¹ Na ki tempu, Erodis, obi noba di jesus. ² I fala si servus :"Es i Jon; el ku lanta di mortu, pabia des ku e puder na manifesta nel. ³ Pabia Erodis prindilba, i moral i pul na prison, pabia di Erodis, mindjer di si ermon Filipe, ⁴ pabia Jon falalba:" I ka diritu pa butenel suma bu mindjer". ⁵ Erodis mistiba manda matal, ma i medi povu, pabia i konsiderar suma profeta. ⁶ Ma, otcha aniversariu di Erodis tchiga, fidju femia di Erodis badja na metadi di kunvidadus i kontenta Erodis. ⁷ Na resposta, ipirmitil ku un juramentu di kuma i na dal kualker kusa ki pidil. ⁸ Dipus ku si mame kontal ke ki na pidi, i fala:" Dan li, na un pratu, kabesa di Jon Batista". ⁹ Rei ka fika kontenti ku si pididu, ma pabia di si juramentu tambi pabia di tudu djintis ku staba ku el, i manda pa ki kusa fasidu. ¹⁰ I manda soldadus, ku bai korta kabesa di Jon na prison. ¹¹ Asin si kabesa tisidu na un pratu e da badjuda i lebal pa si mame. ¹² asin si disipulus bin, e lambu kurpu e bai n´teral. Dipus e bai konta jesus. ¹³ Otcha ku Jesus odja ke ku akontisi, i sai di la, na un barku,pa un lugar dinguidu. Otcha ku e obi ki kusa, ki multidon siguil a pé, e binba di prasas. ¹⁴ Asin Jesus ria na barku, i odja manga di djintis, e tene pena delis i kura se duentis. ¹⁵ Ditardi,si disipulus bin pa el e falal: Li i disertu sol noiti dja. Dispidi e djintis, pa e bai pa tabankas pa e kunpra kusa di di kume pa se kabesa. ¹⁶ Ma Jesus fala elis:" I ka pirsis pa e bai, bo da elis kusa di kume". " ¹⁷ E falal: No tene son pon ku dus pis". ¹⁸ Jesus fala:" Bo tisil pa mi". ¹⁹ Asin Jesus manda pa tudu djintis sinta na tchon. I pega ki sinku pon ku dus pis, i djubi pa seu, i abensual, i kebra pon na metadi, i da si disipulus si disipulus dal pa ki manga di djintis. ²⁰ Tudu djintis kume e kontenti. Asin e kudji kil ku sobra di padas di ki kusa di kume: i seduba dozi sestu cheiu. ²¹ kilis ku kumeba e sedu kuas mil omis, fora di mindjeris ku mininus. ²² Na ki ora i fasi si disipulus entra na barku pa e bata bai dianti pa utru ladu pa i fika pa dispidi djintis. ²³ Dipus ku djintis bai, i subi na montanha son pa ora. Otcha kau sukuru, i staba la el son. ²⁴ Ma barku staba lundju di tera kuas fora di kontrolu pabia di maran, pabia bentu na supraba kontra elis. ²⁵ Ki madrugada , Jesus pertusi delis pabia i na iandaba riba di mar. ²⁶ Otcha ku si disipulus odjal i na ianda na mar e panta e fala: "I kasisa ena grita ku medu. ²⁷ Ma Jesus fala elis rapidu:"Bo tene korajem! iami! ka bo medi". ²⁸ Pedru ruspundil:"Sinhor, si i abo, manda pa n´bai kontra ku bo na iagu." ²⁹ Jesus falal:"bin! " Asin Pedru sai na barku i ianda na iagu i bai te nunde Jesus. ³⁰ Ma odja ku Pedru sinti, i mediba; i , i kunsa na bai pa fundo, i grita: "Sinhor, salvam!" ³¹ Jesus rapidu i distindi si mon i pega Pedru i fala: "Abo, ku tene puku fé, pabia di ke ku bu duvida? ³² Asin otcha Jesus ku Pedru entra na barku, bentu para supra. ³³ Si disipulus na barku odora Jesus e fala:"Na bardadi abo i fidju di Deus". ³⁴ Dopus ku e kaba kamba e tchiga na tera na Genesaré. ³⁵ Otcha ku omis di ki lugar rapara Jesus, e manda rekadu pa lugaris na redoris e tisil tudu kilis ku staba duenti. ³⁶ E pidil pa e pudiba toka son na ponta di si ropa, i tudu kilis ku tokal fika kuradu.