¹ Makura mukafumu andjita kuheka oyo yaharukiro kuupumeyuva. ² Kengerenu! Nkenga ya Karunga wa Israeli kwatundilire kuupumeyuva; liywi lyendi kwakalire yira mushagharo wa mema gha mangi, ntani palivhu apatwera na nkend yendi. ³ Kwatwalire ku rumonikito rwa limoneko olyo namonine, kutwara mulimoneko olyo namonine opo ayire mukudjonaura nkurumbara, ano limoneko kwakalire yire limoneko linya namonine kuKebari Canali - ano ani were kushipara shande. ⁴ Ano nkenda ya Karunga mpo yayire muudjuni gho oyo ndjira ya heka oyo yaharukiro kuupumeyuva. ⁵ Makura mpepo mpo ya ndjerulire nakuntwara munda ya ndjugho yalipongero. Kengerenu! Nkenda ya Hompa kwayudire mundjugho. ⁶ Mukafumu kwayimanine kuntere yande, aniyuvhu muntu wapeke nka kuna ghamba name kutundilira mundjugho. ⁷ Aghamba kwande shi, ''Mona muntu, eli livango lyashipuna shauhompa na livango lya capa dande da kumpadi dande, oku nganitunda mukatji ka vantu vanu Israeli naruntje. Ndjugho da muIsraeli kapi ngamurenka nka madina ghande gha kupongeka - mbo ndipo vahompa - nalipiro lihuguvaro lyavo ndi navimpu vya vahompa vavo pamavango ghavo gha kuyenda kuruku. ⁸ Kapi nka ngavakaranka vadira kupura lidina lyande lyakupongoka pakutura vilyatero pamavero ghavo pepi nashilyatero sha palivero lyande, nakuheka davo pepi naheka yande, kwato ene ngoli likuma pakatji nande navo. Vadina lidina lyande lyakupongoka na viruwana dona vyavo, ani vadjonaura naugara wande. ⁹ Weno renka vaghupemo lidiro lipuro lyavo na vimpu vya vahompa kumeho yande, makura nganitunga mukatji kavo naruntje. ¹⁰ Mona muntu, ove unakona kuvatantera vandjugho da Israeli kuhamena ndjugho mposhi mposhi vakufe ntjoni kuviruwana vyavo vya umbondo. Vanakona kughayara kuhamena ukaro uno. ¹¹ Mpo ngoli ntjeneshi vanakufu ntjoni kwevi navintje varughana, makura vabubwire rupe rwa ndjugho, vyakuyihamena, ghurupukiro wayo, na maghungeneno ghayo, na marupe ghayo naghantje, na manangwiro ghayo naghantje na veta. Makura vitjange vino kumeho yavo mposhi ngavatulike kumarupe ghayo naghantje na veta dayo nadintje, nakudivulika. ¹² Eyi ndjo ndjenditito ya ndjugho: Kutundilira kuntambo ya kuyeruka ya kundundu na kudimurudi nadintje da kundurukidoko, ngalipongoka unene. Kengerenu! Eyi ndjo ndjenditito ya ndjugho. ¹³ Eyi ngayikara metera ya arutare metera - oyo metera ngayikara ya yifupi na muure munaure. Makura kupura kwa mema kudingilika shidjambero ngashikaro shakudama, ntani mumpatji ngamukara nka metera. Yino ndjugho ngayikara litako lya shidjambero. ¹⁴ Kutunda kuvipereki dogoro pantunda ya livhu dogoro kughuhura wa shidjambero mumetera mbiri, ntani ogho uhura wene ukare metera yimwe mumpatji. Kutunda kuuhura walididi dogoro kuuhura wa unene wa shidjambero, yayo metera ne, ntani kuuhura waunene metera yimwe mumpatji. ¹⁵ Palidiko lya kuvankedera mundiro wa ndjambo ngaukara metera dadire da kutika ku ne, ntani na mbinga ne da kuneya kuwiru ya lidiko lya shidjambero. ¹⁶ Lidiko lya shidjambero kunakara rombiri na mbiri muure ntani rombiri na mbiri muufupi, shikwambangu. ¹⁷ Dimurudi dayo dikare mumetera da rombiri ntani metera ro na ne mukatji kehe muno muhuka dayo, ntani shikerenga shayo shikare mumetera ya mumpatji. Lidiko lya mundiro wa ndjambo likare metera huka nadintje na vilyatero vyako vya kukengera kuupumeyuva. ¹⁸ Vyakukwamako aghamba kwande, ''Mona muntu, Hompa Karunga kuna kughamba vino: Ogho ngo makukwamo gha shidjambero sha paliyuva olyo vashiruwanine, pakuyerura ndjambo oyo vanadjamba kushidjambero, nakumwayerako honde. ¹⁹ Ngamutapa hove da ngombe ashi vitapa vya ndjo ya varuti wa vaLevi ava varuvaro rwa Zadoki, ava ngavaya pepi name mukunkarera - uno ngo umbangi wa Hompa. ²⁰ Makura ngamughupako honde yavo yimwe nakuyitura pambinga ne da kushidjambero na muhuka dayo ne na kukundurukida rema; ngamuyikenite na kushirenkera shikesha. ²¹ Makura kughamba hove yikare ndjambo ya ndjo na kuyishora muruha rwa kuhangura rwa ngereka pandje ya livango lya kupongoka. ²² Makura paliyuva lya uviri ngamutapa shikungwe shakupira mavara shiksre ndjambo ya ndjo, varuti ngavakenita shidjambero yira moomo vakenita shidjambero na hove. ²³ Apa ngamumana likenito, tapenu hove yakupira ruvara mukatji ka ngombe na ndjwi dakupira mulimba. ²⁴ Vitapenu kwa Hompa; varuti ngavavhukumina po mungwa na kuviyerura ashi ndjambo ya kushora kwa Hompa. ²⁵ Munakona kona kuwapayika shikungwe ashi ndjambo ya ndjo kehe liyuva mumayuva ntambiri, ntani varuti navo ngavawapayika hove yakudira ruvara na ndjwi yakudira ruvara kuvindjwi. ²⁶ Vana kona kukandererera kushidjambero mumayuva ntambiri nakushikenita, ntani mundjira yino vanakona kuvitambitira kwavyo. ²⁷ Vanakona kuvimana mumayuva ghano, muliyuva lya untantatu nakumeho ngaliya ashi muruti ngawapayika ndjambo ya kushwakerera na kundjambo yambili kushidjambero, ano ame nganimutambura - uno ngo umbangi wa Hompa Karunga.''