¹ Makura alili muliyuvo lyande naliywi lya kudameka, nakughamba, ''renka vakungi vaye munkurumbara, kehe uno nashirwita shendi sha kukukandanita mulighoko lyendi.'' ² Makura tegherera! Vakafumu ntayimwe avaya mundjira yakuheka yakuwiru oyo yapirukiro kuumboyera, kehe uno na shirwita shendi shakudipaghita mulighoko lyendi. Kwakalirepo mukafumu mukafumu mukatji kavo adwatiro muvyuma vyakutendita kuvimenwa na shirwita shakukukandanita kunyonga yendi. Avangene nakuyimana kuntere ya harutare rwa ngoporo. ³ Makura ghuyerere wa Karunga wa Israeli aghuyendi kuwiru wa vaengeli vakushonga ava vakaliro munda yandjugho nakuyenda palivero. Ghuye akughu kuvakafumu vadwatiro mumarwakani gha pulipuli ava vakaliro nashirughanito sha valirongi kuruha rwavo. ⁴ Hompa aghamba kukwendi, ''Pita mukatji kashitata - mukatji kaJerusalemu - nakutura shiyivito pavipara vyovo vana guvo na kukuyuva udona kuhamena kuvirughana vya vidona evi varuwana. ⁵ Aghamba kuvaunyendi muliyuvo lyande, ''Pitira mudoropa mukwame munyima yendi nakukadipagha. Washa renkita mantjo ghoye akare na nkenda, washa kamushuvapo. ⁶ Nampili vakondi va vakafumu, vamati ghona, vakadona vanya vadiro kukara panyama na mukafumu, vanuke va vadidi na vakamali. Vadipaghe navantje! Ngoli washa kugwanekera na kehe uno ogho akaro na shineghedito pamutwe wendi. Tameka paupongoki wande!'' Mposhi ngavatameke na vakurona ava vakaliro kumeho ya ndjugho. ⁷ Aghamba kukwavo, ''Nyatekenu ndjugho, yudenu livango lya munda na vimpu. Twikira!'' Mpo vayendire vakahomone nkurumbara. ⁸ Apa vahomonine ngoweyo, aniyendi kulivango lya lihorameno ani kawera kushipara shande na kulira unene ani ghamba, ''Ah, Hompa Karunga, kuudjonaghura vantu navantje vamu Israeli muugara woye waunene wamu Israeli?''' ⁹ Aghamba kwande, ''Viruwana dona vya mundjugho ya Israeli na Juda vinene unene. Shirorngo shina yura honde na nkurumbara yayura mapiyagano, momu vaghamba, 'Hompa avhurama shirongo,' ntani Hompa kapi amonanga! ¹⁰ Mpo ngoli, mantjo ghande kapi ngaghamona na nkenda, ntani kapi nganivashuva po. Ngani viyita navintje padimutwe davo.'' ¹¹ Teghererenu! Mukafumu adwata mulirwakani ogho akaliro nashirwita shakukukandanita kuruha rwendi aruvyuka. Arapota nakughamba, ''Namana navintje evi warawira.''