¹ Nyamunsi ife, tina nsima, zvinadikana kudzusa kugodoka kuna haawana nsima, ese zvitchilamba kudekedza ife pano. ² Kuna bodzi na bodzi wagthu apfaanse na mugalisani watche na zvoizvo mpswamuche kuti zvisimbiseyo iwe. ³ Na Kudyaloko Kristu haana kudekerwa patchatche, ese, na zvidabembwa zvichiti: Kutukana kwayo watuka muzva kunyangala zvitchagwira padzaulu pangu. ⁴ Nadyalo zvense zvidanembwa kale, zvidanembiwa kuti ife tipfunze, natchikhupirira na kuda kwa usisi ese na kuchingaira muzvakunembwa, tigare na kuthemba. ⁵ Ese Mulungu wantsisi na wakuchingirira akupasani wakukhala nanzeru ibodzi bodzi kuna bodzi zvitchindelana na Kristu Djesu, ⁶ kuti tikwanise kunamata fala libodzi basi la Mulungu baba na Changamire wathu Djesu Kristu. ⁷ Nazvoizvo tambilani mbodzo na bodzi ninga Kristu adakutambilani, kuti mbiriya Mulungu ikule. ⁸ Nazvoizvo ndinaçanga nditchiti: Kristu adaitiwa mutumikiri akheimerera kupanguiza zvachadi zva Mulungu, kuti asimbise zvidadumbirwa na mazdibaba, ⁹ ese kuti wanhedeni walumbidze Mulungu, na kuda kwa ntsisi zatche, Ninga zvidanembwa, kuti: ''Na kudyalo ndinadzakupasani mbiri pakati pamahedeni, ese ndikuemberani nyimbo zaku kulumnbidzani dzina lanu." ¹⁰ Esezve ndinati: "Pfansani imwe, mahedeni na mbumba yanu.  ¹¹ ''Ese katchiwiri nditchiti: lumbidzani tchangamire wanu imwe muzense mahedeni; lumbidzani iye, na mbumba ense". ¹² Ese izaya adalanga atchiti kana kuti alikuti: "Muzi idakuyese, utehamuka kutiyatonge padzaulu pamahedeni, mwaiyo, mahedeni wachadzakala na ichikhulupiriro''. ¹³ Nyamusi Mulungu watchikhulupiriro ngaakudzazane na kudekerwa kwense ese na ntendere pakutenda kwanu, kuti mukhale natchikhulupiriro ma tsimba za muzimu wakutchena. ¹⁴ Ine mbune ndinazidziwa, wabale wangu, kuti imwe patchizvanu mukhale wakudeka, ese, na kudziwa kwense penu kuti nzeru. Ndiri kuzvidziwa kuti mulikukwanisa kupfunzisana kuna bodzi na bodzi. ¹⁵ Kudyalo, imwe ndakunemberani na kuchinga padzaulu pazvinango zvinhu, na cuda kwa kutsalakananizve na thangwe la tchipo tchangu ndidapiwa na Mulungu, ¹⁶ kuti ndigale nyambasa wa Kristu Djesu adandituma kuna wa hedeni, kuti andipercke ninga nyansembe wa vangeri ya Mulungu. Zvinadikana ndiite zvinezvo, ese, kule sembe za wahedeni zitambirwe, zhidatcheneswa na muzimu wa kuchena. ¹⁷ Nadyalo, ese, ndinazvilumbidza muna Kristu Djesu muma kabupwa hangu kuna Mulungu. ¹⁸ Na zvoizvo handilangi zvinango zvenhu kunza kuna zvedaitiwa na Kristu, kubudira kuna ine mwemeri wa wahedeni, kuti watetekere Mulungu na kuda na zvakulanga ese na zva kuita. ¹⁹ Na nsimba ya zvizindikiro na zvakushamisa, na nsimbsa ya muzimu wakuchena; nadyalo, kubuda ku Jelusarema kuswikira kwense kudziko lidazengerera, kuswikira ku ilirika ndidaparidza zvadi vangari la Kristu. ²⁰ Na moda uneyi nakuda kwangu kuna ita kuti ndipalidze vangeri, nadyalo uko hakunaba kulonguiwa na zvadzena la Kristu, kuti ndire kudadzira padzaulu pakutomera pa unango munhu. ²¹ Ese ninga zvidanembwa kuti: "Hawo wakuti hasina kubvumwa warcha ona; na wale hawalibe kubva watchabvesesa". ²² Na zvoizvo, ndidadziwiswa kazinji kunja imwe. ²³ Ese kudyalo hapatchina mbuto ya ndingazewenza mumitunhu yii, kana paina makole mazinji nditchida kunja kuna imwe. ²⁴ Nakudyaloko, pangu ndida enda ku Espanha, ndida emera kuku onane pa kupinda ese mu tchi ndi kwenda ndimwe, mumabure mwa kunge mwandi perequeza paneuwa eneiyo. ²⁵ Nadyalo ndire paulendo wangu kuenda kudjerussarema kufamnbira watswene ne wali kweneko. ²⁶ Nadyalo ku Macedonia na ku Akaia wakhana matswani pa kuita tchibodzi tcha mutsokho kuna walombo kubudira ku wa tswene wa ku Djerussarema. ²⁷ Wada funga dyalo na thangwe, kuti iwo waite izvozve, ese mahedeni wada wana pa zvinhu zva muzimu wa ma Juda, zvina dikana kuitwa pa zvinhu zya midziwo ya dziko lino. ²⁸ Nadyalo, mumasura pa ndanga ndapeza kuita basa yilore; ese kuti ndaawona kuti watambirsa mubairo uyu, nditchapinda na pana imwe, ndi tchienda ku Espanha. ²⁹ Ndina dziwa kuti, kana nditchiuya na huna, imwe nditcha uya na makomborero yakudzala muna Kristu. ³⁰ Ese kuna imwe wabale wangu, ndina kumbira zvikulu kuna Changamire wanhu Djesu Kristu. Ese kuna ludo, la muzomu, kuti tipoke pabodzi pene na ine pa minamato yanu, kuna Mulungu pamulo wangu. ³¹ Namatani kuti ine ndirenerewe kuna wale tetekeri mu Judeu, ese kuit ubitchu wangu kuna wa Jerusalema kuti zvinderwe kuna wanya kulungama; ³² Kuti ndi uye kuna imwe na kuderwa nakuda kwa Mukungu, ese kuti ndidza wone kupuma pabodzi na imwe. ³³ Mutendere wa Mulungu yugale kuna imwe mwense Amem!