuna dia tris. ²² Asin pedru tchoma Jesus a parti i ka seta, Jesus kila:, Lundju di bo, ku bo." ²³ Mas, Jesus volta i falal sai n'ha tras, satanas abo pa Mi i pedra di tapada, pabia bu kata kuida di kusas di Deus, mas se kusas di omis". ²⁴ Assin Jesus fala pa si disipulus: Se alguin misti sigin, i na mega si propri kabesa, i toma n'ha krus i siguin. ²⁵ Kim ku misti salba si vida i na pirdil. I kim ku pirdi si vida pa n'ha kausa i na odjal mas. ²⁶ Ke ku alguin na purbita si i ganha e mundu e pirdi si vida? Ke ku alguin pudi da pa troka di si vida? ²⁷ Fidju di omi i bin na gloria di si pape ku si anjus. Asin El i na paga kada kin ku formi kil ke fasi. ²⁸ Bardadi ami na fala bos ka na espermenta mortu te ki i bin Fidju di omi ku na bin na si remu.