¹ Makura nkango ya Hompa ayiya kwande, nakughamba, ² ''Monande, ghamba kwa mupangeli wa Tyre, 'Hompa Karunga nakughamba vino: Mutjima woye wakukufa! Anwe ghamba shi, ''Ame Hompa! Ame nganishungira mushishingiro sha Karunga mumutjima wa lifuta mpindi ngoli ove mukafumu kapishi Karunga, ove mutjima ghoye yira wa Karunga; ³ ovekughayara shi wakotoka kupitakana Daniyera, ovyo kwato kumwaka odo dakapito ve! ⁴ Ove wakungawopita naumoye naukonentu na uyivi, ntani wakara na ngorodo na shiliveli muvitulikiro! ⁵ Muukonentu wa unene ntani namungeshefa yoye; ove wavhukita ungawo woye, mposhi mutjima woye kuvhuruka mukonda ya ungawo woye. ⁶ Mpo ngoli, Hompa Karunga ana kughamba vino: Mukonda ove watura mutjima ghoye yira mutjima wa Karunga, ⁷ ame mpo ngoli nganikuyitira vantundavirongo vanankore koye, vakafumu vakutjilita vamuvirongo peke. Vavo ngavayita marufuro ghavo unankore na uwa wa uyivi ghoye, ntani nakutundakana viyendera vyoye. ⁸ Vavo ngavakutuma ghuurumuke kulikwina, ntani ove ngaukafera momo mfa da mbovo vafeliliro mulifuta. ⁹ Kuvhura ove ghu ghambe ushili, ''Ame ni Karunga'' Kushipara shaumwe wovo vakudipagho ve? Ove mukafumu kapishi Karunga, ntani ngukara mumaghoko ghovo vakulitango ve. ¹⁰ Ove ngaufa mfa dovo vadira kuruwana vya vamba mumaghoko gha vantundavirongo, mbyevi shi ame navimbangipara - uno ngo umbangi wa Hompa Karunga.''' ¹¹ Nkango ya Hompa Karunga shimpe ayiya nka kwande, nakughamba, ¹² ''Monande, yerura lirwakani lya hompa wa Tyre nakughamba vino kwendi, 'Hompa Karunga kuna kughamba vino: Ove kwatundakana vahungami, vayuro ghuyivi na ushiri wa uwa. ¹³ Ove kwakalire muEdeni, mushikunino sha Karunga. Kehe liwe lyakuvembera lyafika ove: ruby, topaz, emerald, chrysolite, onyx, jasper, sapphire, turquoise, na beryl. Muvipungwiro na mandundu gho varuwana kungorodo. Vyakalire muliyuva lyo vakushitire ovyo kwa vikuwapayikilire. ¹⁴ Anikutura pandundu ya kupongoka ya Karunga yira vishwa anikukwiti mukukengera vantu. Ove kwakalire mukatji kamundiro wa mawe kuhamenako wayendilire. ¹⁵ Ove wakalire naushiri wamulyo mundjira doye kutunda liyuva olyo vakushitire dogoro unankondo aghukuwana ve. ¹⁶ Kukwama moye kupitakana kuwederera ove kakutulire wa kudjonaura ndi kudipagha, ntani ove wakutura ndjo, mposhi ame nakukuvukuma ve pandje ya ndundu ya Karunga, naumweshi ogho varera kuwenga wenga, ntani ghuye amudjonaulire, vishwa vya mutondo, na kukushinga mukatji kamawe gha mundiro. ¹⁷ Mutjima ghoye kuvhuruka na uwa ghoye; ove wadika uyivi ghoye mukonda ya shikapa kapa shoye. Ame ngnikutuma ghu urumuke palivhu. Ame nakutulire kumeho ya vahompa mposhi vakumone. ¹⁸ Mukonda ya ndjo doye dingi ntani kwato ushiri mukukuhamitira, ove wadjonaura mavango gha lihorameno. Mpo narenkire mundiro ghutunde mwenu; vyavyo ngavi kunwa na kukulya po. Nganikuvyuta kumbundu pa livhu mushishwi sha navantje vo vakukengango. ¹⁹ Navantje vakuyiviro mukatji ka vantu ngavakara mulyo koye, ngavivaghupa mukumo, ntani ove kapi ngaghukarererapo.'''' ²⁰ Makura nkango ya Hompa ayiya kwande, nakughamba, ²¹ ''Monande, tura shipara shoye unankore mumbara ya yinene ntani unankore kwendi kovyo ngavishoroko kumeho. ²² Ghamba, 'Hompa Karunga kuna kughamba vino: Kenga na kungonona! Ame nimunankore wenu, Sidoni! Mbyevi shi ame umwe wakukukarera mukatji kenu. Makura ntani ngamuyiva ashi ame Hompa opo nganitura lighano lya kutekura umwe. Ame ngani munegheda mwakuhora Karunga mu moye. ²³ Ame nganituma mauvera mumwasho na honde ya mundjira dayo, ntani lidipagho ngaliwera mukatji kasho. Marufuro ngaghaya ngaghayakare unankore koye kunavintje vya kukundurukido, ntani ngavayiva ashi ame Karunga. ²⁴ Makura kapi ngapakara mundi wa vitondo na tjutju ya miya mumundi wa Israeli kutunda kunaghantje amukundurukido, ano ngavayiva ashi ame Hompa Karunga!' ²⁵ Hompa Karunga kuna kughamba vino, 'Opo nganipongeka lipata lya Israeli mukatji kavantu ovo vakuhanguro, ntani opo nganivahangura, mposhi shirongo shimone, makura vavo ngavaruwana mandi ghavo mulivango olyo ngavatapa kwa mupititi wendi Jacob. ²⁶ Makura ngavatunga mukuwapeka pashirugho ghuye nakudika mandi, vitondo vya kukupatirikida, nakuwapeka pakutunga opo ghuye lighano kunavantje ovo vayivo linyengo lya vantu navantje vanakaropo; ano ngavayiva shi ame Hompa Karunga!''''