¹ Ene Saghulusi, shime ghanyangererekire kughupaghi wakathishongero wafumu,hayendire ² kwahapristeri shokuru noghamwipurire mambapira ghomusinagoge gho mudamasikusi,pamweya ngaghawanemo hatungi,hatutughuru ndi hambuyama; hawakwate hawahuthe kuJerusalema. ³ Aoa gha karire muruyendo,pakukuma pepi naDamasikusi,popovene thamumunekere thishe thokutunda kudiwiru; ⁴ ghawire pamuve noghayuvire diywi dina kughamba eshi,''Saghulusi,Saghulusi nye ghuna kuni kutha kuthera me?'' ⁵ Saghulusi ghahutha eshi,''Yowedye, Fumu?'' Fumu ghaghambire eshi,''Yame Jesusi, wakukuthakutha; ⁶ ene wimane ghuyende muthitata no nanyi hakakutongwere eshi nye shokatende.'' ⁷ Harume awa hayendire naSaghulusi ghemanine tutya nokughamba temba, ghayuvire diywi,ene mbadiko yu ghamonine. ⁸ Apa ghapindukire Saghulusi,ghayandhure meho ghendi,ene mbadi wakumona; hamukwatire kudyoko no kumutwara kuDamascusi. ⁹ Ghure gho mayuwa mahatu,mbadi ghadire no kunwa temba. ¹⁰ MuDamascusi mwakakrire mukathishongero oyu ngahatoyanga eshi Ananiyasi. Fumu ghaghambire nendi muyirota,''Ananiyasi!'' ghaghambire eshi,''mMone yameno Fumu.'' ¹¹ Fumu ghaghambire kukwendi eshi,''Wimane noyende muthitata ethi ghana kutoya eshi Straight,kundhugho dhaJudas hakepure murume oyu ghana kutunda kuTarsus gho dina dyoSaghulusi, oku hana kuraperera. ¹² Ghamonine muyirota murume ghodina Ananiyasi ghana kumwiyera no kumukambeka dyoko dyendipapendi,podiyo shi ghamone karo.'' ¹³ Ene Ananiyasi ghahuthire eshi,''Fumu,nayuva kwawengi yokuhatera murume yu,yoyingi ghayipitha kohanu ghoye muJerusalema. ¹⁴ Aye ghawana mangcamu ghokutunda kwawa pristeri shokuru mukukwata kehe yu ghana kwitha dina dyeyo. ¹⁵ Ene fumu ghamutongwere eshi,''Yende, ghana pu kutorora ghakare thirughanitho thange,ghatware dina dyange kughutho wawahayidena nawafumu,nawanuke homuIsrael; ¹⁶ ghame mbona munedha eshi,''rure ro kukuma kupi gha kunyanda mudina dyange.'' ¹⁷ Ananiyasi ghemanine no ghengenine mundhugho. Ghakambekire moko ghendi papendi noghaghambire eshi,''Muyendhange Saghulusi,Fumu Jesusi,oyu ghakuhokokere mundhira apangawiya,yana ni tumu podiyo eshi,''podiyo eshi ghukone kumona no ghuyare nomupepo ghokuponigoka.'' ¹⁸ Popovene yinu yokupitura yira nandhi yawire mumeho ghaSaghulusi, ghatangire kumona no ghapwire kuyogha; ¹⁹ no ghadire yidya no yamutanarithire. No ghakarire mayuwa ghongandji nawa kathishongero muDamascusi. ²⁰ Popovene ghatangire kuyuvitha Jesusi mumasinagoge, ghughamba eshi ayen en mwana Nyambi. ²¹ Wahe wa hamuyuvire yawatetukithire no haghambire eshi,''Oyu ne mbadi yoyu murume ghahanyaghuranga hakaJerusalema awa ngatoyanga ndi?'' Ngeya mukuna wakwata no kuwatwara kwawa pristeri shokuru.'' ²² Ene Saghulusi gheyire no ngcamu thikuma. No gha retedherire tokotoko mukatji kawaJuda awa hatungire muDamascusi pakuneghedha eshi Jesusi ne Kristusi. ²³ Munyima dhomayuwa gho mengi,haJuda hanugnire dighano dyofotji mukumupagha. ²⁴ Ene dighano dyagho dyayuvekire kwaPaghulusi. Nga kevereranga kemivero mutenya noghuthiku nothitambo tho kumupagha. ²⁵ Ene hakathishongero wendi hamushimbire ghuthiku,no hamuturire pathikote kumureghitha dikuma no kumushurutha. ²⁶ Apa ghkumine muJerusalema, Saghulusi ghakondjire mukukupakerera nawa kathishongero,ene waheya hamuyapire,mbadi hayitawire eshi mukathishongero. ²⁷ Ene Barnabasi ghamushimbire no ghamutwarire kwahapostoli. No ghawatongwerire eshi ngepi ghamonine Saghulusi fumu,oku yene mundhira,noyi ghaghambire kukwendi,Saghulusi ghayuvithere muDamascusi no ghutjima dina dyaJesusi. ²⁸ Ghakarire nagho, kushwagha nokuhuka muJerusalema. Nga ghambanga noghutjima mudina dyafumu Jesusi ²⁹ na hakukukanananga nawaJuda ghohahirika;ene shime ngahakondjanga hamupaghe. ³⁰ Aaa hayiyuvire hapostolu hayendhendi hamuretire kuCeasarea no hamutumine kuTarsus. ³¹ Kutunda pongirishe muJudeya ghomuhe,Galileya, nomuSamaria hakarire nothiraro nothakurire;apa ngayendanga nowoma kwaFumu ndani mahengawero ghomupepo ghokupongoka, wakurire muyitara. ³² Kemo yahokokire eshi,apa nga yendanga Petrusi kumango ghomahe,ghakeyire shime karo kwawa pongoki awa hatungire mudoropa dhaLydda. ³³ Oku ghakawanine murume ghumweya gho dina dyo Aeneas,oyu ghakarire pathiraro ghure gho myaka kwoko nodhihatu,noyikorwa yokughara. ³⁴ Petrusi ghaghambire kukwendi eshi,''Aeneas,Jesusi ghana kwirura. Pinduke noyare ghudidi ghoye,'' popo ghapindukire. ³⁵ Keheyu ghatungire muLydda naSharoni ghamonine murume oyu ghapirukire kwaFumu. ³⁶ MuJobba mwakarire mukathishongero ghumwe ghodina Tabita(Dorcus). Mbuyama ghumweya oyu ghakarire no yirughana yoyiwa yothineke kwawahepwe. ³⁷ Peyire mayuwa agha dhamuwanine tjitju no ghafire;apa hamanine kumuyogha,ghamurangekire kungonda dhokuwiru. ³⁸ Kutundi pa ghakarire Lydda pepi naJoppa,nohakathishongero wendi hayuvire eshi Petrusi ne kwadi koko,hamutumene harume hawadi hakamukandere eshi,''Tambuke wiye kwetu.'' ³⁹ Petrusi ghemanine noghakayendire nagho. Opa ghakakumine hamutwarire kungonda dhokuwiru,no hadidhi wahe awa hakarire nendi hadirire mukuneghedha yitere eyi ghatendire mbuyama oku shime nagho ghadi. ⁴⁰ Petrusi ghawashwaghithire wahe,noghatongamene nokuraperera;no ghapirukere kumwimba no kughamba eshi,''Tabita, pinduke.'' Naye ghayandhure meho ghendi apa ghamonine Petrusi gha hungumanine. ⁴¹ Petrusi gha mukwatire kudyoko no ghamwimekire;apa hethire hana Nyambi hokupongoka, nawadidhi no ghamutapire kwawo oku yene muyumi. ⁴² Mbudhi dhi dhakutapathane muJoppa ghomuhe, nohanu hohengi hatawire mwaNyambi. ⁴³ Yaretedherepo eshi Petrusi ghakare mayuwa ghomengi muJobba namurume ghodina eshi,Simoni,ghomunyuki.