¹ Ami Paulo,Apostulo di Jesus cristo, kunformu vontadi di Deus, n'skribi djuntu ku ermon Timotio, ² pa tudu santus ku kil ermons fieles na cristo ku sta na Colossos. Grasa pa bos, ku pas di Deus no pape[nota:Alguns versons buri:"ku di no sinhor Jesus cristu"]. ³ No gardisi Deus, pape di no sinhor Jesus Cristo, tambi sempri no ora pa bos. ⁴ No obo faladu di bo fé na cristo Jesus i ku amor ku bo tene pa tudu santus di Deus. ⁵ Pabia di speransa ku bo guardadu la na seu. Abos propi bo obi ba dja sobri es speransa na palabra di bardadi, evangelho, ⁶ ki tchiga pa bos. E ki sta na padi frutus i tambi sta na kirsi na tudu mundu, suma ki sedu tambi na bos, desdi kil dia ku bo obi i bo kunsi kil fabur di Deus di bardadi. ⁷ Es i bon noba Jesus cristo ki Epafras, insina bos, no amado servu i kumpanheiru, kil ku sedu minstru fiel di cristo, na no fabur[ Nota:Alguns versons fala:"na bo fabur"]. ⁸ El ifalanu di bo amor na spirito. ⁹ Pa es roson, tambi, desdi dia ku no obil, no ka para ora i pidi Deus pa i intchi bos ku kumhisimentu di si vontadi, na djiresa ku intindimentu spiritual. ¹⁰ No ta ora sempri pa bo ianda diritu na manera dignu di sinhor, pa kontental, pa frutu di bon obra ku kirsimentu na kunhisimentu di Deus. ¹¹ No sta na ora pa bo sedu fortifikadu ku tudu puder, kunformu forsa di si gloria, na tudu firmesa ku pasiensa. ¹² No ora sempri pa bo garandisi pape ku kontentamentu, asim pa i kapasita bos pa bo pudi ricibi un parti ardansa di santus na lus[Nota:"Kin ku fasinu kapas pa otcha um parti".]. ¹³ El i kaplintinu di puder di sukuru i lebanu pa renu di si fidju ki i ama tchiu. ¹⁴ Na kil ku no libertadu nel, ku sedu, purdon di pekadus [Nota:Alguns tradusons fala:"Na si fidju, no sedu libertadu, atraves di si sangui, ku purdon di pekadu"]. ¹⁵ El i parsensa di Deus ku kata odjadu, i purmeru di tudu kiriatura. ¹⁶ Pabia, na El, ki tudu kusas kriadu, tantu na seu suma na tera, tantu kilis kuta odjadu suma kilis ku kata odjadu; tantu turpasas di renansa suma puderes, o gubernus o otridades El i kria tudu kusas, i kria elis pa El. ¹⁷ El i sta badja antis di tudu kusas, i Nel ki tudu kusas sedu ¹⁸ El ku kabesa di kurpu, ku sedu igreja. El i kunsada, purmeru na metadi di mortus; kila ku manda i sedu purmeru lugar na tudu kusas. ¹⁹ N'guantu, i kontenta Deus na si sintidu kompletu, Nel, ki imora, ²⁰ i ki i fasi ba paz atraves di si sangui na krus, pabia di El, pa i rekonsilha tudu kusas ku El propi, tantu li na tera suma na seu. ²¹ I abos tambi, ki un tempu ba, bo sedu stranhus pa seus i bo sedu ba si inimigus na bo pensamentus ku bo mau manera di fasi kusas. ²² Ma gosi, irekonsiha bos na si kurpu di karnel, atraves di si mortu, pa i pudi apresenta bos suma santusn sim kulpa i sim motivu di sedu raprindidu si dianti. ²³ Si bo kontemua na fé, bo miti bo rais fundu i bo firma tesu, bo ka disa bo rastadu fora di spensa di ki bon noba di Deus ku bo obi, ku kontadu pa tudu kriatura li bas di seu . kil bon noba ki fasin ami, paulo,mbida ministru di Deus. ²⁴ Gosi, n'sta kontenti i kompletu, na es sufrimentu na nha karni, pa bos, kil ku na falta ba na sufrimentu di cristo a fabur di si kurpu, ku sedu igreja. ²⁵ Es gora i ki igreja ku ami n'sedu nel ministru, kunformu responsablidadi ku n'risibi parti di Deus, ku n'konfiadu pa bos, pa kumpri palabra di Deus. ²⁶ Es i sigridu garandi ku sugundidu desdi manga di anos pa diferentis mandjuandadis ku djorsons ku pas, ma gosi i mostradu klaru pa si santus, ²⁷ Pa kil ku Deus misti fasi kunsidur di riguesas di gloria i di sigridu na metadi di kilis ku ka sedu Judeus, ku sedu, Cristo na bos, i speransa di gloria. ²⁸ Es i cristo ku anis no ta prega sobre El. No konsija, i no insina tudu djinti ku jiresa; Asim pa no pudi apresenta bos kompleta na cristo. ²⁹ Pabia di kila, ami nta sforsa i n'ta luta, di akordu ku si forsa ku puder ku na tarbadja dentru di mi.