¹ Mathikuhtiku shemwa ha puristeri hashokuru hakuwanekire noha kuru hokamutjangi ndani nokuta dhodhiheya dhawa juda. oha hangire Yesusi nokumu twara kwa Pirato. ² Pirato amwipurire, ''yowe fumu wa juda? ''Ahatawire, ''unaamba.'' ³ Hapristere hashokuru ne kohamurundeere yinu yoyingi. ⁴ Pirato ghamipuure karo,''mbadi ghunakuhutha?kenge yinu yishawingi yi hanakukurundera!'' ⁵ Mara yesus mbadiko thi ghatawire Pirato, yamutetukithire shemwa. ⁶ Keho padiyuwa dyo mukiti, Pirato ngawa shutweranga thiharuri thofotji mudorongo othi ngaharombanga, ⁷ Kwakarira nomukafumu ghodina dya Barabas mudorongo no yiharuri yimweya yiyapayire muguva munko dho kupirukera murao. ⁸ mbunga ghodheyire kwa Pirato kunaromba neshi awatendere thika dighatenderanga mayuwa ghomunyima. ⁹ Pirato ghatawire,''kuna kushanashine nimushutwere Fumu waa ma Juda?'' ¹⁰ Yoyishi ghadimukire neshi hapristere hashokuru haretire Yesus pamurandu gho nya. ¹¹ Mara hapristere hashokuru hahongire mbunga shi Barabbas ne ngohashutuke. ¹² Pirato kwawahuthire ngeno,''yinye keho shonitende kwa Fumu waa ma Juda?'' ¹³ Ghohakuyeere,''tumupamarere!'' ¹⁴ Pirato ghawepurire,''ghuyi munye nga harura?''mara hahukeere-hukeere kukuyera, ''tumupamarere.'' ¹⁵ Pirato kwashanine kuhafitha haguva, ghoghawashutweere Barabbas. Ghamwashuure Yesus nokumutapa shi hakamupamarere. ¹⁶ Hakayita ghohamutwarire mukuta dhishokuru, Ghohethire haka yita wahe. ¹⁷ hamu fikire nguwo ghomukihu Yesusi, no kumupetekera hutji ghomighunga kumuvateka. ¹⁸ Ghoha tamekire kumu morora, nokuamba, ''moroke, Fumu waa ma Juda!'' ¹⁹ Hamupumaurire nothi tengetji mumutwi ndani nokumuthipera. ndani nokumutongamena. ²⁰ Opa hamanine kumunyathaura, oha mushwayithire dikehe dyodyi kihu, ndani oha mutwarire haka mupamarere. ²¹ Murume umweya, Simoni wa Cyrene, ashwayerere modyodyo ditunga (akarire wiha Elekizanda ndani Rufasi, ene oha muthiyenekire akureke thikurushe thendi. ²² Ha sorondate haretire Yesusi pamu kunda wa Gologota ( pamukunda ghou hadimuka shi hoyishokora yomutwi dhawaguva). ²³ Oha muretere marovu okukopanitha no mira, mara mbadi ayi nwi ne. ²⁴ Hoha mupamarere nokukutapera yivata yendi kokupumba shi hadimuke thi shaa wane kehe yuno musorondate. ²⁵ Paviri dhouhatu hamu pamarere. ²⁶ kohatjangire murandu wendi, ''Fuma wa majuda.'' ²⁷ Hamupamarere noyiharuri yiwadi, Umweya kudyoko dyendi dyo rudyo ndani umweya kudyoko dyendi dyo rumoho. ²⁸ Thitjangwa thapwire kuyarithera thokuninga neshi hamupayire noyiharuri,' ²⁹ Owa hapitire mundhira kokumushwahura, pakunyunganga mitwi dhao shi, ''ehe! owe okuyakununa ngirishe no kudhiyaka mumayuwa mahatu, ³⁰ kuparithe othinda ndani oshuruke pathikurushe!'' ³¹ Mundhira dho fotji karo ha puristere hohakuru nao hamu nyathaurire, pofotji nohakamutjangi, noa hambire shi, ''Ana paritha hamweya, mara mbadi anakukuparitha yithinda. ³² Kristus Fumu wa Israele, shuruke pathikurushe, podiyo shi tumone nokutawa.'' Owa hapamareriwire nendi mbadi hatawire nao. ³³ Panako dho kwoko nothofotji, makokore akarire mumukunda ouheya munako dho kwoko noyine. ³⁴ Moro ruvedhe rokwoko noyine Yesusi akuyerire nodiywi dyodyikuru, ''Eloi, Eloi, Lama sabachthani?'' Oyu adimukiwa shi tate, ''Nyambi wange, Nyambi wange, Nyeuna nimwayerera ?'' ³⁵ Hamweya wa hemanine hayuvire diywi dyendi noha ambire, ''Mone, kuna kwitha Elijah.'' ³⁶ Umweya atjirire, nokatura vinega pathiponji nokutura kuthitengetji, nokutapa kwa Yesusi anwe. Murume aambire, ''Ngatumone shi Elijah ñanyi eye namushuruthe pamuve.'' ³⁷ Ene Yesusi adirire nodiywi dyodyikuru nokufa. ³⁸ Dikehe dyomungirishe dyayatukire kutamekera kuwiru dhadyo kare kuuhura. ³⁹ Mukuru wakayita yu emanine opa amonine shi Yesusi anafu modhi ndhira, ambire shi, ''Yoshemwa yune mwana Nyambi.'' ⁴⁰ Kwaadi mukamadi yu akarire koka yenda kamanana naye ayimonine. Mukatji kao kwa karire Maria Magadalena, Maria (nyina Jemusi omwanuke ndani Josese na Salome. ⁴¹ Opa ngakaranga mu Galalia hamukuthire ndani oha muparithire. Hambuyama hohengi akeyire nao kate ku Yerusalema. ⁴² Munako dho runguro, yoyishi dyakarire diyuwa dyo makuroyithero, muukwoko, ⁴³ Yosefu omu Arimathea akeyire ko. Murume yu hapire thikuma dikuto muka khuta dhawa Judah oyu hataterire ufumu wa Nyambi. Hakarire noutjima wo kwiya kwa Pirato kuna romba mwimba wa Yesusi. ⁴⁴ Pirato atetukire shine Yesusi kare anafu; ethire mukuru wa ma Sorondate nokuna mwipura shi Yesusi ana fu vene popaya. ⁴⁵ Pirato apa ayuvire koyo mukuru oma Sorondate eshi Yesusi anafu, atapire yirama ya Yesusi kwa Yosefu. ⁴⁶ Yosefu kwahurire dikehe. amushuruthire pathikurushe, Amu vungavungire pa dikehe dyodikenu, noka murangeka mumbira dhodiwe. nokuyandhera nodiwe dishokuru pathero. ⁴⁷ Maria Magadalena na Maria nyina Josese hayendire hakamone oku ahorekire Yesusi.