¹ Kuhamena kunako nomayuwa, hakaruhakitho, mbadi shimengwa shi keheyine kumutongwera. ² Mwaheya mwadimukashi diyuwa atutongwere Yesusi Christus kuna kwiya yira mwidhi ana kwidha uthiku. Dithaano dino, ³ ''Hungami noukungi,'' Haruyenda uthiku noha dhini ñando mbadi akuna mona utungi wa Nyambi. ene muyifa hadi kuna kuna pya kumudiro. ñanyi yakuna kare yira mukamadi ana kunyatitha. ene mbadiko ndhira dhi mweya edhi hakona kuyi nyeha. ⁴ Mara mwe mwaka uhakwa, mbadi muma kokore mudi ene kuna kuthiyerera diyuwa dimupite yira mwa hedhi. ⁵ Mara mwene mwa hana othishe nodiyuwa. Mbadi twahana makokore. ⁶ mbadi twakurare thikadi hararire hamweya. ene tukengure nou nyanyami. ⁷ ene nowa harara kare nawo kemo hana kutenda uthiku, ndani nohathini ñando hafu nao kemo hana kutenda uthiku. ⁸ Kutunda pa twa hatera kodyo diyuwa, ene tukukwate pofotji otushupate matawero etu noruhakitho yira karonga komumwiidi, nomatawero etu mukatji koyi vii yetu. ⁹ Yoyishi Nyambi ne mbadi atutorwera upata, ene Hekudyetu yaana kutupa uhungami omwa yesusi christus. ¹⁰ Yodiye atu ferere, yikare shi ne shi tupara endi twafa. Nyambi kona tukare nendi. ¹¹ Tukuthiyaure pofotji twaheya podiyo shi tuyake uparo wetu kwa Nyambi, Thikadyodi wayitenda pakutanga. ¹² Kwa twakumuromba, mwa hakwa eshi, ngomutape dikutonokudimuka wa hana kumu ruwanena mukatji kenu, hapiterithi mwa wafu nowa hana kumu yenditha. ¹³ Tuna kumu romba karo shi ngomuwakwate thikumenena muruhakitho, pamurandu othi ruwana thao, ¹⁴ Muamwene wahapira ngcamu nomu kare noudhuu tjima kwa wanu waheya. ¹⁵ Mumone shi mbadiko yu akona kuhutha uyi no uyi kwakeheyu. mutjokedhe owa hahukera munyima, mu amwene wa hapwera ngcamu nomu kare nouthuutjima kwa wanu waheya. ¹⁶ ene muhafe. ¹⁷ Mwathiya kurapera. ¹⁸ Muyinu yoyiheya kutumere. oyine yodiyo a haka Yesusi Christus mumwenu. ¹⁹ Mwapwitha mupepo, ²⁰ Mwa shwahura yokuporofita. ²¹ Ene muyereke yinu yoyiheya. Mukukwate poyoyiwa. ²² Mushwaye koyoyi mango. ²³ Nyambi othi raro ngoa mukenithere, mupepo wenu noyirama yikungiwe podiyo shi mbadi mwaku nyathiwe pakwiya kwa Yesusi christus. ²⁴ Muka uhunga oyu amwitha, mbadi ana kuhongaura ene ñanyi akuyitende. ²⁵ Mwahakwa, muturaperere natwe, ²⁶ Murumerithe mwaheya koku nxumita ko mupepo okupongoka. ²⁷ kuna kumiromba thikuma kwafu shi ngomwa kona katoyera ma tjangwa waheya. ²⁸ Thihemo tha Yesusi christus thikare nenu.