Ligaununo 7
1
Muliyuva olyo amanitire Mosesa nkongorondjugho ya kupongoka, ayiwaveke nakuyipongwera kwa Karunga, na navintje vishongaghura vyako. Aruwana nka kushidjambero nakuviruwanita vyako. Aviwaveke nakuvipongwera kwa Karunga.
2
Muliyuva linya, vampititi vaIsraeli, vanturaghumbo vamumapata ghavakughona vavo, ava djambere ndjambo. Ovo vakafumu vayenditiro rudi. Ovo vakengiliro livavruro lyavakafumu mulivaruro lyapaveta.
3
Ava yita ndjambo davo kumeho yaKarunga. Ava yita matemba ntayimwe ghakuyura nahove murongo mbiri. Ava yita mulitemba limwe lyavampititi vaviri, ano mumpititi hove yimwe. Ava vitura vininke vino kumeho yankongorondjugho yamagwanekero.
4
Makura Karunga atantere Mosesa. A ghamba,
5
''Tambura ndjambo oyo kukwavo nakuyiruwanita ndjambo oyo kuviruwana vyamutende yavigongi. Tapa ndjambo kuvaLeviti, Kehe uno moomo vana kuvishanena viruwana vyavo.''
6
Mosesa nko kughupa matemba nahove, nakuvitapa kuvaLeviti.
7
Atapa matemba maviri nahove ne kuvaGerishona, mukonda yavihepwa kuviruwana vyavo.
8
Atapa matemba mane nahove ntano nantatu kuvana vaMerari, mulikeverero lya Itamara mona-rume waArona wamuruti. Kwaviruwanine vino mukonda mbyo vihepwa vya viruwana vyavo.
9
Ngoli kwato ovyo atapire pavininke vinokuvana vaKohati, mukonda viruwana vyavo kwa haminine kuvininke vyakaliro vya Karunga vya kuvhura kushimbira pavipepe vyavo.
10
Vampititi ava djambere viweka vyavo kulipongoro lya shidjambero muliyuva olyo Mosesa awavikire shidjambero. Vampititi ava djambere ndjambo yavo kumeho yashidjambero.
11
Karunga atantere Mosesa, ''Kehe uno mpititi ana hepa kudjamba muliyuva lya mwene ndjambo yendi yalipongoro lya shidjambero.''
12
Muliyuva lyakuhova, Nahashoni mona-rume waAminadaba, wamurudi rwa Juda, a djamba ndjambo yendi.
13
Ndjambo yendi kwa kalire rupasha rwa shiliveli shamukumo wa 130 mushekeli, nashisha sha shiliveli sha mukumo dimurongo ntano nambiri mushekeli, mukutwara muliviho lya liwa lya shekeli munkongorondjugho yakupongoka. Navintje vino vininke vina yura ghutura vashuka nawa vavhonga namaghadi morwa ndjambo yambuto.
14
Atapa shivhani sha ngorodo shimwe shina kuviho murungo mushekeli osho vayuda mumanganga.
15
Atapa yira moomo vyashwa kundjambo yakushwakerera ntwedu ghona yimwe, shikungwe shashirume, nashindjwi ghona shashirume shimwe sha mwaka umwe.
16
Atapa shimpendje shashirume kundjambo yandjo.
17
Atapa hove mbiri, vindjwi ghona vitano, vimpendje vyavirume vitano, navindjwi ghona vyavirume vitano vya mwaka umwe, momo vyashwa kundjambo yakudjambo yambili. Oyino ndjo ndjambo yaNahashoni mona-rume wa Aminadaba.
18
Muliyuva lyauviri, Netaneli mona-rume waZuwara, mpititi waIsasikari, a djamba ndjambo yendi.
19
A djamba momo vyashwa kundjambo yendi rupasa rwa shiliveli rumwe mukumo 130 mushekeli nashisha shimwe sha shiliveli shamukumo dimurongo ntano nambiri mushekeli kutwara muliviho lyaliwa mushekeli yamunkongorondjugho yakupongoka. Navintje vino viyure utura wakushuka nawavavhonga naaghadi kundjambo yambuto.
20
Atapa nka shivhani shimwe sha ngorodo sha mukumo murongo mushekeli, shina yura manganganga.
21
A tapa momo vyashwa kundjambo yakushwakerera ya ntwedu ghona yimwe, shikungwe shimwe, nashindjwi ghona shashirume sha mwaka-umwe shimwe.
22
A tapa shimpendje shimwe shashirume momo vyashwa vya ndjambo ya ndjo.
23
A tapa hove mbiri, vikungwe vitano, vimpendje vya virume vitano, navindjwi ghona vyavirume vitano vya mwaka umwe, momo vyashwa kundjambo yambili. Oyino ndjo ndjambo yaNetaneli mona-rume waZuwara.
24
Muliyuva lyautatu, Eliyaba mona-rume waHeloni, mpititi wavana va Zebuluni, a djamba ndjambo yendi.
25
Ndjambo yendi yayo rupasa rumwe rwa Shiliveli rumwe runa kuviho 130 mushekeli, nashisha sha shiliveli shimwe shina kuviho dimurongo ntano- nambiri mushekeli kutwara muliviho lyaliwa lya shekeli munkongorondjugho yakupongoka. Navintje vino vininke vina yura ghutura wakushuka nawa vavhonga namaghadi gha ndjambo yambuto.
26
Atapa nka shivhani shangorodo shimwe shamukumo wamurongo mushekeli, shinayuro manganganga.
27
Atapa momo vyashwa ndjambo yakushwakerera yantwedu ghona yimwe, shikungwe shimwe, nashindjwi-ghona shashirume sha mwaka-umwe shimwe.
28
Atape shimpendje shimwe shashirume momo vyashwa kundjambo yandjo.
29
Atape hove mbiri, vikungwe vitano, vimpendje vya virume vitano, vindjwi ghona vya virume vya mwaka umwe vitano, momo vyashwa kundjambo yambili. Oyino ndjo ndjambo yaEliyaba mona-rume waHeloni.
30
Muliyuva lyaune, Elizura mona-rume waShedeuri, mpititi wavana vaRubeni, a djamba ndjambo yendi.
31
Ndjambo yendi yayo rupasha rwa shiliveli rumwe mukumo 130 mushekeli nashisha sha shiliveli shimwe mukumo dimurongo ntano nambiri mushekeli, mukutwara muliviho lyaliwa shekeli munkongorondjugho yakupongoka. Navintje vino vininke vina yura ghutura vashuka nawa vavhonga namaghadi vyakundjambo yambuto.
32
Atapa nka shivhani shangorodo sha mukumo murongo mushekeli, shina yura manganganga.
33
Atapa momo vyashwa kundjambo yakushwakerera yantwedu ghona yimwe, shikungwe shimwe, nashindjwi ghona sha mwaka-umwe shimwe.
34
Atapa shimpendje shimwe shashirume momo vyashwa kundjambo yandjo.
35
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vya mwaka umwe, momo vyashwa kundjambo yambili. Oyino ndjo yakaliro ndjambo yaElizura mona-rume waShedeura.
36
Muliyuva lyautano, shelumiyeli mona-rume waZurishadayi, mpititi wavana vaSimiyoni, a djamba ndjambo yendi.
37
Ndjambo yendi ayikara rupasha rwa shiliveli rumwe wamukumo 130 mushekeli nashisha rwashi shiliveli shimwe shamukumo wadimurongo ntano nambiri mushekeli, kutwara muliviho lyaliwa lya mushekeli munkongorondjugho yakupongoka. Navintje vino vininke kwaviyudire ghutura vana shuku nawa vavhonga namaghadi vya kundjambo yambuto.
38
Atapa nka shivhani shangorodo shimwe mukumo washo murongo mushekeli, shinayura manganganga.
39
Atapa momo vyashwa vya ndjambo yakushwakerera yantwedu-ghona yimwe, shikungwe shimwe, nashindjwi-ghona shashirume sha mwaka umwe shimwe.
40
Atapa shimpendje shashirume shimwe momo vyashwa kundjambo yandjo.
41
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vya mwaka umwe, momo vyashwa kundjambo yambili. Oyino ndjo yakaliro ndjambo yaShelumiyeli mona-rume waZurishadayi.
42
Muliyuva lyauntayimwe, Eliyasafa mona-rume waDeweli, mpititi wavana vaGada, adjamba ndjambo yendi.
43
Njambo yendi kwakalire rupasha rwashishiliveli rumwe rwamukumo 130 mushekeli nashisha shashishiliveli shimwe shamukumo dimurongo ntano nambiri mushekeli kutwara muliviho lyaliwa lyamushekeli munkongorondjugho yakupongoka. Navintje vino vininke kwakalire ghutura vanashuku nawa vavhonga namaghadi vyakundjambo yambuto.
44
Atapa nka shivhani shangorodo shimwe shamukumo wamurongo mushekeli, shina yuro manganganga.
45
Atapa momo vyashwa kundjambo yakushwakerera yantwedu-ghona yimwe, shikungwe shimwe, shindjwi-ghona shamwaka umwe.
46
Atapa shimpendje shimwe shashirume shimwe momo vyashwa kundjambo yandjo.
47
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vya mwaka umwe, momo vyashwa kundjambo yambili. Oyino ndjo yakaliro ndjambo yaEliyasafa mona-rume waDeweli.
48
Muliyuva lyautano nauviri, Elishama mona-rume waAmihudi, mpititit wavana vaEfurayimu, adjamba ndjambo yendi.
49
Ndjambo yendi kwakalire rupusha rwashiliveli rumwe rwa mukumo 130 mushekeli nashisha shashiliveli shimwe shamukumo dimurongo ntano nambiri mushekeli kutwara muliviho lyaliwa lyamushekeli munkongorondjugho yakupongoka. Navintje vino vininke vina yura ghutura vashuka nawa vavhonga namaghadi vyakundjambo yambuto.
50
Atapa nka shivhani shamngorodo shimwe shamukumo murongo mushekeli, shina yuro manganganga.
51
Atapa momo vyashwa kundjambo yakushwakerera yantwedu-ghona yimwe, shikungwe shimwe, nashindjwi-ghona shimwe shashirume sha mwaka-umwe shimwe.
52
Atapa shimpendje shashirume shimwe momo vyashwa kundjambo yandjo.
53
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vyamwaka umwe, momo vyashwa vyandjambo yambili. Oyino ndjo yakaliro ndjambo yaElishama mona-rume waAmihudi.
56
lyautano nautatu, Gamaliyeli mona-rume waPedazura, mpititi wavana vaMonase, andjamba ndjambo yendi.
54
Ndjambo yendi kwakalire rupasha rwashishiliveri rumwe rwamukumo nashisha shashishiliveri shimwe shamukamo wadimurongo 130 mushekeli nashisha shashishiliveli shimwe shamukumo wadimurongo ntano nambiri mushekeli kutwara muliviho lyaliwa mushekeli munkongorondjugho yakupongoka. Navintje vino vininke vina yuraghutura vashuka nawa vavhonga namaghadi vyakundjambo yambuto.
55
Atapa nka shivhani shangorodo shimwe shamukumo murongo mushekeli , shinayura manganganga.
57
Atapa momo vyashwa kundjambo yakushwakerera yantwedu-ghona yimwe, shikungwe shimwe, nashindjwi-ghona shashirume shamwaka-umwe shimwe.
58
Atapa shimpendje shashirume shimwe momo vyashwa kundjambo yndjo.
59
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vyamwaka umwe, momo vyashwa vyandjambo yambili. Oyino ndjo yakaliro ndjambo yaGamaliyeli mona-rume waPedahazuri.
60
Muliyuva lyautano naune, Abidana mona-rume waGidiyoni, mpititi wavana vaBenjameni, adjamba ndjambo yendi.
61
Ndjambo yendi kwakalire rupasa rwasisiliveli rumwe rwamukumo 130 mushekeli nashisha shasisiliveli shimwe shamukumo wadi murongo ntano nambiri mushekeli kutwara muliviho lyaliwa mushekeli munkongoro ndjugho yakupongoka. Navintje vino vini nke vinayura ghutura vashuka nawa vavhonga namaghandi vyaku ndjambo yambuto.
62
Atapa nka shivhani shangorondo shimwe shamukumo murongo mushekeli, vinayura manganganga
63
Atapa mono vyashwa ndjambo yakushwakerera yantwedu ghona yimwe, shikungwe shimwe, nashindjwi ghona shashirume shamwaka umwe shimwe.
64
Atapa shimpendje shashirume shimwe momo vyashwa vyandjambo yandjo.
65
Atapa hove mbiri, vikungwe vitano, vimpendje vyavirume vitano, navindjwi ghona nyavi rume vitano vyamwaka umwe, momo vyashwa ndjambo kundjambo yambiri. Oyino ndjo yakaliro ndjambo yaAbidana mona rume waGidiyoni.
66
Muliyuiva lya murongo, Ahiyezera mona rume waAmishadayi, mpititi warudi rwa vaDani, adjamba ndjambo yendi.
67
Ndjambo yendi kwakalire rupasha rwashishiliveli rumwe rwa mukumo 130 mushekeli nashisha shasisiliveri shimwe shamukumo wadimurongo ntano nambiri mushekeli kutwara muliviho lya liwa mushekeli munkongoro ndjugho yakupongoka. Navintje vino vininke vina yura ghutura vashuka nawa vavhonga namaghandi vyaku ndjambo yambuto.
68
Atapa nka waro shisha shimwe sha ngorodo shamukumo murongo mushekeli, vinayura manganganga.
69
Atapa momo vyashwa vyandjambo yakushwakerera ntwedu-ghona yimwe, shikungwe shimwe, nashindjwi-ghona shimwe shashirume.
70
Atapa shimpendje shashirume shimwe momo vyashwa kundjambo yandjo.
71
Atapa hove mbiri, shikungwe vitano, vimpendje vyavirume vitano, navindjwi-ghona vyavirume vitano vyamwaka umwe, momo vyashwa kundjambo yambili. Oyino ndjo ndjambo yakaliro yaAhiyezera mona-rume waAmishadayi.
72
Muliyuva lyamurongo nalimwe, Pagiyeli mona-rume waOkarani, mpititi wa vana vaAsheri, adjamba ndjambo yendi.
73
Ndjambo yendi kwakalire rupasha rumwe rwashishiliveli rwamukumo 130 mushekeli nashisha shashi shiliveli shimwe shamukumo wadimurongo ntano nambiri mushekeli, kutwara muliviho lyaliwa lya shekelikunkongorondjugho yakupongoka. Navintje vino vininke vina yura ghutura vashuka nawa vavhonga namaghadi vyakundjambo yambuto.
74
Atapa nka shivhani sha mukumo murongo mushekeli, vina yura manganganga.
75
Atapa momo vyashwa vyandjambo yakushwakerera yantwedu-ghona yimwe, shikungwe shimwe, nashindjwi-ghona shashirume shimwe sha mwaka umwe.
76
Atapa shimpendje shashirume shimwe momo vyashwa kundjambo yandjo.
77
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vyamwaka umwe, momo vyashwa kundjambo yambili. Oyino ndjo yakaliro ndjambo yaPagiyeli mona-rume waOkarani.
78
Muliyuva lyamurongo nauviri, Ahira mona-rume waEnani, mpititi wa vana vaNafitali, adjamba ndjambo yendi.
79
Ndjambo yendi kwakalire rupasha rwashi shiliveli rumwe rwamukumo 130 mushekeli nashisha shashi shiliveli shimwe sha mukumo wadimurongo nambiri mushekeli, kutwara muliviho lyaliwa lyashekeli munkongorondjugho yakupongoka. Navintje vino vininke vina yura ghutura vashuka nawa vavhonga namaghadi vyakundjambo yambuto.
80
Atapa nka shivhani sha mukumo murongo mushekeli, vina yuro manganganga.
81
Atapa momo vyashwa kundjambo yakushwakerera yantwedu-ghona yimwe, shikungwe shimwe, shindjwi-ghona shimwe sha mwaka umwe.
82
Atapa shimpendje shashirume shimwe momo vyashwa kundjambo yandjo.
83
Atapa hove mbiri, vikungwe vitano, vimpendje vyavirume vitano, navindjwi-ghona vyavirume vitano vya mwaka-umwe, momo vyashwa kundjambo yambili. Oyino ndjo yakaliro ndjambo yaAhira mona-rume waEnani.
84
Vampititi vaIsraeli kwapongolire navintje vino muliyuva olyo Mosesa awavikire shidjambero. Ava pongora marupasha gha shishilivelimurongo namaviri, visha vyashi shiliveli murongo naviviri, navivhani vya ngorodo murongo naviviri.
85
Kehe runo rupasha mukumo waro 130 mushekeli na kehe shino shisha mukumo washo dimurongo-nambiri mushekeli. Navintje vikwashiliveli kwavihire 2,400 mushekeli, kutwara muliviho lyaliwa lyashekeli lyamunkongorondjugho yakupongoka.
86
Kehe shino shisha shaumurongo-nauviri, kwayulire manganganga, vyamukumo murongo mushekeli kutwara muliviho lyaliwa lyamushekeli kutwara muliviho lyaliwa lyamushekeli munkongorondjugho yakupongoka. Navintje vivhani vya ngorodo avi vihi 120 shekeli.
87
Ava pongora vikorama navintje kundjambo yakushwakerera, ntwedu murongo nambiri, vikungwe murongo nambiri, na ndjwi-ghona damwaka umwe murongo nambiri. Ava tapa ndjambo yambuto. Ava tapa vimpendje vyavirume murongo naviviri momo vyashwa kundjambo yandjo.
88
Kutundilira kungombe davo nadintje, ava tapa dimurongo mbiri nane ntwedu ghona, dimurongo ntayimwe vikungwe, dimurongo ntayimwe vimpendje vyavirume, na dimurongo ntayime vindjwi ghona vyamwaka umwe, momo vyashwa kundjambo yambili. Olino kwakalire lipongoro lyashidjambero kuruku rwakushiwaveka.
89
Ntjeneshi Mosesa ayendi mutende yavigongi akaghambe naKarunga, kuyuva liywi lyendi omo vana kughamba naye. Karunga aghamba naye kutundilira pawiru yambando yaliferonkenda pashikesha shaumbangi, kutundilira pakatji kavaEngeli vakushonga vaviri. Aghamba naye.