¹ Mumwenu mwa thinda, hamurereya, ruyendo rwetu rokwiya ku kwenu mbadi rwa nyara nyara. ² Muna yidimukashi pakutanga ne twa nyandire ndani hatu fithire honyi mu Philippi. twarombire kwa Nyambi ambe nenu. ³ Ene thihonga thetu mbadi thoumbudhi, ene muthiraro nokanguki. ⁴ thika dyodi twakara noukanguki nomakurupero muma hongo o evangeli, ene twe ne kuamba, mbadiko kuhafitha muyendhetu ene Hekudyetu oyu ana kuyendhitha mutjima dhetu. ⁵ Yoyishi mukwa thiruwana thoyi ivangelikutanga mudiyuwa dyo mutango kureta pano. Nyambi ne paki wetu. ⁶ twa shanine thihemo mwawaguva, endi mumoye endi mwawa mweya. ene mukare ha Positola wa Yesusi christus. ⁷ Twakarire nothihemo mumwenu yira mukamadi ana kuyamweka mwanendi kudyere. ⁸ Modhi ndhira kotwakumu tokotera thikumenena eshi ngomukone kupita namwe mothi thiruwana. Twahimithiwire kukopanera diywi pofotji nenu ene nomu uparo wetu. wakona kukara omuka dyetu. ⁹ Muyedhekere shi, hamurereya, murao dhetu nothihonga thetu. Uthiku nomutenya twaruwanine thitambo shi mbadi mwakuyongare mundhira dha Hekudyetu. ¹⁰ Mwa hapaki, na Nyambi naye, kupongoka kwetu, yitenda yetu yoyiwa, nokushanyatha edi twa parire nenu amwe mwa tawa. ¹¹ Modho ndhira dhi muna dimuka shi ngepi twakaire mukatji kenu, yira wiha munu namwanendi, ¹² kumu thindekedha nokumu thiyaura eshi mukone kuwera mundhira dha Hekudyetu, oyu ana kutwitha mutungi okudiwiru noruhafo. ¹³ Pathitambo thine natwe karo etukutumera thikumena kwa Hekudyetu, podiyo shi edhi ñando wayuvire kukwetu, una dhitawa ko ngcamu dha Nyambi, thikadi udi ushemwa, diywi dya Nyambi, edi dyakuruwana mukatji kenu mwe mwatawa. ¹⁴ Amwe, mwakaukurwa, Mukare yamwe mwa pitererithi oma ngirishe adi mu Judia mudina dya Yesusi christus. Nowe karo shime nambo kapite mu manyando omu ditunga dyoye, thikadi hatendire hama Juda ¹⁵ owa pakerire kupaa yesusi christus nawa Porofita, owa hatu hongire matjangwa. ene wo ne mbadi hahafithire Nyambi. yoyishi hakarire hadhini ñando. ¹⁶ Hatushingithira kuhonga ñando dha Nyambi mukatji kawanu. mukatji kao ne udhini ñando hakarire okupira kushayeka. mara upata wa Nyambi nambo ukawapitakane. ¹⁷ Ene twe, twaka ukurwa, twakuhanyine mumwenu paruvedhe roru fupi, muthina unu ene mbadi mu mutjima. ¹⁸ twakarire noyi yedhekera yoyiwa, eshi ngotu mone yishwi yenu. Ene twahakire kwiya kukwenu pathiraro, Ame, Paulusi, Pakutanga ene Shatani atu shayekithire. ¹⁹ Sepo munye tudi nendi endi ruhafo munye oru tudi naro kuutho wa Fumu Yesusi Christus opa akwiya? Mbadi yowe nane? ²⁰ yowe mukahunga nomuka ruhafo.