¹ Ngurangura yoyinene, muruti kurona aka kugwanekera kumwe nova kurona no vatjangi matjangwa no ndango ya Juda. Makura vavo ava mukwata Jesus nokumupititira akayende. vavo vana mutapa kwa Pilate. ² Pilate amupura,'' ove ve Hompa gho va Juda?'' Uye alimburura, ''Momu unakuvighamba.'' ³ Varuti vova kurona ava murundire uye vininke vyo vingi. ⁴ Pilate amupuranka, ''Ove kapi unakutapa lilimbururo? Kengasi vininke vingapi vavo vana kukurundira ove!'' ⁵ Ene ngoli Jesus kwato nka kulimburura Pilate novino vya mutetwire uye. ⁶ Weno paruvede ro sipito, Pilate kehe pano ava rupwitire muna dorongo umwe, munadorongo owo va rombire, ⁷ no pwa kalire murume vatwenyanga Barabbas mudorongo kumwe nova kavita ovo alituliro mulidipayo muruvede rova kavita. ⁸ Mbunga ayi ya kwa Pilate nokutameka kumupura uye ava ruwane kwavo momu karuwananga pa kare. ⁹ Pilate alimburura kwavo no kughamba,'' Ove una sana me ni rupwite koye Hompa ghova Juda?'' ¹⁰ Mbyevi uye aviyivire si morwa Jesus kukwendi. ¹¹ Ene ngoli muruti kurona arunga runga mbunga yinya yililire Barabbas mposi vamumangurure nkwandi. ¹² Pilate alimburura nka kwavo no kughamba,'' Vinke ovyo nivhura kuruwana na Hompa wo va Juda? ¹³ Vavo ava yiyire nka,'' Mupamparenu wo!'' ¹⁴ Pilate aghamba kwavo,'' vinke vyo vidona ana ruwana?'' ene ngoli vavo avayiyire rorungi no rungi ,''Mupamparenu.'' ¹⁵ Pilate kwaholire a kutike mbunga makura uye arupwita Barabbas kukwavo. Uye akorangeda Jesus no kumutapa kwendi vakamupampare. ¹⁶ Vakwyita avamu tindikida uye munda ya rugumbo (yayo ndjo mberewa yoyinene yolipongero), no vavo avayita kumwe mbunga nayintje yovakavita. ¹⁷ vavo ava manga kumwe nkata yomiya no kuyimutura uye. ¹⁸ vavo ava tameke ku mupanda uye no kughamba,'' moro,Hompa wova Juda!'' ¹⁹ Vavo ava vandaura mutwe wendi no mbuu nokutipira pendi. vavo ava yendi vaka tongamene no kulinyongamena kumeho yendi. ²⁰ Opo vavo va musandulire, vavo ava rumutundita ruwodi ro kugehuruka no atura ko mwene lirwakani lyendi, no avamutindikida movakamupampare. ²¹ Murume umwe ,Simon waCyrene, kwa yire mo atundilire mu Sirongo(Uye kwa kalire vase va Alexander na Rufus), no vavo ava mutininike uye asimbe sikuruse sendi. ²² Vakwavita ava yita Jesus kulivango vatwenyanga asi Golgotha (olyo vatoroka asi livango lyovikora''). ²³ Vavo ava mupa uye vinyu eyi vavonga na mire, ene ngoli uye kapi avinwine. ²⁴ Vavo ava mupampara uye nolirwakani lyendi avaligaunnuna mukudana sidanauka vavi twe mutwe kehe uno musorondate ruha munke aupa. ²⁵ Kwakalire vili yo utatu vavo apo vamu pampalire uye. ²⁶ pasiyivito ava tjangapo evi vamufutitire uye, Ano Hompa wo vaJuda.'' ²⁷ Kumwe naye vavo ava pampara vanamahaka vavili,umwe kurulyyo rwendi ano umwe kurumontjo rwendi. ²⁸ Mbapira yakahuroko kukakuru kapi yakara na Marukusa ,Matjangwa wokutikiliramo ghana kutanto , Uye kwa muvarulire kumwe nova na ndjo; ²⁹ Ovo vapitiro pepi naye ,ava kupuka kudimutwe davo nokughamba ,'' Aha! Ove wa kuvhura kudjonaura ntembeli nokuyidikurura mu mayuva matatu, ³⁰ kuvatere naumoye no udumbukeko ko kusikuruse!'' ³¹ Mundjira ndjoyo varutikurona ava musandura uye kumwe no vamwe , kumwe nova tjangi vombudi ,'' avaghamba, Uye avatelire vamweya ene ngoli kapi ana kuvhura kulivatera mwene. ³² Renka vapuli ,Hompa wova Israel , aghurumukeko weno kusikuruse , mposi twe tuvimone nokuvipura. ''ovo vamupampalire kumwe naye vavo nka avamusandura uye. ³³ Pavili ya untayimwe, mundema aghuya mulivango nalintje dogoro pavili ya ntane. Pavili yo ntane Jesus alilire na liywi lyo kudameka, ³⁴ ''Eloi,Eloi ,lama sabachthani?''oyo vatoroka ,Hompa wande ,Hompa wande, vinke unakunkengerera?'' ³⁵ Vamwe ovo vayimanino ko vayuvire nkango dendi no kughamba, Kenga, uye kuna kukuwa Elijah.'' ³⁶ Umwe aduka, tura vinyu yousatu pasikese so kukusita, uyi ture pa vikwambu , nokukamupa aka nwe. Murume a ghamba , renkenu tukenge ogho Elijah nange kwaya aya mudumbwite ko.'' ³⁷ Makura Jesus alilire no liywi lyo kudameka no kudohoroka. ³⁸ Likese lyo muntembeli avaligaununa pa vili kutundilira kuwiru dogoro pallivhu. ³⁹ Mukondi wavakwayita ogho a yimanino akenge Jesus a kengire si uye kwa fire mundjira yino, uye aghamba,'' Usili uno murume Mona Karunga.'' ⁴⁰ Mwa kalire vakadi vokuyuvika ovo vakengiliro kunaure. mukatji kavo mwakalire Maria Magdalena, Maria (vawina va James wa mwanuke ntani Joses) Joseph, na Salome. ⁴¹ Opo vakalire ku Galileya avamukwama no kumuruwanena . Vakadi vamwe vo vangi navo avaya naye ku Jerusalem. ⁴² Opo lya tokire , mukondasi kwakalire liyuva lyokukuwapayikira, kumeho yo liyuva lyo mapeu, ⁴³ Joseph wa Arimathea naye nko ayire. Uye kwakalire mufumwadeka umwe ghovakarelipo ovo va tatiliro untungi wa Karunga. Uyeno nkondo ayendi mu pilate nnoku kapura rutu rwa Jesus, ⁴⁴ Pilate kwa tetukire asi Jesus ana fu kare, Uye ayita mukondi wovakwayita nokuya mupura ntjene Jesus anafu. ⁴⁵ Opo ayuvire Pilate kuva kondi vovakwayita asi Jesus ka fuu, Aru tapa rutu kwa Joseph. ⁴⁶ Joseph auru likese lyolikenu. Amutururako kusikuruse, amudingilire palikese lyo likenu ,makura a sindumwineko liwe kulivero lyo kungenena lyo ntoko. ⁴⁷ Maria Magdalena na Maria vawina va Joses vakengire livango oko vakamuholikire Jeses.