¹ Pawulo, nya kadeya twangwera Kristu Jezu, ndipo mbale wa Timoteyo, kwa Firemoni, mudiwa, na nyakuthandiza wathu; ² Ndipo na m'bale wacikazi wa Apiya, ndipo mperekezi wathu Arkipo ya n'khondo, ndipo na wa gereja kuti iri pamuyi pako; ³ Khalani na nhasha na ntendere wa Mulungu baba wathu, na Mbuya Jezu Kristu. ⁴ Ine ndinipereka mbiri kuna Mbuye wangu pentse ndicikukumbukira pa minamato yangu; ⁵ pa kubva ludo lako na kutenda kwako unako kwa Mbuya Jezu na kwa wentse wa kucena; ⁶ kuti ciphatano ca kutenda kwako pa kudziwa centse cabwino kuti ciri kwa imwe thangwera Kristu Jezu. ⁷ Tina m'pfantso ukulu na kutsangalaza mu ludo lako , na pale, na pakati pa iwe, m'bale, umbakondweresa mintima ya wakucena. ⁸ Nabzvobzvi, napo ine ndicikhala na uthembi kwa Kristu kuti ndikutumire bzvire kuti uni dutsikananabzvo, ⁹ ayai na thangwera ludo ndikunkumbira, kuti ine ndikhale ubodziyo, Pawulo, wakale , ndipo nalelo ndi nhakumangiwa wa Jesu Kristu; ¹⁰ Ine nduku kumbira thangwera mwana wangu Onezymo, ule wangu ndida mutsika pa kumangiwa kwangu kwentse. ¹¹ Ule kuti kale akhalibe basa, maji lelino adi na basa kwa iwe ndipo na yine,, ¹² Ine ndida watuma ninga ntsinsi zangu, kubwerera kwa iye, ¹³ Ine ndikhada kuti akhale na ine pa mbuto yako andithandize, pangu ndikhali n'kadeiya thangwe ra mafala yabwino. ¹⁴ Manji ine palibe cangu ndikhada kucita n'khabe kukubvundzisa kuyitira kuti ubwino wako ulekekukhala ninga wakumanikidziwa, manji na cido. ¹⁵ Nakuti penango na thangwera bzvobzvi adabuda kwa imwe pa n'thawe ijinji, kuti bzventse mutambirezve papsa pa kwenda na kwenda. ¹⁶ N'khabe ninga nyabasa ubodzi manji inde ninga wajinji kuposa ubodzi, ninga m'bale mudiwa m'bodzi, nyanyi nyanyi kwa ine, kajinjikace pa iwe, kajinji pa nyama ninga Mbuye. ¹⁷ Na bzventse, ungati una ine ninga mwanzako, apo mutambire ninga ine . ¹⁸ Ndipo angati iye adzonga cinthu, ayai anawe mangawa, ikha bzvobzvi pa ine. ¹⁹ Ine, Pawulo, na djanjalangu cairo ndanemba, ine pagali; kuti ine ndi saiye kukubvundza kuti iwepo unkundi fiyali. ²⁰ Tenepo, m'bale, kuti ine ndikhale na dzambuko la iye kwa Mbuye; djedjeresa kubva kwangu kwa Mbuya. ²¹ Ndicikhla na uthembi wa kuterera kwako ine nda kunemba, ndicidziwa kuti ucacita bzvijinji kuposa bzvangu nimbalonga. ²² Na bzvobzvi ndi kondzere mbuto kuti ndidzakale; nakuti pa minamato yanu ndikudikira ndi perekiwe kwa imwe. ²³ Wakukulimbisa: (mwandzangu wa mu n'kadeya mwa Kristu Jezu), ²⁴ Marko, Aristarko, Dema na Luka (wa nyakundithandiza). ²⁵ Nyasha za Mbuye wathu Jezu Kristu akhale na M'zimu wanu. Amen