¹ Pavuli pakwembelani, telefilo, ewauzya vonse viciyamba cita nosambizya yeso. ² kufwikila nsiku yecitolewa, pavuli popasiwa malamulo na muzimu mutuwa kwa asambili wecisalula. ³ pavuli pa manzunzo wake, ecioneshela wa moyo kluli weve na visimikizyila vinyinji pa masiku fote ewaonekela, nipo elawila nao za ufumu wa mulungu. ^{4 5} pecikumana nao pamo, ewauzya kuti, musafumemo mu yelusalemu, koma mulindile pangano yemupani wata. ngani mwecimuuzyilani, mwecimvwa kuli pakaliye pita masiku anyinji, mweo muzemubatiziwe na muzimu mutuwa.'' ⁶ peciungana pamo emukonsha, ''asukulu kansi ino niye nsita yati munkhazikishe soti ufumu wa isilayeli?'' ⁷ eciti kwa weve, ''ni nchito yanulini kuti muziwe nsita pativize vicitike vezinkhazikisha wata mwa ulamulilo wao. ⁸ koma muzemupokele nizo unkazowela muzimu utuwa pali mweo, nipo muzawe mboni zangu. ku yelusalemu,ku yudeya naku samaliya konse, kumalekezyelo wacalo ca pansi.'' ⁹ nipo asukulu yeso pecinena vonse ivi, penzolola mumulu, eimyiwa mululu wimufisa pamenso pao. ¹⁰ akatulolesha kululu kwenzokuya yeve, movundumukizya analume awili enzovwale vituwa epanama pa mbali pao. eciti kuli weve, ¹¹ ''mweo analume wa ku galileya, ni cinji mwaingopanama kulolesha kululu? yeso watolewa kufuma pakati panu kuya kululu, akawele soti mwamwamuonela akuya kululu.'' ¹² nipo ewelela ku yelusalemu ku lupili ya oliva ili pafupi na yelusalemu, ulwendo wa siku la sabata. ¹³ peciwela ekwela pacipinda ca palulu kwezenzo nkhala penze petulo, yohane, yakobe na andeleya; filipo na thomasi, batulumeyo na mateyo; yohane mwana wa alifayo), na simoni (wamucipani cakuti zilote), nipo soti yudasi mwana wa yakobe. ¹⁴ wonse awa enzokoselela kulomba na lingo limo, pano na azimai ayakine,na maliya anyina a yeso, nipo soti na enekwao wa yeso. ¹⁵ mu masiku wala, petulo epanama pakati pa enekwao, monga mwa mazina makumi kumi na awili, nipo eciti, ¹⁶ ''mwene kwasu, kwenzowamila kuti vicitike cendi vecilawilila malembo, kuti muzimu utuwa, wilawila kupitila mwa davide vokhuza yudasi, etangulila wanthu kuyokata yeso. ^{17 18 19} pakuti enze umo wa umba ya yeso, nipo epokela udindo wakuti awotumikila pamo na seo.'' esita munda na ndalama zecitola pocita cosalungama cala, kwamene uko epona pansi na mutu, nokezuka pakati, mala wake wonse nokhutuka. wanthu onse onkhala mu yelusalemu ecimvwa ivi, tetyo mu cilawilo cawo eteya munda wao zinayakuti, ''akaleodama,'' kunena kuti, ''munda wa mulopa'' ²⁰ monga mukwilembewela, ''pala mu buku ya masalimo muli ma lizu olawila kuti, 'nanda yake iyaluke matongwe, pasawe munthu wolalamo mulekeni muyakine apokele nchito yake. ^{21 22 23} motetyo, niciweme tisalule mwanalume umo wawa okatizyana nase nsita zonse asukulu yeso penze pakati pasu. kutatikila pa ubatizo wa yohane nsiku yecitolewa kufuma pakati pasu kuya kululu,'' eciwa mboni. mboni pamo naseo, yakuwukishiwa kwake.'' ^{24 25 26} apove etomola ma zina awili, yosefe, enzoitiwa balasaba, zina yake iyakine ni yeso, na matiyasi. nipo elomba kuti, ''asikulu mweomuziwa mitima ya wanthu onse, tionesheni niwani niwani mwa awa awili wamwasalula. kuti apokele nchito iyi ya unthumi, mu malo mwa yudasi wala eleka nipo eluta ku malo omuwamila.'' tetyo, ewacitila mayele wala eponela matiyasi, nipo yeve eyangizyiwa pa umba yala ya nthumi kumo na limo.