¹ Nazvinezvi, zvathu tinasowa mulandu nacutenda, tina mutendere na Mulungu cubuda naiye Changamire Djesu Kristu. ² Nacuda kwaiye, ponho wathu tidaona zvigingi na cutenda, na nsisi zinezi tidaimira na nsimba. Futi tinafhansa na cuthemba cuti tina fhansa naye musimba za Mulungu. ³ Nkabe zvinezvi zvoka, apo ponho ife tinafhansayo mucubonera kwathu, tichidziwa cuti cubonera cuna uyiso cushinguirira; ⁴ Cushinguirira cunauyosa unku; futi unhu unauyisa cuthembeca kwacumberi. ⁵ Cuthembeca hacureyadzissi, nathangwe mucudana kwa Mulungu cudaoneca ne wacuchena, ule udatipa iye. ⁶ Munaona, pangani yathu ikali ife wacuneta, Kristu adafira wahedeni mungani, chaiyo. ⁷ Nathanbgwe azvidzaitiki cuti munhu bodzi afire wacululama; Penango zvawo munhu aesere cufira munhu wacudeca. ⁸ Apo Mulungu anapanguiza ludo cuna ife, nathangwe Kristu adafira ife, tikalr wanyangazi. ⁹ Zvinopano, cuti ndife wamilandu mugazi lache, tinaponessiwa naiye cubuda kwacunyangarirwa kwa Mulungu. ¹⁰ Nacuti ife yathu tikale wazondwi wa Mulungu, tidaonessiwa nayo zvichibuda na lufu la mwana wache, maningui letu cupinda kwacuonessiwa, tina ponessiwa na upenyu wache. ¹¹ Nem zvinezvi basi, apo ponhu tinafhansayo na Mulungu nacuna Changamire wathu Djesu Kristu, pacati wathu tatambira chinchino na cuonessiwa. ¹² Nazvinopano ninga chinyangazi chidapinda pansi pano nacuda munhu bodzi, na cudyaloco lufu lidapinda nacuda kwachinyangazi. Futi lufu lidamwazica cuna ewanhu wense, nathangwe wense wadanyangaza. ¹³ Nacuti mutemu hausati wapassiwa, chinyangazi chikalipo cale pansi pano, apo chinyangazi achiwerenguiwi palibe mutemo. ¹⁴ Na dyalo, lufu lidabata cubuda na Adamu cuswica pangani ya Mosisi, panango padzaulu pawale walibe cunyangaza nacuthatha kwache mutemo Adamu, cuti akali mutsazanisso waule cuti achadzauya. ¹⁵ Apo, pode tenepa chipo chacupassiwa mahala achitsazani nacuthatha mutemo. Nacuti cana wazingi wadafa nacuthatha mutemo kwamunhu bodzi, mazingi nsisi za Mulungu futi na vchipo chidauya na nsisi za munhu bodzi. Djesu Kristu zida thulererwa wanhu wazingi. ¹⁶ Nathangwe chipo cha Mulungu achina cutsazana na mutemu wechinyangazi cha munhu bodzi adanyangaza. Nacuti, cutongwa cudauya na chinyangazi cha munhu bodzi basi, apo pakundo linango, chipo chacupassiwa mahala chidauya pambderi pa zvinyangazi zvigingi, futi pacusowa milandu. ¹⁷ Nacuti, cufa cudabata nacuda kwa bodzi na chinyangazi chabodzi basi, cuna maningui wale cuti wadatambira nsisi zigingi futi na chipo chacupassiwa mahala chacululama, uchabata upenyu nacuda bodzi Djesu Kristu. ¹⁸ Nazvinezvo, wanhu wense wadapassiwa mulandu nacuda munhu bodzi. ¹⁹ Ponho nazvinezvinezvombo nsacuda kwachinecho chidaitowacho chocululama, cusowa mulandu cunauyisayopenhu cuna wense wanhu: Nacuti ninga wazingi wadaitiwa wanyangazi na munhu bodzi basi, wazingi wadakala wacunyangaza, na shebo weneyi nacuba kwaculeca cutewerera kwabodzi, nazvinezvombo wazingi wachatiwa cululama. ²⁰ Apo mutemo udaikiwa cuti cuthatha cuwande. Apo zvinezvi pana wanda zvinxangazi, nsisi zina wanda maningui nacupindiriza. ²¹ Izvi zvidaita cuti nazvibodzibodzi cuti chinyangazi chidabata mulufu, natenepombo ponho nsisi zibatembo umambo cubuda na cululama, cuti zinyise upenhu wacwenda na cwenda na cuda Djesu Kristu, Changamire whathu.