¹ Nazvinezvo, hacuchilibe cupassiwa mulandu kuna wale walimuna Djesu Kristu. ² Nathangwe mutemo wamuzimu wa upenhu wa Kristu Djesu yudandiphuthumula mu mutemo wachinyangazi futi mwacufa. ³ Nacuti zvikakala nkabe kukwanissica cuitiwa mutemo pacugombessiwa nsimba kwawo namunhu we chinyangazi, Mulungu adazvita. Iye adatuma mwana wache tchaiye na mutsazanisso wanyama yacunyangaza, pacuti hakale nsembe yachinyangazi, cuti iye adaphanicha zvinyangazi na nyama. ⁴ Iye aita izvi pacuti cululama cumadiwa mutemo cupareguiziwe muna ife cuti nkabe kufamba muxoma, apo muzimu. ⁵ Iwo cuti wanakala munyama kalani mpole mpole na zvinhu zvamunyama apo iwo cuti wanakala mu muzimu, na muzvinhu zvomuzimu. ⁶ Nacuti cufunga kwamunhu wachinyangazi ndico kupa, apo cufunga kwamunhu wa muzimu ndiwo upenhu futi na mutendere; ⁷ Nathangwe cufunga kwamunhu wechingazi cunazonda Mulungu, nacuti hacuzviki pansi pamutemo wa Mulungu, futi nkabe kukwanissa cuita. ⁸ Iwo cuti wali munyama hawadekedzi Mulungu. ⁹ Pazvense, imwe hamutongwi na nyama, apo mu muzimu cana muzimu wa Mulungu ungakala munaimwe. Apo cana wenango halibe muzimu wa Kristu, nakali na iye. ¹⁰ Cana Kristu ali munaimwe, mwiri udafa nacuda kwa chinhangazi, apo muzimu wanu ndimupenhu nacuda kwaculalama. ¹¹ Cana muzimju waiye adamutsa Djesu mwacufa unakala muna imwe, iye cuti adamussa Kristu mwacufa achapassambo ponho upenhu mumwiri vamoyo yacufa nacuda na mizimu wache, cuti unakala muna imwe. ¹² Na dyalo, wabale, ndife wamongawa apo nkabe wanhama, cuti titsanzae nacuda kwainada iyo. ¹³ Nacuti, cana mukakala munyama, muchafa, apo cana muchikala mumuzimu munalaya mabassa yanu yacunyanhala yamwiri, futi muchalalama. ¹⁴ Nacuti hawo cuti wana kweiwa na muzimu wa Mulungu wenewa mbana wamjulungu. ¹⁵ Nathangwe namuna cutambira muzimu wanyabassa cuti mutyiye wabassa wacutya, apo mudatamnbira muzimu wacuitiwa, ule wathu tinoda nawo: "Abba, bambo". ¹⁶ Muzimu chaiwo unapupulilana na muzimu whathu cuti ndife wana wa Mulungu. ¹⁷ Cana ndife wana ndife pondo wasanculwi, wassanculwi wa Mulungu, futi tudzakwanissembo cucunda pabhodzi naiye Kristu, cana na zvinezvo tichibonera pabhodzi pene naiye mkuitira cuti tidzakwanissemnbo cucundawo naye pabodzi pene. ¹⁸ Nathangwe ndina kukocherano cuti cubonera kwamu pangani ino halibe cudeca na cutsazanissiwa na nsimba ichadzapanguiwa cunaife. ¹⁹ Nacuti zvacusikiwa zvinadzaonekiwa maningui zvichiyemera cupanguiziwa cuna wana wa Mulungu. ²⁰ Nathangwe zvisikwa zvidaikiwa pansi nacuzungaira maningui, na culeca cuda kwazvo, apo nacuda iye adazvikapansi pacuzungaira muhuthembi ²¹ yacuti zvisikwa pachazvo zvichadzaphumurwa pansimba cuna wana wa Mulungu. ²² Nacuti tinadziwa cuti zvense zvisikwa zvinabwerira nacuc onziwa mwana cuswica pangani ino. ²³ Nkabe base iye, apo ponho ife, cuti tina missapho yacutama ya muzimu tichibwirira mucati tichiyemera maningue cuitiwa kwathu wana, kwoneku cuvumulirwa kwamwiri yathu. ²⁴ Nacuti nacuthemba kwathuci tidaponessiwa. Apo thembi yathu haissi thembi yazvense. Mbani analinguisira chinaiye kale? ²⁵ Apo cana tina thembi yachinhu chathu tilibe, tinachiemera na cushinguirira. ²⁶ Nazvinezvo, muzimu pondo unatitessa nacuneta kwathu. Nacuti atidziwi tina namata tani, apo muzimuyo chaiwo unatinamatira nacubwirira kwathu cusingapanganidziki. ²⁷ Iye, cuti anaona moyo, unadziwa nzeru za muzimu, nathangwe iye ananamatira wadachena, nacuda kwa Mulungu. ²⁸ Tinadziwa cuti zwense zvinhu zvinaitira zvacudeca cuna iwo cuti wanoda Mulungu cuna wale wadadaidziwaa ninga zvidafunga iwo. ²⁹ Nathangwe hawo cuti wadawadziwa cale, iye ponho adawa tchemera cale cuti ndiwa wache adadaidza . Watsazane na mutsazanisso wamwana wapale wache, lacuti iye akale dangwe pacati pamutithi wabale. ³⁰ Cuna wale cuti wale cuti wada tchemerwa, ponhi na wadadaidziwa. Wale wawadaidza, ndiwo wadagombissiwa mulandu wale wadagombessiwa mulandu, ndiyo wadakodza iye. ³¹ Zvinopano tinoti tani pazvinhu zvenezvi? Cana Mulungu ali cukundu lathu? ³² Iye, cuti alibe culamba mwana wapale wache, apo adamupereca letu na cuda kwathu ife, analamba tani cutipassambo letu pabodzi pene naiye? ³³ Mbani anapassa mulandu wale wassankuliwa na Mukungu? Mbani anawaphanisha? ³⁴ Kristu ndiye adafera ife, futi maningui cuti izvi pondo adamussiwa. Iye ali cumadiyo kwa Mulungu, futi iye pondo anatinamatirambo na ife. ³⁵ Mbani anatiwuza mucudana Kristu? Cubonera, cana nhamo, cana cuboressiwa, cana nzara, cana cugambo zvacutsimira, cana ngozi, cana muti? ³⁶ Ninga zvidanembiwa:" na cuda kwanu tinalinguisana nacuda nsicu zense. Tidaitiwa ninga mabira anadicana cuphaiwa". ³⁷ Pazvenhu izvi zvense, ndife wacucunda nacuda kwaule cuti adatida. ³⁸ Nacuti ndinadziwa kwazvo cuti penango cufa, cana upenhu, cana nguirozi, cana madimoni, cana, nazvinopano, cana zvinadzanya, cana nsimba zipi zvazo; ³⁹ Cana cuda kwirira, cana cudadzica, cana chinhu chinangombo zvacho pazvisikwa zvense, nazvingakwanisse kutimwazanisa mucudana kwa Mulungu, mulicuna Kristu Djesu Changamire wathu.