¹ Paulo, nhabassa wa Djeso Kristu, wa cudaidziwa cuti aite muphostoli, wacunsankuli wa muvangueri la Mulungu, ² Wacuti hie handa thembesa nangira hia muprofita muzwi nelanembwa jwichena, ³ achikodza mwana wache, wacuti andauia mudzindzala Davidi panhama, ⁴ na wamuca kwawadafa, ie handadaidza wanthimba mwana wa Mulungu na muzimu wa Mulungu, Djeso Kristu, Chamngamire wathu. ⁵ Nacuda kwaie, ife tinakatambira mahala na upostoli na cutewerera cutenda cuna dzidza, na thangwe la dzinalache. ⁶ Panadzindza haia, imweo munadaiziwa cuti muite wa Djeso Kristu. ⁷ Mwentse imwe, wacudiwa na Mulungu wacuti muli ku Roma, wacuti mudadaiamadziwa cuti muite wacuchena: mahala hamutendere, Changamire Djesu Kristu. ⁸ Chacutoma, ndinatenda Mulungu wangu, pabodzina Djeso Kristu, apo na mwentse imwe, thangwe cutenda kwanu cunalonguiwa pentse pantsi. ⁹ Apo Mulungu, wacuti ndinasewendzera mumuzimu wangu la vangyeri la mwana wache, ndimudairiri wangu wacuti zwinahirindzarwa na ita basa la imwe ¹⁰ muminamato iangu, cucumbira cuti, na muchobo upi zwao, na kuda kwa Mulungu, ine ndicumutsireni. ¹¹ Thangwe ndinada kucuonani, cuti ndigowone ndimwe zwinango zwamuzimu, cuti zwicupeni tsimba, ¹² izwi ndizwo, cuti cazindji zwicupeni tsimba, na thangwe lacutenda kwabodzi na bodzi, kwanu na kwangu. ¹³ Apo andidi wabale, wangu ndidalamba wa cuti cazingi ndikada kwenda cacumussani imwe (apo chinchino ndiriculambiziwa), na kuda cuti ndipuse pakati panu chibereko chibodzi, ningaizombo pacuti pawazingi mahedene. ¹⁴ Ine ndine nhacufiari mukulu cuwa gerego na cunawanhacuyuya, podi cuna wanadziwa na wana pwaza. ¹⁵ Ndipoba ine, ndidagadzirira cumwaza masocoba cuna imwe muli cu Roma. ¹⁶ Thangwe ine handinhali na vangueri, nacuti iro nintsimba ya Mulungu hiyacuenessa wentse ule hanatenda, wacutoma ndima Judeu pedzesere grego. ¹⁷ Thangwe munaie muna utongi wa Mulungu uchionerwa, cutenda na cutenda, ning zwida nembiwa: ''Wachandico achadzauia na cutenda''. ¹⁸ Nathangwe lacunyangalirwa kwa Mulungu cuna budira cudzaulu cuchipisana na zwentse zwaculamba cukala chadiko cuna wenewale cuti wanalambiza chadico na pacati paculamba chadico, ¹⁹ apo ndizwipi zwinadziwica zwa Mulungu alipandecha cuna iyo, apho Mulungu ambawa urira. ²⁰ Thangwe, uculu wache hanonequi, cagingi cache mu chobo wache gwachigaliro, cunakandaidzirwa zwikaitica cubudira pacu gadziriwa kwa dzico, zwichibudira pha zindu zwindasiwiwa. Ndipo, iyo hawalequereriwi. ²¹ Apo podi wadziwe na zwangu, hawana cumucuza.Kudza kwazenezwi, wadagala madzegunde mudzeru zao, ida gala iya cuswipa. ²² Cutenderwa aite mudziwisisi, wadagala madzegude. ²³ Iyo wada chinja cudziwa kwa Mulungu hacuiti na chimiro chacuihamba na munhu wacunyangala, apo niguchimbalame, chamwendo mirai na zira kabadza. ²⁴ Napenepo Mulungo hadacupani kundekerwa mumoio mwanu cuti muende kwaule, cuti wazwipise muwiri hiayo, ²⁵ napenepo wadachinga chadico cha Mulungu na kupwata, cuti wachinamata na cusewendzera chaisikiwa pambuto iya, hiya nhawchica, wacuti ine alimuche na hacuoeri. Amem. ²⁶ Nathangwe hiri, Mulungu hadawapasa kudekerwa kwacunhazisiwa, apo, pambodzi na wakadzi wao wada chinja kuverena kwao kwamucuti nawenango wakuti wadasia na namakalirwe ayo iyo, ²⁷ na wamunambo wandasia kuverana kwakale na wakadzi wadaenda cuida zwinhadzi uyu na uyu, mwamuna na mwamuna, watchita haziitiwi wachitambira iyo mupharichi na zwao wali kuita. ²⁸ Kuti wanhozere cudziwa kwa Mulungu, iye wene Mulungu uyo hadawapa cufunga kwakunyangala, cuti waite zwinhu hazwina kutenderwa. ²⁹ Muda dzala na entse laki hiacugoba chadico, cunyanhangaza, kusirira na kunyangala; tolo na manyangalirwa, nkabe kupindirana, kubirana na zwinango zwacuda; ³⁰ mbanhakupwata, wanhamatwenda, wanyamarwa wa Mulungu, wanyacuponya, wanya macuzi, wanha kuzicuza, wanyacufunguira zwa cunhanyangala, wapwaji wamutemo, ³¹ zwiribe ndzeru, wanyaculamba chadico, hapana zwinaita iyo, nkabe tsisi. ³² Iyo wanadziwa kutonga kwa Mulungu, wacuti weneule anaita zinhu izi anabasi wanazwiita, apo iyo wanaphasisao wanazwita.