¹ Yahweh adalanga kuna Djoshuwa: "Hausarchi, chingirira. Tola wentse wanyankhondo. Kwira ku Ai. Uya, ine ndinakhakupasa mambo waku Ai mumanja mwako, mbuba yatche, luwani latche na dziko latche. ² Unadzaita kuna Ai na mambo watche ninga zvako udaita na Djeriko na mambo watche, kunza kwa kuti munadzatora zventse zvinhu ese na n'gombe. Khonzekera kuwateya kumasure kwa luwani. ³ Napenepo, Djochuwa adakwira na wentse wanyankhondo kwenda ku Ai. Adasankhula zviru makhumi matatu ya wamuna wantsimba futi wakuchinga, ese adawatuma na usiku. ⁴ Adawabvunza: "Wonani, galani muteye luwani, nakumasure kwalo. Lekani kufundukira kutali kwa luwani, apo mwentse galani mudadzipira. ⁵ Ine na wentse wamuna kuti ndinawo tidafedzera ku luwani, ese pawo iwo wadabuda kuti watiphaye, ife tinawala iwo, ninga zvathutaita pakutanga. ⁶ Iwo wanadzauya kumasure kwathu kuswikira kuti tawanyengeza kwenda kutali kwa luwani. Futi Wanadzalanga: 'Iwo walikutiwala ninga zvawo wadaita ulendo wakupezesera'. Ese pathu titchiwala iwo, ⁷ munadzabuda mwakuswusika ese munadzatola luwani. Yahweh, Mulungu wanu, anadziliperepa mumanja mwanu. ⁸ Mungatola luwani, dzaliigeni moto. Dzaiteni izvi nakutewerera mitemo yakupasiwa na masoko ya Yahweh. Wonani zvangu ndinakha kubvunzani". ⁹ Djochuwa adawatumira. Iwo wadagala pa mbuto yakuwateya, wadaswisika pakati pa Beteli na Ai, kumadokera dzuwa kwa Ai. Napenepo, usiku weneyo, Djochuwa adagona pakati pawa nyankhondo. ¹⁰ Djochuwa adamuka tchaku matchibese, adapinda kawona masodja yatche ese napenepo, na nkhalamba zaku Iziraeli wadaphaya mbumba ya Ai. ¹¹ Wentse wanyankhondo kuti wakhana iye wadaenda kumberi futi watchifedzera ku luwani. Ese kweneko wadagala, kumadokera dzuwa kwa Ai. Pakhana mukolonga ubodzi pakati pawo iwo na Ai. ¹² Djochuwa adatola zvuru zvichanu zvawa muna ese adawaiga watchiteyakukundu kwa kumadokera kwa luwani pakati pa Beteli na Ai. ¹³ Masodja yentse yadatanda, masodja tchayo, kukhundu la kudzaulu la luwani, ese kureye kukhali kukhundu la kumadokera dzuwa. Djochuwa na pamukolonga pantsiku yeneyo nausiku. ¹⁴ Zvidaitika kuti, patche mambo wa Ai adawawona, iye na masodja yatche wadamuka kweru ese wadatchimbiza kaphya Iziraeli kumbuto yakumberi kwmukolonga wa ludzi la Djorodani. Iye hakhadziwalini wakhadalongedza kuteya kuti waphaye nakumasure kwa luwani. ¹⁵ Djochuwa na yentse Iziraeli wadapinda pakukundiwa pamberi pawo, ese wadawala kwenda murusare. ¹⁶ Mumba yentse kuti wadali muluwani wadadaidziwa kuti wawatewere ese, napenepo, iwo wadawatewera kuswikira kuti wafundukika mu luwani. ¹⁷ Hawalibe kusara nemunhu mubodzi ku Ai na kuBeteli; wentse wadabuda watchitewera Iziraeli. Iwo wadadzawala luwani, watchidzalisiya mwazi, kuti watewere Iziraeli. ¹⁸ Yahweh adalanga kuna Djochuwa: "Latiza dhipa lako kukhundu la Ai, thangwe nditchadzakupasa Ai mumanja yako". Djochuwa adathamula dhipa mumanja mwatche atchilatiza ku luwani. ¹⁹ Masodja, wakuswisika watchiteya, wadabuda mbuto yawo wakhalipoyo nakutchimbiza, panguwa kuti Djochuwa adathamula boko. Iwo wadathamanga, wadapinda muluwani, wadalitola ese, wadalipitsa, nakutchimbiza. ²⁰ Napenepo, wamuna waku Ai wadazvi zungunukira ese, wadalingisa kumasure, wadawona utsi utchimuda muluwani utchikwira kudzaulu; ese wangadakwanisa lini kupuhyuzika naka nanjira ibodzi, thangwe masodja ya Iziraeli, kuti wadawala watchiyenda murusare, nazvinezvi wadaphindukira wenewale kuti wakhawa towera. ²¹ Panguwa kuti Djochuwa na yenste Iziraeli wadawona kuti, na kuteya, wakhadakwanisa kutola luwani, nakuda kwa utsi kuti ukhakwira, wadahira ese wadaulaya wamuna waku Ai. ²² Ese yenango masodja ya Iziraeli, wenewale kuti wakhali muluwani, wadabuda kwenda kawaphaya. Napenepo, wamuna kwa Ai wadagala perezo pakati pamasodja ya Iziraeli, nakhundu lubodzi kana khundu linango. Iziraeli idaphaya wamuna wa Ai ese hapalibe mubodzi wawo adapona kana kupukunyuka. ²³ Apo wadasiya mambo wa Ai adapenya, wawo wadabata futi wadamuendesa kuna Djochuwa. ²⁴ Zvidaitika kuti, payo Iziraeli ikhada peza kuulaya wentse wagali waku Ai pamunda uliduze na rusare kwawo wakhawatewerera, ese pawo iwo wentse __ kuswikira ntsiku yakupezesera __ wakhadagwa na bemha, yentse Iziraeli idahirira kuna Ai, watchiulaya wenewale kuti wakhali penepo. ²⁵ Wadafa ntsiku yeneyo, wamuna nawakadzi, wakhali zvuru makhumi mairi, wentse waku Ai. ²⁶ Djochuwa halibe kugwisa boko latche. Adalambirira na dhipa lidalata kuswikira mbumba ya Ai yafudziwa yentse. ²⁷ Iziraeli idatola basi mabira na zvinhu zvamu luwani kuna iwo, dyali ninga Yahweh adalanga kuna Djochuwa. ²⁸ Djochuwa adapitsa Ai ese adaliita murhi wamanyarar kuswikira kugala na kugala. Ese mbuto yeneyi idatamiwa kuswikira ntsiku ya nyamuntsi. ²⁹ Iye adasungirira mambo wa Ai mumuti ese penepo adamusiya kuswika madoka. Palo dzuwa lidadoka, na mutemo wa Djochuwa, wadabudisa mwuyiri wa mambo pamuti, ese wadauthusa kumberi kwa matsasa ya luwani. Wadaita murhi wamauwe padzaulu patchitumbi. Murhi uyu utchiripo kuswikira ntsiku ya nyamuntsi. ³⁰ Napenepo, Djochuwa adalonza alitari ya Yahweh, Mulungu wa Iziraeli, mu bango la Ebali, ³¹ ninga Mozisi, nyamubasa Yahweh, kuna mbumba yaIziraeli, ninga zvidanembiwa mubhukhu lamutemo wa Mozisi: "Alitari ibodzi ya mauwe yama hayalipbe kubverera, kuti hapalibe akadasenzesa nhundu yasimbi". Iye abapereka ntsembe kuna Yahwehese iwo wadatchenesa zvakupereka zvatchipindirano. ³² Ese panepo, pamberi pa mbumba yaIziraeli, iye adanemba pamauwe mutemo wa Mozisi. ³³ Yentse Iziraeli, na nkhalamba zawo, wakuliu wakulu na watongi wadagala pakhundu linango ese wenangu ku Areka ya Lubatano la Yahweh, kana wanyakuuya kana wenekatchiro, hafu yawo idalambirira kumberi kwa bango Gerizim ese hafu inango idagala kumberi kwa bango Ebali. Iwo wadakombolera mbumba yaIziraeli, nadyali ninga Mozisi, nyamubasa wa Yahweh, akhadalanga. ³⁴ Kumasure, Djochuwa adaerenga yentse masoko ya mutemo, kukombolera na kutukwa, ninga iyo yakhada nembiwa mu Bhukuhula Mutemo. ³⁵ Hakulibe kuwoneka soko libodzi pa zventse zvenezvire kuti Mozisi akhadalanga, kuti Djochuwa aleke kuerenga pa mberi pa gungano laIziraeli, kukhanhiza wakadzi, wana wadoko na wanyakuuya kuti wakhalalama pakati pawo.