¹ Makura Nkango ya Hompa ayiya kwande, nakughamba, ² ''Mona muntu, dukura vino kuvantu voye; ghamba kwavo, 'Opo nganiyita lighonga lya unankore kukehe livango, makura vantu vomo mulivango navaghupe mukafumu umwe mukatji kanaumwavo nakumurenka ghuye akare mukengeli. ³ Ghuye ngakenga lighonga opo ngaliya palivango, ntani ghuye ngafuda ruvinga mukurondora vantu! ⁴ ntjene vantu ngavayuve liywi lya ruvinga ene ngoli kapi vanakutegherera, ntani ntjene rufuro aruya nakuvadipagha vavo, makura kehe honde ya kehe uno ngayikara pamutwe wanaumwendi. ⁵ Ntjene umwe ayuvhu liywi lya ruvinga ene ngoli kapi ana kutegherera, honde yendi kukara papendi; ene ngoli nange ategherere, ogho ngapopera liparu lyendi. ⁶ Nampili ngoli ntjene mukafumu wakukengera ngakenge lighonga omo linakuya, ene ngoli nange ghuye kapi ana fudu ruvinga, muvitundwamo ovyo vadilire kurondora vantu, makura lighonga ngaliye nakuyashimba liparu lya kehe umwe, ngoli nganitondora honde mu mukafumu wakuvatakamita. Ghuye ngakatika honde yendi kwa mukafumu wakukengera.' ⁷ Weno ove naumoye, mona muntu! Ame nakutura ukare mukafumu wakukengera mumundi wa Israeli; ove ngauyuvha nkango mukanwa kande na kuvarondara mukunkarerapo. ⁸ Ntjene ghuye aghana muntu waukaro dona, ukaro dona umwe, ove kuvhura kufa ushiri! Ene ngoli ove kapi unapukurura vino mukuvarondora va ukaro dona kuhamenako ana tamba, makura ghuye ogho waukaro dona ngafera mundjugho yendi, ene ngoli ghuye ngatikita honde mumaghoko ghendi! ⁹ Ene ngoli ove, ntjene ove warondora vaukaro dona kuhamena ko ana tamba, mposhi ghuye kuvura ngavyuke muruku kuhamena kwavyo, ntjene ghuye kapi ngakavyuka muruku oko ana tamba, makura ghuye ngafera mundjugho yendi, ene ngoli ove panaumoye ngaupopera liparu lya naumoye. ¹⁰ Mpo ngoli shi ove, mona muntu, ghamba kuvakamundi wa Israeli, 'Ove kuna kughamba vino, ''Ushiri wetu wakutikiliramo na ndjo detu papetu, ntani atwe kuna kudjumina papavo! Weni omo tuparuka?''' ¹¹ Ghamba kwavo; 'Mpopa nakupara - uno ngo umbangi wa Hompa Karunga - ame kapi natambura mfa dava vaukaro dona likuyuvo lya mukukushiura, makura ghuye ngaparuka! Kushighurenu! Kushighurenu mutunde kumaukaro dona ghenu! Mukonda yanke yo ngamufera, mundi wa Israeli?' ¹² Mposhi weno ove, mona muntu, ghamba kuvantu voye, 'Ghuhungami wa muntu wa ghuhungakapi ngaumuyoghora nange ngadjona! Undjoni wa mukandjo wa muntu wa mudona kapi ngaumuyitira ghuye mfa ntjene ghuye akushighura kundjo yendi! Mbyovyo shi muntu wa muhungami kapi ngavura kuparuka nange adjono. ¹³ Ntjene ani ghamba ghuye kwara ushiri, ''Ghuye ushiri ngapara!'' ntani ntjene ghuye ahuguvara muuhungami wendi wakupikanena ntani makura kukuwapayikira kutekura, ghuye kapi ngayita kushinka sha kehe ghu kuushuri wendi wakupitakanena. Ghuye ngafera undjoni wendi ogho adjonine. ¹⁴ Mpo ngoli shi ntjene ani ghamba kwavo ukaro dona, ''Ove ngaufera muushiri,'' ano ngoli ntjene ghuye likuyuvo lya ndjo dendi ana ruwana mughuhunga - ¹⁵ ntjene ghuye mukutulikita makongo awedereko ogho matokoro gha ukaro dona mukupangera, ndipo ntjene ghuye aruwana shininke nawa kwasho avakire ghuye, ntani ntjene ghuye ayendi muveta oyo yatapo liparu ntani mpindi weni ngakuwapayikira ndjo - makura ghuye ushiri ngaparuka. Ghuye kapi ngafa. ¹⁶ Kwato ndjo odo anatura ghuye ngava kamuvurukita mwene. Ghuye kwamonikire kutwara mughuhungami, ntani mposhi, ghuye ngaparuke ushiri! ¹⁷ Ene ngoli vantu voye kughamba shi, ''Likushighuro kwa Hompa kapi lya shetakana!'' ¹⁸ ano ngoli olyo likushighuro lyoye ndyo lina diro kushetakana! Opo ushiri muntu ngakushighura kuuushiri wakutikiliramo nakutura ndjo, makura ghuye ngafera mwado! ¹⁹ Opo ngaukakushighura ukaro dona utunde kuudona na viruwana vya kutwara na ushiri, ghuye ngaparuka mukonda yavyo vininke! ²⁰ Ene ngoli anwe vantu kughamba shi, ''Ndjira ya Hompa kapi ya shetakana!'' Ame nganifutita kehe unokutwara kulikushighuro lyendi, mu mundi wa Israeli!''' ²¹ Kwashorokire mu mwaka wa umurongo naviri, muliyuva lya utano mu kwedi kaumurongo ya nkalito yaunkwati wetu, mpo muheni umwe andjelilire kutundilira kuJerusalemu na kughamba, ''Mbara vanayikwata!'' ²² Maghoko gha Hompa papande gha kalire kungurova kumeho yamuheni aye, ntani kanwa kande kayashukire muruvede oro ayire kwande kungurova. Mpo ngoli kanwa kande kayashukire; kapi nakalire nka shiporepore! ²³ Makura nkango ya Hompa ayiya kwande, nakughamba, ²⁴ ''Mona muntu, ovo vapukito livango pakutunga mushirongo sha Israeli na kughamba ntani nakughamba ashi, 'Abrahamu ndje tupu muntu, ntani ghuye apingire livango, ene ngoli atwe tuvangi!Livango olyo avapire kwavo vawekerepo.' ²⁵ Mpo ngoli ghamba kwavo ashi, 'Hompa Karunga anakughambo vino: Ove kulya honde, ntani ngamuyerura mantjo ghenu kumeho ya mafano, makura ove aghu tere honde ya vantu pandje. Ushiri anwe ngamughupa shirongo? ²⁶ Anwe kwahuguvara marufuro ghenu ntani mwaruwana vininke vya vidona; kehe uno mukafumu kunyatikita mukamali wa maparambo ghendi. Kuvhura shiri ngamughupe shirongo?' ²⁷ Ove ngaughamba kwavo ashi, 'hompa Karunga ana kughambo vino: Momo nakuparuka, ushiri vamwe vakupukita ngavawera kulighonga, ntani ame ngani tapa shirongo kuvinamwenyo vakare ndya, ntani ovo vaunankondo pa livango na mundjugho da mulivhu ngavafa kulihamba. ²⁸ Makura ame nganivyuta livango mushirongo sha kudjonauka na kutjilita, ntani limoneko lyalyo kuvhura ngalishaye, dado ndundu da Israeli ngadikara mburundu, ntani ovi ngavikara kwato umwe wakuvapita mukatji kavo.' ²⁹ Mposhi vavo ngavayiva ashi ame Hompa, opo nganidjonaura livango ntani nakulirenka likare lya lidona mukonda yamashwauro naghantje ogho varuwana. ³⁰ Mpo ngoli shi weno ove, mona muntu - vantu voye kuna kughamba vininke vyakuhamena koye mumakuma na pamaheka gha mandi, ntani kehe uno kughamba kwaunyendi - kehe mukafumu nange dogoro kwa muunyendi, 'Tuyendenu na kukategherera ku nkango da Hompa odo dina kurupuko mukanwa kamupumbi!' ³¹ Mpo ngoli vantu vande ngavaya koye, shika moomo varughananga, nakuyashungira kumeho yoye kumwe nakuya tegherera nkango doye, ene ngoli vavo kapi ngava vilimburukwa. Nkango da ushiri mpodili mutunwa twavo, ene ngoli dimutjima kuna kuyenda kulinyokomeneno viyeramo. ³² Kukoye ve yira rushumo rwa shihoro kukwavo, liywi lyaliwa olyo vadana nawa pa shikitsrs, mposhi ngava tegherere kunkango doye, ene ngoli kundereko umwe wavo ngadilimburuko. ³³ Mpo ngoli shi opo ngavishoroka navintje vino - kenga! ngavishoroka! - ntani ngavayiva ashi muporofete mo akalire mukatji kavo.''