¹ Pedru ku Djon na bai ba pa kasa di Deus, volta di tris ora di ditardi. ² Itenba un omi, ku padi manku, e ta lebal pa porta di kasa di Deus tchomadu formosa, pa i bai pidi simola pa kilis ku na entra na kasa di Deus. ³ Odja ki odja Pedru ku Djon na entra na kasa di Deus, i pidi elis simola. ⁴ Pedru finka si udjus nel, djuntu ku Djon, i fala :'' Djubi pa nos.'' ⁵ Omi manku djubi pa elis, i na peraba algun kusa ke na dal. ⁶ Na ki ora, Pedru falal:'' Nka tene prata nin uru mas na dau kil kun tene na nomi di Jesus Kristu di Nasare lanta bu ianda. ⁷ Pedru, pegal mon direita, i lanta; na ki mumentu si os di pes ku di juelhus risibi forsa. ⁸ I na salta, omi manku fika di pe i kunsa na ianda, i entra ku Pedru ku Djon na kasa di Deus, i na ianda, i na salta i na ngaba Deus. ⁹ Tudu djintis odjal i na salta i na ngaba Deus. ¹⁰ E lembra kuma e omi ta sintaba pa pidi simola na porta di kasa di Deus tchomadu formosa, e fika muitu adimiradu pa ke ku akontisi. ¹¹ I pega tras di Pedru ku Djon, i tudu djintis na kuriba se tras, pa un lugar tchomadu porta di Salamon. ¹² Otcha ku Pedru odja ke ku na pasa, i punta elis; Abos omis di Israel; pabia di ke ku manda bo fika adimiradu ku es? Bo finkanu udju bo pensa anos, propi ku fasilku no puder? ¹³ O Deus di Abron, di Isaki ku Jako,Deus di no papes, no ngaba bu fidju Jesus. kil ku no nrega i no nega dianti di Pilatus, otcha i mistiba libertal. ¹⁴ Bo nega kil ki santu i djustu, ma bo pirfiri, ki mataudur. ¹⁵ Bo mata dunu di vida, kil ku Deus lantada di mortu, anos no sedu testumunhu des. ¹⁶ Gosi, i e omigora, ku bo odja i bo kunsi,i fortifika si fe na si nom. E fe bin pabia di Jesus, ku da e omi bon saudi, dianti di tudu djintis. ¹⁷ Ermons, n sibi kuma bo fasil papabia bo ka sibiba inda nada, suma bo chefis tanbbi. ¹⁸ Ku tudu, e kusas ku Deus papia na boka di profetas di kuma Kristu didi sufri, gosi i kumpri. ¹⁹ Bo ripindi, e, bo kontenti, pa bo pekadus pudi sedu purdadu, asin, i pudi bin tempu di konsulason dianti di sinhor; ²⁰ El i pudi manda Kristu ku tchomadu ba dja Jesus. ²¹ El i na sedu kil algin ku na risibidu na seu ate tenpu ku tudu kusa na sedu arnobadu, aserka di kin ku Deus falalba na tempu pasa na boka di si santu profeta. ²² Na bardadi Moises fala : A sinhor na bim latanda un profeta suma mi na metadi di bo ermons. Bo dibidi obi tudu ki na fala bos. ²³ Asin ki na bin sedu, ku tudu kin ku ka obi es profeta, i na matadu. ²⁴ I tudu profetas, desdi Samuel ate na kilis ku rindil, ku ta fala i anusia aserka di ki dias. ²⁵ Abos i fidjus di profeta ku kontratu ku Deus fasi ku bo papes, konformi i fala Abron: Pabia di bo tudu familias na tera na sedu abensuadu. ²⁶ Dipus Deus na bin latanda si servu Jesus, purmeru i mandal pa i abensua bos, i na tira maldadi na kada un di bos.