¹ Opo lyapwire likuma ntani natuliremo mavero mumavango, vakungi heka ntani vayimbi ntani va Leviti ava vahorowora, ² ani tura mughunyande Hanani mushirughana sha Jerusalemu, kumwe na Hanania, mupitakani kengeli wa litungo, mpo ghuye akalire mukafumu wa ushili ntani a tjilire Karunga kupitakana vamwe va vangi. ³ Ani ghamba kwavo, ''Kapishi mugharure heka da Jerusalemu dogoro liyuva lighenye. Shirugho sho vakungi heka mulitakamito, mughare mavero kumwe navikugho vyavire, vamwe mumavango ghavo gha likungiro, ntani vamwe kumeho ya mandi gha naumwavo.'' ⁴ Weno nkurumbara yina nenepa kumwe naunene, ene ngoli kwakaliremo vantu va vasheshu mwamo, ntani nka kwato ndjugho shimpe odo vadikurura. ⁵ Karunga wande tura mutjima wande muligwanekero kumwe na vayeruki, vakutikwa, ntani na varwana vakare vahameni vavo ku makoro. Nawana mbapira ya makushongo gha makoro ghovo va vyukiro pakuhova ntani nawana vya kukwamako ovyo vatjangamo munda. ⁶ ''Avano mbo vantu varuha shirongo ovo vayendiro varupuke mu unkwati ghovo vayendo vatunde mushirongo ovo Nebuchadnezzar Hompa wa Babylon a ghupire vayende mushirongo. Vakavyukire kuJerusalem ntani ku Juda, kehe uno ku nkurumbara yendi. ⁷ Vakayire kumwe na Zerubbabel, Jeshua, Nehemia, Azaria, Raamia, Nahamani, Mordecai, Bilshan, Mispereth, Bigvai, Nehum, na Baana. ⁸ Vamuhoko wa Parosh, 2,172. ⁹ Vamuhoko wa Shephatia, 372. ¹⁰ Vamuhoko wa Ara, 652. ¹¹ Vamuhoko wa Pahath-Moab, kupitira muhoko wa Jeshua na Joab, 2,818. ¹² Vamuhoko wa Elam, 1,254. ¹³ Vamuhoko wa Zattu, 845. ¹⁴ Vamuhoko wa Zakkai, 760. ¹⁵ Vamuhoko wa Binnui, 648. ¹⁶ Vamuhoko wa Bebai, 628. ¹⁷ Vamuhoko wa Azgad, 2,322. ¹⁸ Vamuhoko wa Adonikam, 667. ¹⁹ Vamuhoko wa Bigvai, 2,067. ²⁰ Vamuhoko wa Adin, 655. ²¹ Vamuhoko wa Ater, wa Hezekia, 98. ²² Vamuhoko wa Hashum, 328. ²³ Vamuhoko wa Bezai, 324. ²⁴ Vamuhoko wa Hariph, 112. ²⁵ Vamuhoko wa Gibeon, 95. ²⁶ Vakafumu vakutundilira ku Bethlehem naku Netophah, 188. ²⁷ Vakafumu vakutundilira ku Anathoth, 128. ²⁸ Vakafumu vakutundilira ku Beth Azmaveth, 42. ²⁹ Vakafumu vakutundilira ku Kiriath Jearim, Kephirah, naku Beeroth, 743. ³⁰ Vakafumu vakutundilira ku Ramah naku Geba, 621. ³¹ Vakafumu va Mikmash, 122. ³² Vakafumu va Bethel na Ai, 123. ³³ Vakafumu va Nebo yimweya, 52. ³⁴ Vantu va Elam yimweya, 1,254. ³⁵ Vakafumu va Harim, 320. ³⁶ Vakafumu va Jericho, 345. ³⁷ Vakafumu va Lod, Hadid, na Ono, 721. ³⁸ Vakafumu va Senaah,3,930. ³⁹ Varuti: Vamuhoko wa Jedaiah (va mumundi wa Jeshua), 973. ⁴⁰ Vamuhoko wa Immer, 1,052. ⁴¹ Vamuhoko wa Pashhur, 1,247. ⁴² Vamuhoko wa Harim, 1, 017. ⁴³ Va Leviti: Vamuhoko wa Jeshua, wa Kadmiel, wa Hodaviah, 74. ⁴⁴ Vayimbi: Vamuhoko wa Asaph, 148. ⁴⁵ Vakungi heka vamuhoko wa Shallum, vamuhoko wa Ater, vamuhoko wa Talmon, vamuhoko wa Akkub, vamuhoko wa Hatita, vamuhoko wa Shobai, 138. ⁴⁶ Varughani va ntembeli: Vamuhoko wa Hasupha, vamuhoko wa Tabbaoth, ⁴⁷ vamuhoko wa Keros, vamuhoko wa Sia, vamuhoko wa Padon, ⁴⁸ vamuhoko wa Lebana, vamuhoko wa Hagaba, vamuhoko wa Shalmai, ⁴⁹ Vamuhoko wa Hanan, vamuhoko wa Giddel, vamuhoko wa Gahar. ⁵⁰ Vamuhoko wa Reaia, vamuhoko wa Rezin, vamuhoko wa Nekoda, ⁵¹ vamuhoko wa Gazzam, vamuhoko wa Uzza, vamuhoko wa Paseah, ⁵² vamuhoko wa Besai, vamuhoko wa Meunim, vamuhoko wa Nephusim. ⁵³ Vamuhoko wa Bakbuk, vamuhoko wa Hakupha, vamuhoko wa Harhur, ⁵⁴ vamuhoko wa Bazluth, vamuhoko wa Mehida, vamuhoko wa Harsha, ⁵⁵ vamuhoko wa Barkos, vamuhoko wa Sisera, vamuhoko wa Temah, ⁵⁶ vamuhoko wa Neziah, vamuhoko wa Hatipha. ⁵⁷ Vamuhoko wa varughani va Solomon: Vamuhoko wa Sotai, vamuhoko wa Sophereth, vamuhoko wa Perida, ⁵⁸ vamuhoko wa Jaala, vamuhoko wa Darkon, vamuhoko wa Giddel, ⁵⁹ vamuhoko wa Shephatiah, vamuhoko wa Hattil, vamuhoko wa Pokereth-Hazzebaim, vamuhoko wa Amon. ⁶⁰ Varughani navantje va ntembeli, na muhoko nauntje wa varughani va Solomon, kwakalire 392. ⁶¹ Ovano mbo vantu vayendiro vatundilire kwa Tel Melah, Tel Harsha, Kerub, Addon, na Immer. Ene ngoli kapi vavi kunegheda vavene ashi vavo ndi walye mbo vadimu valikoro lya muhoko wa tundiliro mu Israeli: ⁶² Vamuhoko wa Delaia, vamuhoko wa Tobia, ntani vamuhoko wa Nekoda, 642. ⁶³ Ovo vakaliro kutundilira ku varuti: Vamuhoko wa Habaiah, Hakkoz, ntani Barzillai (ogho a ghupiro mukamali wendi kutundilirakwa mona wamukadona wamu Barzillai wamu Gilead ntani kwa kughire pa madina ghavo). ⁶⁴ Ava papara viturwapo vyavo mukatji kavovakaliro vahameni kuma karo ghavo, ene ngoli kapi va vawanine, mposhi va vaupireko kuliro lya uruti shi kapi vya kena. ⁶⁵ Makura ngughuru a ghamba kwavo ashi kapishi va vapulitire valye vitapera vya varuti vya ndya da kutundilira kundjambo dogoro ngava shapukite muruti kumwe na Urim na Thummim. ⁶⁶ Lipongero nalintje kwakalire 42,360, ⁶⁷ kutwareda varughani vavo va vakafumu ntani na varughani va vakamali, vavo kwakalire na vayimbi 245vakafumu na vakamali. ⁶⁸ Nkambe davo kwakalire 736 mu nomora, murutiya, 245, ⁶⁹ ngamero davo, 435, ntani vidongi vyavo, 6, 720. ⁷⁰ Vamwe kutundilira mukatji kavakurona mu makoro gha vadimu ava tapa vitapa vya virughana. Ngughuru atapa kwamutuliki vimaliva 1000 vya ngorodo, visha 50, ntani marwakani gha uruti 530. ⁷¹ Vamwe va vakaurona valiro lya udimu kwatapire kwa mupunguli kuvirughana vimaliva shilinga yatika ku 20 000 vya ngorodo ntani 2,200 vya siliveli. ⁷² Vantu navantje vakuhupako ava tapa 20 000 vimaliva vya ngorodo, ntani 20 000 vya siliveli, ntani marwakani gha uruti 67. ⁷³ Mposhi varuti, va Leviti, vakungi heka, vayimbi, vantu vamwe, varughani va ntembeli, ntani nava Israeli navantje ava tungu mu nkurumbara davo.