¹ Aviya pakutundako lihamba mukangu olyo a ghambire Karunga kwa Mosesa na Eliyasara mona Arona wa muruti. A ghamba, ² ''Vara dimuhoko nadintje da vantu vaIsraeli, kutamekera vamwaka rombiri nange ukandwite, mumakoro gha vanyakulyavo, navantje vakuvura kuyenda kuvita vya vaIsraeli.'' ³ Makura Mosesa naEliyasara wa muruti ava ghamba kwavo mumayana gha Mowabu kuJorodani pa Jeriko mukara a ghamba, ⁴ varurenu vantu navantje, kutamekera mwaka rombiri shikandwite, yira momo Karunga arawilire Mosesa na kuvantu vaIsraeli ovo vatundiro muliyuva lya Egipute.'' ⁵ Rubema kwa kalire mbeli ya Israeli. Kutamekera kwa Monendi Hanoki a kutundakana na vaHanoki. Kutunda kwa Paru a kutundakana na vaParu. ⁶ Kutunda kwa Hesironi a kutundakana na vaHesironi. Kutunda kwa Kami a kutundakana na vaKami. ⁷ Ovano mbo vatundakanino Rubena, ovo vakaliro na vakafumu 43, 730. ⁸ Eliyaba kwa kalire mona Peru. ⁹ Vana va Eliyaba va vakafumu kwakalire Nemweli, Datani, naAbiramu. Avano vamwe tupu Datani na Abiramu ovo vakwamino Kora opo vashetekire Mosesa na Arona ntani ava tangura na Karunga. ¹⁰ Livhu ali yashana kanwa kalyo ali va mini kumwe tupu na Kora opo vafire navantje ovo vamukwamino. Pashirugho ntjeshinya, mundiro aghu kwangulita kushora vantu 250, ovo vakaliro shineghedito sha marondoro. ¹¹ Ngoli vana va Kora kapi vafire ko. ¹² Ovo vatundakanino va likoro lya Simiyoni kwakalire vano: Vamwa Nemweli, ovo vatundakanino va Nemweli, vamwa Jamini, ovo vatandakanino va Jamini, vamwa Jakini, ovo vatundakanino va Jakini, ¹³ vamwa Zera, ovo vatundakanino va Zera, vamwa Saru, ovo vatundakanino va Saru. ¹⁴ Avano mbo vatundakanino va Simiyoni, ovo vakaliro na vakafumu 22, 200. ¹⁵ Ovo vatundakanino va likoro lya Gada kwakalire vano: Mwa Sefoni, ovo vatundakanino va Sefoni, mwa Hagi, ovo vatundakanino va Hagi, mwa Suni, ovo vatundakanino va Suni, ¹⁶ mwa Osini, ovo vatundakanino va Osini, mwa Eli, ovo vatundakanino va Eli, ¹⁷ mwa Arodi, ovo vatundakanino va Arodi, mwa Areli, ovo vatundakanino va Areli. ¹⁸ Avano mbo vatundakanino va Gada, ovo vakaliro na vakafumu 40, 500. ¹⁹ Vana va Juda va vakafumu kwakalire Era na Onani, ngoli vano vakafumu ava fere mulivhu lya Kanani. ²⁰ Ovo vatundakanino vaunya valikoro lya Juda kwakalire vano: Mwa Shela, ovo vatundakanino va Shela, mwa Peresi, ovo vatundakanino va Peresi, ntani mwa Sera, ovo vatundaknino va Sera. ²¹ Valikoro lya Peresi kwakalire vano: Mwa Hesironi, ovo vatundakanino va Hesironi, mwa Hamuli, ovo vatundakanino va Hamuli. ²² Ovano mbo vatundakanino va liro lya Juda, ovo vakaliro 76,500 shivaro sha vantu. ²³ Ovo vatundakanino va likoro lya Issaka kwakalire vano: Mwa Tola, ovo vatundakanino va Tola, mwa Pua, ovo vatundakanino va Pua, ²⁴ mwa Jashuba, ovo vatundakanino va Jashuba, mwa Simuroni, ovo vatundakanino va Simuroni. ²⁵ Ovano mbo vatundakanino Issaka, ovo vakaliro na 64,300 shivaro sha vantu. ²⁶ Ovo vatundakanino va likoro lya Zebuluni kwakalire vano: Mwa Seredi, ovo vatundakanino va Seredi, mwa Eloni, ovo vatundakanino va Eloni, mwa Jahareli, ovo vatundakanino va Jahareli. ²⁷ Avano mbo vatundakanino va Zebuloni, ovo vakaliro na 60,500 mushivaro sha vantu. ²⁸ Ovo vatundakanino va liro lya Josefa kwakalire va Manase na Efurayimu. ²⁹ Vakaliro lya Manase kwakalire vano: Mwa Makiri, ovo vatundakanino va Makiri (Makiri kwakalire vashe va Giliyadi), mwa Giliyadi, ovo vatundakanino va Giliyadi. ³⁰ Vakalikoro lya Giliyadi kwakalire vano: Mwa Lezera, ovo vatundakanino va Lezera, mwa Hereki, ovo vatundakanino va Hereki, ³¹ mwa Asiriyeli, ovo vatundakanino va Asiriyeli, mwa Shikemu, ovo vatundakanino va Shikemu. ³² Mwa Semida, ovo vatundakanino va Semida, mwa Heferi, ovo vatundakanino va Heferi. ³³ Zelofehadi muna Heferi wa mukafumu kapi akalire na vana va vamati, ngoli va vakadona pantjavo. Madina gha vana vendi va vaKamali kwakalire Mahila, Nowa, Hogila, na Tiriza. ³⁴ Ovano mbo vatundakanino vakaliro lya Manase, ovo vakaliro na 52,700 vakafumu. ³⁵ Ovo vatundakanino va kaliro lya Efurayimu kwakalire vano: Mwa Shutela, ovo vatundakanino Shutela, mwa Bekeri, ovo vatundakanino Bekeri, mwa Tahani, ovo vatundakanino Tahani. ³⁶ Vakaliro lya Shutela kwakalire, pa Erani, ovo vatundakanino Erani. ³⁷ Ovano mbo vatundakanino Efurayimu, ovo vakaliro na vakafumu 32,500. Ovano kwakalire va kaliro lya Josefa, kuvavarera kehe uno momo vakutundakanena. ³⁸ Ovo vatundakanino va kaliro lya Bendjameni kwakalire vano: Mwa Bela, ovo vatundakanino Bela, mwa Ashibeli, ovo vatundakanino Ashibeli, mwa Ahiramu, ovo vatundakanino Ahiramu, ³⁹ mwa Shefufamu, ovo vatundakanino va Shefufamu, mwa Hufamu, ovo vatundakanino va Hufamu. ⁴⁰ Vakalikoro lya Bela kwakalire Aradi na Namani. Kwa Aradi nko vatundire va rudi rwa Aradi, na kuNamani nko vataundire va varudi rwa Namani. ⁴¹ Ovano mbo vatundakanino va rudi rwa Bendjameni, vakalire na vakafumu 45,600. ⁴² Ovo vatundakanino va likoro lya Dani kwakalire, pa Shuham, ovo vatundakanino va rudi rwa Shuham. Ovano mbo vakutundakanino va likoro lya Dani. ⁴³ Navantje vatundakanino va rudi rwa Shuhami kwakalire na shivaro 64,400 sha vakafumu. ⁴⁴ Ovo vatundakanino vakaliro lya Asheri kwakalire vano: Mwa Imna, ovo vatundakanino va rudi wa Imna, mwa Ishivi, ovo vatundakanino va Ishivi, mwa Beriya, ovo vatundakanino va Beriya. ⁴⁵ Vakalikoro lya Beriya kwakalire vano: Mwa Heberi, ovo vatundakanino Heberi, mwa Malkiyeli, ovo vatundakanino Malkiyeli. ⁴⁶ Lidina lya mona Asheri wa mukadona kwakalire Sera. ⁴⁷ Ovano mbo vatundakanino valikoro lya Asheri, ovo vakaliro na vakafumu 53,400. ⁴⁸ Ovo vatundakanino vakalikoro lya Nafitali kwakalire vano: Mwa Yazeli, ovo vatundakanino va Yazeli, mwa Guni, ovo vatundakanino va Guni, ⁴⁹ mwa Yezeri, ovo vatundakanino va Yezeri, mwa Shilemi, ovo vatundakanino va Shilemi. ⁵⁰ Ovano mbo vatundakanino vakalikoro lya Nafitali, ovo vakaliro na vakafumu 45,400. ⁵¹ Oshino ntjo shivaro shakuyura sha vakafumu vaIsraeli ovo va valire: 601,730. ⁵² Karunga a ghamba kwa Mosesa na kughamba, ⁵³ ''Livhu vana kona kulikugaunwina mwa mbovo vakafumu likare upingwa kutwara kushivaro sha madina ghavo. ⁵⁴ Kumuhoko waunene po una kona kuwana upingwa wauyingi, ano kumuhoko waudidi una kona kuwana upingwa wa usheshu. Kwakehe lino likoro una kona kutapa upingwa kutwara kushivaro sha vakafumu ovo vana vara. ⁵⁵ Ene ngoli, livhu una kona kuligaunwina kwa kehe uno lyaliyingi. Vana kona kupinga livhu yira momo kasha valigaunwine dimuhoko da vanyakulyavo. ⁵⁶ Upingwa wavo vana kona kuukugaunwina mu muhoko waunene po ntani nauwaudidi po, kuvatapera pa kehe uno lyaliyingi.'' ⁵⁷ Ovo vatundakanino va Leviti, kwa va valire rudi ku rudi, vavo kwakalire: Mwa Gerishoni, ovo vatundakanino va Gerishoni, mwa Kohati, ovo vatundakanino va Kohati, mwa Merari, ovo vatundakanino Merari. ⁵⁸ Ovo vatundakanino va Levi kwakalire: Ovo vatundakanino va Libiniti, ovo vatandakanino va Hebroniti, Ovo vatundakanino va Mahiliti, ovo vatundakanino va Mushiti, na ovo vatundakanino va Korahite. Kohati kwakalire mutekurwa Amiramu. ⁵⁹ Lidina lya mukada Amuramu kwakalire Yokebedi, likoro lya Levi, ogho vashampurukira muLeviti mu Egipute. Akwaara Amuramu vana vavo Arona na Mosesa ntani Miriyamu muunyavo wa mukadona. ⁶⁰ Kwa Arona ayita Nadabu, Abihu, Eliyazara na Itamara. ⁶¹ Nadabu na Abihu kwa fire opo vadjambire kumundiro wa Karunga adilire kutambura. ⁶² Vakafumu ovo va varulire mumwavo vavo kwalire 23,000, vakafumu va mwedi umwe vikandwite. Ngoli kapi va varulire mulikoro lya Israeli mukondashi kwato upingwa ogho va vapire vaIsraeli navantje. ⁶³ Ovano mbo a varulire Mosesa na Eliyazara wa mupilisteli. Va varulire vantu va Israeli mu mayana gha Mowabu ku Jorodani pa Jeriko. ⁶⁴ Ngoli mwavino kwato mukafumuogho va valire va Mosesa na Arona muruti opo vakalikoro lya Israeli va vavalire mu mburundu ya Sinayi. ⁶⁵ Karunga ghuye kwaghambire ashi vantu navantje ntantani ngava fe mu mburundu. Kwato mukafumu vashuvireko kukwavo, kughupako Kalebu mona Jefune wa mukafumu na mona Nunu wamukafumu Joshuwa.