¹ Napenepo, wamambo wentse kuti wakhalalama kun'gambu yaDjorodani, kumbuto yamabango na muthambe mumherera mwa bala Likulu, kwenda ku Libano, wamambo wa heteu, wa amoreu, wa kananau, wa perizeu, wa heteu na wa jebuzeu wadadziwa izvi, ² ese wadakhanhana, pabodzi, kuti waswage kukhundira Djochuwa na Iziraeli. ³ Apo, pawo wagali waku Gibeani wazva zvidaita Djochuwa kuna djeriko na Ai, ⁴ iwo wadagwenga zvakunyangala. Wadatuma wanyamasoko, kuti wadatola masakh yakale padzaulu pa madonki yawo futi wadatola vinyu mumudziyo wakale, wakusenzesiwa futi wakun'gambika, kuti zvikhada djediwa. ⁵ Iwo watsimira chango zakale futi zikhana tchigamba pantsoka, ese wadatsimira nguwo zakale futi zakun'gambika. Zentse pawu zawo wakhada uysa zikhadawoma futi zakubvunba. ⁶ Napenepo, iwo wadaenda kuna Djechuwa pa musasa kuGilgali ese kuna iye na kuna wamuna wa Iziraeli: "Ife tawuya ku mutunhu wakutali; napenepo, itani lubatano naife". ⁷ Wamuna waIziraeli wadalanga kuna waheteu: "Penango imwe mugale paduze na ife. Tinaitatani lubatano na imwe?". ⁸ Iwo wadalanga Djochuwa: "Ife ndife wanyamubasa wako". Djochuwa adawabvunzisa: "Ndimwe wani imwe? Mulikubuda kupi?". ⁹ Iwo wadadaira: "Wanyamubasa wako wabuda kudziko lakutali maningi, nakuda kwadzina Mulungu wako, Yahweh. Tabva masoko pamusana paIye na pamusana pazventse kuti Iye adaita muDjipita, ¹⁰ na zventse zvatche adaita kuna wamambo wairi wa amoreu, kukhundu linango la Djorodani, kuna Siomi, mambo wa Hasbomi, na waOgue, mambo waBasan, kuti akhali kuAstaroti. ¹¹ Nkhalamba zathu na wentse wagali wadziko lathu wadatbvunza: 'Tolani zvinhu zvaulendo. Endani kawonana nawo ese wabvunzeni: Ife ndife wanyamubasa wanu. Itani tchipindirano naife'. ¹² Iyi ndiyo pawu yathu. Iyo ikhada pits pathu tabuda kumamiyi kwathu, kuti tiwonane namwe, Apo, tchintchino, iyo yadiwoma futi yabvunda. ¹³ Pathu tidadzaza mudziyo uyu ukhali uswa, ese tchintchino wonani, zvirikuphwa. Nguwo zathu na chango zvadin'gambika nathangwe la kufamba kukulu". ¹⁴ Napenepo, waiziraeli wadatola zvinhu zvinango zvaulendo, apo walibe kukumbira mhungulo kuna Yahweh. ¹⁵ Djochuwa adaita lubatano lamutendere na iwo, kuti awasiye walalame. Wanyakwawa wa mbumba wadaitawo basi tchidumbiro kuna iwo. ¹⁶ Pakupinda ntsiku zitatu pawo wadapeza kuti lubatano na Iwo, wadawona kuti mba khalisani wawo ese kuti wakhalalama paduze naiwo. ¹⁷ Napenepo, mbumba yaIziraeli idaenda ese idaswika kuma luwani yawo pantsiku yatchitatu. Maluwani yawo yakhali Gibeoni, kefira, beeroti na kiriati-jearim. ¹⁸ Mumba yaIziraeli halibe kuwa phaya, thangwe wanyakwawa wawo hawakhalibe kudhumbira pamusana pawo pamberi pa Yahweh, Mulungu waIziraeli. Wentse waiziraelita wadakhombesesa wa nyakwawa wawo. ¹⁹ Apo wentse wanyakwawa wadalanga kuna mbumba: "Tidaita tchidhumbiro tchibodzi pamusana paiwo pamberi paYahweh, Mulungu waIziraeli, ese tchintchino hatidhikani kuti iwo tiwakhuye. ²⁰ Izvi ndizvo zvathu tiwaitire: kuti tintchenkhe kulikwentse kugumbuka kuti kunakwanisika kuya pamusana pathu nakuda kwaku dhumbira kuti tidaita kuna iwo, ife tinadzawasiya walalame". ²¹ Wanyakwawa wadalanga kuna mbumba yawo: "Kuti lalamani!". Napenepo, wa gibeonita wadagala wanyakuswaga nkhuni na wanyakunga madzi kuna wentse waiziraelita, ninga zvikhadawa bvunza wanyakwawa. ²² Djochuwa adawadaidza ese adawabvunza: "Thangweranyi watinyengeza, utchitilanga: 'Tinagala mutali maningi na imwe', mutchiti mulikugala paduze na ife? ²³ Tchintchino nakuda kwa izvi, mudatukwa, futi pakati panu hapadzasiyi kuwoneka wanyamubasa, kuti wanadzagwanda nkhuni na kudzatunga madzi kunyumba yaMulungu wangu". ²⁴ Iwo wadadaira, watchilanga: "Thangwe zvidalongiwa kuna wanyamubasa wako kuti Yahweh, Mulungu wako, adatuma nyamubasa Watche Mozisi kuti akupaseni lentse dziko iri, futi atchifudza wentse wagali wadziko lineri pamberi panu. Napenepo, tikharcha maningi na upenyu wathu, nathangwe lanu. Napenepo tidaita izvi. ²⁵ Tchintchino, wonani, tiri mumanja mwako. Zvenezvire kuti zvinawoneka muche ese zvakulungama kuna iwe, ita kuna ife". ²⁶ Napenepo, Djochuwa adaita izvi kuna iwo: adaviringidza waiziraeli kuti awaulaye. ²⁷ Pantsiku yeneyo, Djochuwa adawaita wa gibeonita wanyakuswaga nkhuni na watungi wamadzi kuna wanhu naku alitari yaYahweh, kuswikira ntsiku yanyamuntsi, pambuto kuti Yahweh adasankhula.