¹ Judas servu di Jizus Kristu i irmon di Tiagu, pa kez ki txomadu, amadu na Déus, ki é Pai, i guardadu pa Jizus Kristu: ² ki mizerikordia, paz i amor seja multiplicadu na nhós. ³ Amadus, inkuantu n-staba ta isforsa pam skrebi nhós sobri éx salvason ki nu tém em kumum, n-tivi ki manda nhós mesagi pam txoma nhós atenson pa nhós luta paki nhós permanesi na fé ki, di um bez pa tudo, foi dadu pa santus. ⁴ Pamodi sertus Ômis fingidus entra na nhós meio sucundidu.Kés Õmis la ki sés condenason staba skritu a txeu tempo atráz; Ômis mou ki dismoraliza grasa di Deus na imoralidadi sexual e és rejeita nós uniku Mestri i Sinhor, Jizus Kristu. ⁵ Gosi n-tem ki lembra nhós, mesmu ki dja nhós sabéba antis, ki Sinhor salva um povu, trandu és di terra di Ijitu, mas dipós Él kaba ku kés ki ka kridita. ⁶ I, pa kés anjus ki ka manti sés pusison di autoridadi, mas és abandona sés lugar di abitason, Deus tém mantidu és na aljemas iternu na skuridom pa julgamentu di grandi dia. ⁷ Di mesmu forma Sodoma, Gomora e kés sidadis da volta dés, ki prostitui i cori trás di disejus contra natureza, és podu postu comu ixemplu, ta sufri castigu de lumi iternu. ⁸ Di mesmu forma kés Ômis kontamina sés corpu na sés sonhu, ta rijeta auturidadi i blasfema kontra seris cilistials. ⁹ Mas, mesmu arcanju Migél, kantu él fica kontra diabu ta disputa corpu di Mozés, él ka ném condenál ou faltal rispetu, inbés disso él flal "Ki Sinhor txomou atenson". ¹⁰ Más kés Ômis la ta falta rispetu pa kuzas kés ka ta intendi. I kusas kés ta intendi pa instintu, sima animal ki ka ta pensa, na kés kuzas la és ta distruidu. ¹¹ Ai dés! Pamodi és tém andadu na caminhu di Kaim, tém kaidu na eru di Balaão pa ganansia e mori na ribilión di Coré. ¹² Kés Ômis la és é sima rotxa sucundidu na banqueti di amor. És ta festeja sem burgonha, ta pastoria sés propi kabesa; és é nuvem sem agu, karedagos pa bentu, arvi di otonu sen frutu, dôs bés morto, tradu di rais, ¹³ ondas violentu di mar, ta spuma sés propiu burgonha; strela sen direson, undi skuridon di treva tém lugar servado pa sempri. ¹⁴ I, sobri kés ômis la, Enoqui, sétimu di linhagi de Adôn, préveba, ta fla: " Nhós odja, Nhordez sta ben ku dez mil di sé santu ¹⁵ pa fazi julgamentu di tudu algén i pa konvensi impiu di tudo sés trabadju mariadu, ki és tén kometidu di mau manera i di tudu mau kusas ki impius pekadoris tém fladu mal kontra El". ¹⁶ Kés omis li és ta murmura, és ta kexa, es ta entrega a ses diseju pekaminozus, es e skandalozus, orgulhozus, es ta ingana sertus algen pa ses provetu. ¹⁷ Inquantu isu, nhós amadus, nhós lenbra di palavras di apostulus di nós Jizus Kristu flaba na pasadu. ¹⁸ Es flaba nhós: "Na fim di tenpus, ta ten trosentus ki ta sigi sés propi disijus impiu". ¹⁹ Kes omis la e ki ta kausa divison, es e mundanus i es ka tem Spiritu Santu. ²⁰ Mas nhos, amadus, nhos fika firmi na santisimu fe i nhos kuntinua ta ora pa Spiritu Santu, ²¹ nhos guarda na amor di Deus, ta spera pa miserikordia di nos Jizus Kristu pa vida iternu. ²² Tem konpaixon di kes ki sta na duvida: ²³ ma kes otus nhos salval-s trandu es di fogu: i pa kes otus, ten miserikordia des ku temor, ditestandu ti ropa manxadu pa karni. ²⁴ Inton, Kel ki podi manti nhos longi di keda i di poi nhos tras di prisensa di Se gloria sen manxa, ku txeu alegria, ²⁵ a uniku Deus i Salvador, atraves di nos Jizus nos Sinhor, seja gloria, majistadi, duminiu i autoridadi, antis di tudu tempu, gosi i pa sempri. Amen.