¹ Nha ermons bo dibidi sibi kuma i ka tudu ku pudi sedu mestris. Pabia no sibi kuma anos mestris no na ma julgadu. ² Pabia anos tudu no ta iara na manha di maneras. si alguin ka iara na palavra i un omi completu i kirsi, i pudi contola si kurpu tudu. ³ Si no pui korda na boka di cavalus pa i pudi obidisinu, no ta guia si kurpu tudu. ⁴ So pa djubi tambi barkus i ta sedu guiadu i ta guiadu pa ventus frtis, i ta guiadu pa um leme pikininu pa nunde ku ploto misti ⁵ Di mesmu manera ku lingua i um padas pikininu di no kurpu, ma i nganaba kusas garandis. Bo djubi matus i ta sindidu pa um faiska. ⁶ lingua tambi i um fugu, i um mundu di pekadu na partis di no kurpu, ku ta mantcha tudu na kurpu i ta iardinti manera di ianda. lingua propi i nfernu ku ta sindil. ⁷ Tudu limarias di matu, ku kilis di seu ku kilis ku ta rasta na tchon ku di iagu omi pudi pul i mesmu; ⁸ ma, lingua, ninguin na metadi di omi ka pudi tadjal. I un mal ku no ka pudi kontrola, i intchi di venenu ku ta mata. ⁹ Ku lingua ku no ta ngaba no senhor ku si pape, kuel ku no ta maldisua omi, ku Deus kumpu i parsinti ku El. ¹⁰ Na mesmu boka i ta sai palavra bon ku palavra mau. Nha ermons es kusas ku dibidi sedu. ¹¹ Na fonti i pudi sai na mesmu tempu iagu dos ku iagu salgadu? ¹² Nha ermons, un pe di figu pudi padi azeitonas? O un pe di uva pudi padi figu? Di mesmu manera, ku fonti di iagu salgadu pudi tira ki dos. ¹³ Kin na bo metadi ku djiru i ta lestu ku ntindi? Pa e alguin mostra bon manera na si tarbadju ku umildadi ku bin di djiresa. ¹⁴ Ma si bo ta nvesa, sinti mal i misti pa bos son na bo korson, ka bo ndjata nim konta mintida kontra bardadi. ¹⁵ Es i ka djiresa ku sai di altu ou seu; envés di es di tira, ku bin di dimoniu i ka di riba o spiritual. ¹⁶ Pabia nunde ki ten invesa ku forti disesu di korson, orden kasta la i ta ten tudu koldadi de mau manera. ¹⁷ Ma djiresa ku bin di riba, purmeru i puru, i ta buska pas, i sedu mansu, ntindu, i ta mostra pena, ku frutu di bon tarbadju; i kata kudji i kata findji. ¹⁸ Frutu di justisa i ta suniadu na pas, pa kilis ku ta mostra pas.