¹ Dipus di e kusas, Jesus kamba pa utru ladu di mar di Galileia, ku ta tchomadu tiberíades. ² Garande multidon di djintis staba si tras, pabia e odjaba pa kilis ku staba duenti. ³ Jesus sibi na um montanha i sinta ku si disipulus. ⁴ Festa di Judeus ku ta tchomadu paskua staba dja pertu. ⁵ Otcha Jesus djubi i odja multidon ku na bim pa rel, e fala Filipe: "munde ku no na bai kumpra pon pa esis tudu pa e kume?" ⁶ Jesus fala es pa pudi djubi Filipe, pabia i sibiba kuma staba pa fasi um kusa ou milagri. ⁷ Filipe ruspundil: "i kana tchiga pa kada um risibi um bokadu". ⁸ André ermon di simon Pedru, um di si disipulu i fala Jesus: ⁹ i ten um mininu li ku tene sinku pon di Savada ku dus Pis: ma ke ku es tchiga pa e manga di djintis?". ¹⁰ Jesus ruspundil: "bo fala djintis pa e sinta". I tenba manga di ervas na ki kau. Enton omis sinta, na númeru um ate sinku mil. ¹¹ Jesus toma pon, i ngaba Deus, ida kilis ku sintaba. Di mesmu manera, e fasil ku pis, di manera ke misti. ¹² Otcha djintis farta, Jesus fala si disipulus: " bo djunta kil ku sobra pa i ka dana na nada". ¹³ Enton, disipulus djunta ki padasis e intchi dosi kufus di ki sinku pon di savada, ku disadu pa kilis ku kumelba. ¹⁴ Otcha djintis odja ki milagri ku Jesus fasi e fala: "Es na bardadi i dibidi sedu ki amunsiadur ku ten ku bim mundu". ¹⁵ Otcha Jesus pirsibi kuma e misti bim pegal a forsa pa fasil Rei, i sai El son utru bias pa monti. ¹⁶ Otcha sol noite, disipulus ria pa riu. ¹⁷ E odja um barku, e bai pa mar rumu a Kafarnaum. kau sukuruba ki ora, Jesus ka bimba ku elis. ¹⁸ I, pabia di um garandi ventu ku na supraba, maron kunsa na ten. ¹⁹ Enton, otcha disipulus na remaba ate metadi, e odja Jesus na ianda riba di mar, i na bimba pertu di barku, e fika ku medu. ²⁰ Ma Jesus fala elis: "ka bo medi iami". ²¹ Enton e rapadal Jesus entra na barku e kamba. ²² Odja sol mansi, multidom ku staba na utru ladu di mar i ka tenba utru barku la, alem di ki utru, ku Jesus ka tchiga di entra ku si disipulus, ma si disipulus djumna e bai elis son. ²³ kuntudu, i ten barkus ku bim di Tiberíades pertu di nunde ke kumeba pon ku senhor multiplika. ²⁴ Otcha multidom diskubri kuma nim Jesus nim si disipulus kastaba la, e entra na barku e bai pa Cafarnaun pa buskal. ²⁵ Otcha e odjal e falal: "mestri, kal ora ku bu bin pa li?". ²⁶ Jesus ruspundi, i fala:"na bardadi, na bardadi, bo na buskan, i ka pabia bo odja sinalis, ma pabia bo kume pon bo farta. ²⁷ Bo tarbadja i pa ka kumida ku bo odja, gos ma pa kil ku na fika pa sempri, kil ku fidju di omi na da bos, pabia Deus pape, rakadal. ²⁸ E, punta Jesus :"ke ku no dibidi fasi pa fasi tarbadju di Deus?". ²⁹ Jesus ruspundi elis. "Es tarbadju di Deus: Pa bo fia na kil ku El i manda". ³⁰ e puntal: "kal sinal, ku bu na fasi pa no odja pa no fia na bo? Ke ku bu na fasi? ³¹ No papes kume maná na disertu, suma ke sta scritu:" E da elis pa e kume pon di seu". ³² Enton, Jesus ruspundi elis:"Na bardadi na bardadi, na konta bos kuma i ka Moisés ku ku da bos pon di seu, ma i nha pape ku da bos pon di bardadi. ³³ Pabia pon di Deus i kil ku ria di seu i ta da vida na mundu". ³⁴ E fala Jesus:"Senhor danu semprie pon". ³⁵ Jesus fala elis:"Ami i pon di vida, kil ku bim pa mi i kana tene fomi, i kil ku fia na mi i kana tene mas sedi. ³⁶ Ma, na fala bos di kuma bo odjam ma asin bo ka fia. ³⁷ Tudu kil ku pape dan i bin pa mi, i kil ku dadu pa mi, nunka nkana botal fora. ³⁸ Pabia nbim di seu, i ka pa fasi nha vontadi, ma vontadi di kil ku mandan. ³⁹ Es i vontadi di kil ku mandan, nkana pirdi di tudu ku El i dan, ma na lantandalna ultimu dia". ⁴⁰ Pabia es ku vontadi di nha pape, pa tudu kil ku odja fidju pa i fia, i pa i tene vida ku kata kaba; na lantandal na ultimu dia". ⁴¹ Judeus obi ki kusa e murmura pabia i fala:" Ami i pon ku ria di seu". ⁴² E fala "Es i ka Jesus, fidju di José, ku no kunsi si mame ku si pape? kuma, ki na fal:'Ami nria di seu'?". ⁴³ Ka bo murmura anti di bos. ⁴⁴ Nim um omi ka pudi bi pa mi, si pape ku mandan ka tisil, i ami na lantandal na ultimu dia. ⁴⁵ Sta sertu na livru di profetas: Elis tudu e na sedu sinadu pa Deus. Tudu ku tene oredja e obi di pape e bin pa mi ⁴⁶ Ninguin ka tchiga di odja pape, fora di kil ku bin di Deus, Es ku odja pape. ⁴⁷ Na bardadi, na bardadi, na fala kil ku fia i na tene vida ku kata kaba. ⁴⁸ Ami i pon di vida. ⁴⁹ Bo papes kume maná di disertu e muri. ⁵⁰ Es i pon ku ria di seu, pa tudu kil ku kumel i kana muri. ⁵¹ Ami i pon bibu ku ria di seu. Si alguin kume di es pon, i na bibu pa sempri. Pon ku na da bos i nha kurpu pa vida na mundu. ⁵² Judeu fika ku raiba anti delis, e kunsa na punta e na fala: "Kuma ki pudi danu si karni pa no kume?". ⁵³ Jesus, fala elis:" Na bardadi, na bardadi, na konta bos di kuma si bo ka kume karni bo bibi di fidju di omi, bo kana tene vida na bos. ⁵⁴ Kin ku kume nha karni i bibi nha sanui i na tene vida ku kata kaba, na lantandal na kabantada di tempu. ⁵⁵ Pabia nha karni i di bardadi, nha sangui i di bardadi. ⁵⁶ Kil ku kume nha karni i bibi nha sangui i ta sta na mi, ami nta sta nel. ⁵⁷ Asin suma ku pape bibu mandan, na vida pabia del, kil ku na alimenta di mi tambi i na vivi pabia di mi. ⁵⁸ Es i pon ku ria di seu, i ka suma kil ku bo papes kume, e muri. Kil ku e pon i na bibu pa sempri". ⁵⁹ Jesus fala e kusas na Sinagoga, odja ki na sina na Kafarnaum. ⁶⁰ Manga di si disipulus, otcha e obi kil ku Jesus fala, e fala: "E palavra duru dimas, kinku pudi obil?. ⁶¹ Ma Jesus, sibiba propri di kuma si disipulus staba na murmura sobri ki kusa ki fala, i fala elis:" Es dimira bos? ⁶² I si bo odja Fidju di omi na subi pa munde ki staba antis? ⁶³ I spiritu ku ta da vida. Karni ka tene nada. palavras ku nfala ba dja bos e sedu spiritu ku vida. ⁶⁴ I ten inda na bo metadi kilis ku ka fia."pabia Jesus sibiba na kunsada kilis ku ka fiaba i kin ku na trail ou falsial. ⁶⁵ I fala:"I pabia di es ku pui nfala bos ku ninguin ka pudi bin pa mi, sin i ka pabia nha pape ku pui". ⁶⁶ Dipus di es manga di si disipulus sai si tras munka mas e ka ianda ku El. ⁶⁷ Jesus, fala ki dosi ku sobra:"Bo ka nisti bai tambi?" ⁶⁸ Simon Pedru ruspundi:" Senhor pa kin ku no na bai? Ku tene palavra di vida ku kata kaba, ⁶⁹ no fia no bin sibi kuma abo i santu di Deus". ⁷⁰ Jesus ruspundil:"Nka kudji bos, abos dosi? kuntudu um di bos i diabu". ⁷¹ I na falaba di Judas, fidju di Simon Scariotis, pabia i sedu um di ki dosi ku na bin falsial ou trail.