¹ Ndipo Jezu adawabvunza: '' mwa cadidi ndikubvunzani wanzanu winango wanzayezeralini kufa wakanati wawona umambo wa Mulungu ucebvera na m'phanvu''. ² Pakupita ntsiku zitanthatu, Jezu adatenga Pedru, Tiyago na Juwau mwakusiyanisa adawatenga pa phiri li tali. Ndipo Jezu adacinjiwa ciyimidwe pa tsogolo pawo. ³ Mwakukulumiza bvakubvala bzace bzidakhala bzakuyetimira, bzakucenesesa bzakuti palibe nyakufula padziko angadzakwanisa kucenesa moda ninga weneyiyo. ⁴ Natenepo Eliya na Mozisi wadabwera kwa iwo wadacedza na Jezu. ⁵ Pedru adatayira acilonga kuna Jezu: '' Rabi, m'psabwino kuti tikhale pano; mbatikonzeni nyumaba zitatu: ''ibodzi yako, ibodzi ya Mozeji, inango ya Eliya.'' ⁶ (Iye akhadziwalini bzakulewa, nakuti akhanaman'tha). ⁷ Nkhole libodzi labwera licifunikidza, ndipo lidabwera fala licibudira pakhole liciti: ''uyu ndi mwana wangu wakufunika. Kuna iye ndabva!.'' ⁸ Pomwe adzanyang'anisa, wadzalibe kuwona mun'thu, walibe kuwona munango, wadawona Jezu enkha. ⁹ Pakuncintha kwawo mapiri, Jezu awabvunza kuti waleke kulewa bzomwe awona mpakana mwana wa Mulungu wamuke kwa kufa. ¹⁰ Iwo wadakoya bzin'thu kwa iwo wokha, nabzobzo iwo wankhalongezana bzirikulewanyi'' kumuka kwa kufa''. ¹¹ Iwo wadamubvunzisa: ''Thangweranyi wanembiwa mbalonga kuti Eiliya ndiye afunika kubwera pakuyamba?'' ¹² Jezu adawatayira: '' Bza cadidi Eliya aniyamba kubwera dzankhazikisa bzinthu bzentse. Thangweranyi bzanembiwa kuti mwana waMulungu an'funika kuti acoliwe na kubonera bzinthu bzizinji. ¹³ Ine ninkubvunzani kuti Eliya abwera, wamucita bzomwe wakhafuna naye, ninga bzidalongiwa manembo. ¹⁴ Pomwe wadabwerera kuna wapfunzisi wanago wadawona wan'thu wajinji wankhabwera m'phepete mwawo wacilongezana na wanembi. ¹⁵ Ndiye pomwe wanthu wale wadamuwona wadakhala wakupfansa, ndipo adathamanga kuna iye kuti amumuse. ¹⁶ Iye adabvunzisa wapfunzi wace: ''Thangweranyi mukulongezana nawo''? ¹⁷ Mun'thu m'bodzi pawan'thu wale wadam'tawira: ''Misiri inde ndabwertesa mwanangu; iye anam'zimu imbamutazisa kulonga. ¹⁸ Zimu umweyi umbam'gwesa n'pfayi, umbamugwesa pantsi, acibuda maphobvu nkamwa, acibziluma aciwuma thupi. Ine ndakumbira wapfunzi wanu kuti acibulise, manji walibe kubzikwanisa.'' ¹⁹ Iye adawatawira: mbumba ya kusaya kutenda, mpakana lini ine ndikhale namwe? Mpakana lini ndicikusapotani? Ndibweresereni kuno. ²⁰ Iwo damubweresera mwana. Pomwe zimu wa wona Jezu, kabodzi na kabodzi udagwesa n'pfayi. Mwana adagwa pantsi, acibulumunda na kucoka maphobvu nkamwa. ²¹ Jezu adabvunza payi wace mwana: '' Kubudira lini alitenepayi?'' Payi wace adati: kubuda pawuwana pace. ²² Kazinji cizimuxi cimbathusa pa moto, madzi, kutsanda kumupfudza. Munga kwanisa kucita cin'thu, tibvereni ntsisi ndipo tinthandizeni. ²³ Jezu adamuwuza: '' Iwe ungakwanise!' Bzentse bzikwanisika kuna ule an'tenda''. ²⁴ Palipolipopo payi wace mwana adakhuwa, aciti: '' Ine ndikubvumira! Ndithandizeni pakusaya kutenda kwangu. ²⁵ Pace Jezu adawona wan'thu wacithamanga kuyendera kuna iye, adathamangisa zimu wa kuyipa aciti: ''zimu unkhutwi, na wacimumu, ine ndiri kukubvunza: buda munayiye, leka kubwerera pomwe.'' ²⁶ Mwana adakhuwa na kudzedzemuka kwenekwene, ndipo cidamula kuna iye. Iye akhakhala ngati adafa, mbumba inkhati: '' Iye ali wakufa''. ²⁷ Manji Jezu adam'muphata maja ndipo mwana ule adamira na minyendo. ²⁸ Pace Jezu adapita m'nyumba, wapfunzi wace wadamubvunzisa pacepayekha:'' Thangweranyi tatazira kulibulisa?''. ²⁹ Iye adawabvunza: '' muzimu iyi inicosiwa lini na bzinango, koma na munamato inde''. ³⁰ Wacibuda kokule, pakhapinda na pa Galeliya, ndipo Jezu akhadalini kuti wazinji adziwe kwawo ³¹ alipo, thangwe iye ankhapfunzisa apfunzi wace acite: ''mwana waMulungu anzaperekiwa m'manja mwa wan'thu , iwo wanzamupha. Angadzaphiwa, iye anzamuka pakupita kwa n'tsiku zitatu. ³² Manji iwo walibe kubvesesa mafalayo ndipo akhana man'tha kum'bvunzisa. ³³ Wadzayenda ku Kafarnaum. Pomwe wakhali pamuyi adabvunzisa kuna wapfunzi wace: ''Psanyi munkankhala muli kulonga m'munjira''? ³⁴ Manji iwo wadakhala wakuwatama, wakhacezerana waciti mbani angakhale nkulu?. ³⁵ Iye adakhala, acicemera amuna khumi na awiri aciwabvunza: Penu bodzi wanu adakukhala wakuyamba, ati adzakhale wakumalizira ndipo acidzaphatira basa wentse.'' ³⁶ Iye adatola mwana m'ng'ono, acimuyikha pakati pawo, pakuphata mumanja, acilewa: '' ³⁷ Aliyentse mun'thu omwe anzatambira mwana pakuwona kuti ana dzina langu, iyeyu anzanditambirambo; koma ule omwe anditambira, alibe kutambira ine, tsono wule wandituma.'' ³⁸ Juwau adam'mbvunza: ''Misiri, ife tawona mun'thu bodzi acicosa mizumu ya kuyipa mu dzina lanu ndipo tamulambiza, na thangwe iye ambatitwera lini '' ³⁹ Ndipo Jezu adabvi: ''Lekani kumulambiza. Thangwe palibe mun'thu angacite bzixamiso na m'dzina langu'' ndiye angamala acindilonga kuyipa. ⁴⁰ Ule alibe cizondi nayife, anafe. ⁴¹ Aliyentse omwe angakupaseni khapo ya madzi ya kumwa nthangwe ndimwe wa Krixtu, mwa cadidi ndikukubvunzani kuti anzaluza makombolero. ⁴² Aliyentse anicitisa kuphonya bodzi pa wana wang'ono wang'ono awa, bzikhalibwino kukhala ada magiriridya mwala ukulu munkhosi ndipo acithusiwa mu nyanza. ⁴³ Yangati manja yako yambacita kuti uphonye, yagwate, m'psabwino kuna iwe kupita kudenga na boko libodzi lakugwatika kuposa kukhala na manja entse uciyenda ku moto wa nyamuyaya. ⁴⁴ Komwe masango hayafe ndipo moto ambathima lini. ⁴⁵ Ngati mwendo wako umbacita kuti uphonye, gwata ucitsayi. Bzinkhala bwino kuti upite kudenga wakulemala, kupita kunkhala na miwiri entse ucithusiwa ku gehena. ⁴⁶ Komwe masango hayafe, ndipo moto umbathima lini. ⁴⁷ Ngati diso lako lingakuphonyese, lixose. Bzin'khala bwino upite ku umambo kwa Mulungu na diso libodzi kuposa kukhala na entse madiso ucithusiwa ku gehena, ⁴⁸ komwe masango hayafe ndipo moto umathima lini. ⁴⁹ Nthangwe bodzi na bodzi anzankhandiwa na moto. ⁵⁰ Munyu ngwabwino, ndipo ngati munyu udasapuka, munzaphatisatani basa?. Khalani na munyu nayimwe, mucikhala mwantendere mun'thu na wanzace.''