¹ N´skirvi es purmeru livru, Teofilo, pa konta tudu kil ki Jesus kunsa na fasi i n´sina ² te dia ki lebado pa seu. Es kusas akontesi dipus ki ida ordi pa si siguiduris pa meiu di Spiritu Santu. ³ Dipus di lanta di mortu, i parsi bibu pa relis korenta dias , i konta elis aserka di Reinu di Deus. ⁴ Otcha ki staba djuntu ku elis, i da elis ordi pa e sai na Jerusalem, ma pa e pera kil ku si pape pirmitiba elis, ku fala: Abos Bo obi di Mi ⁵ di kuma Djon batiza ku iagu, ma, dentru di puku dias, bo na batizado ku Spirito Santu di Deus. ⁶ Otcha ke staba djuntu e puntal:'' Sinhor, kal tempu ku bu na torna Israel se Renu''? ⁷ I fala elis: '' i ka pertensi bos pa bo sibi kal tempu o mumentu ki Pape marka pa si propi puder, ⁸ ma abos bo na bin risibi puder, di Spiritu Santu ku na ria riba di bos, i bo na sedu nha tustumunhu na Jerusalem, na tudo Judeia ku Samaria te na lugar mas lundju di tera''. ⁹ Dipus di fala e kusas tutu, Sinhor Jesus lebadu pa seu, odja ke na djubil, un nuven tapal di se udjus. ¹⁰ Odja Jesus na subiba, e staba inda na djubi pa seu, di repenti i parsi pa elis dus omis bistidus di branku. ¹¹ E fala elis:''Omis Galileus, pabia di ke ku bo sta li bo na djubi pa seu? E Jesus ki bo odja i lebadu pa seu, i na torna riba pa bos di mesmu manera ku bo odjal i sibi''. ¹² E riba pa Jerusalem, e fica na Monti di Oliveira ku sta pertu Jerusalem, pa distancia di inda di un sabadu. ¹³ Otcha ke tchiga, e bai pa andar di riba na kuarti garandi, nunde ke morantadu nel. Ku sedu Pedru; Djon; Tiagu; Andre; Filipi; Tome; Bartulomeu; Mateus; Tiogu, fidju di Alfeu; Simon, ku sedu zeloti; i Judas, fidju di Tiagu. ¹⁴ Tudu esis e fikaba djuntu na orason, djuntu ku mindjeris, ku Maria, mame di Jesus, ku si ermons. ¹⁵ Na ki dias, Pedru lanta i firma na metadi di ermons, staba la kuasi senti i vinti guintis, i fala: ¹⁶ '' ermons i pirsis pa palavra di Deus kumpri, kil ku Spiritu Santu fala na tempus ku passa na boka di Davi, sobri Judas ku seduba orientadur pa kilis ku prindi Jesus. ¹⁷ I sedu ba un di nos i fasiba parti na es tarbadju''. ¹⁸ ( Ma i kumpra un terenu ku pagamentu di si maldadi, si kabesa turmenta, si kurpu sapa na metadi si tiripas sai pa fora i muri. ¹⁹ I torna kunsidu pa tudu kilis ku mora na jeruzalem, tok ki terenu tchomadu na se propi lingua ''Aceldama'' ku signifika'' terenu di sangui ²⁰ I skirbidu na livru di salmus: ''ka bu disa ninguin bu terenu i nin ka bu pirmiti pa alguin mora la'' disa utru pa i toma bu lugar na tarbadju. ²¹ I pirsis pa no kudji, ma metadi di es omis ku staba djuntu ku nos duranti tudu tempu ku sinhor Jesus staba ku nos, ²² desdi batismu di Djon te kil dia ki lebadu pa seu, pa i sedu tustumunhu djuntu ku nos di si lanta di mortu. ²³ E kudji dus guintis: Jose ku ta tchomadu Barabas, ku tene mantenha djuntu, ku matias. ²⁴ E oraba e fala: '' Abo Sinhor, bu kunsi korson di tududjintis, kontanu kal di e dus omis ku sedu kil ku bu kudji ²⁵ pa djunta ku nos na e tarbadju pa i sedu apostulo, na lugar di Judas ku disvia i bai si lugar propi. ²⁶ E bota sorti entri elis; sorti kai na Matias ku manda i kontadu na kil onzi aostulus.