¹ Pawo wentse wamambo wa amoreu, wakukhundu lakumadokera dzuwa, na wentse wamambo wa kananeu, kuti wakalipo mumherera mwa bala likulu, wadabva kuti Yahweh akadawomesa madzi yamu Djorodani kuswikira yentse mbumba iya Iziraeli iya iyambuka, moyo iyawo idanyunguduka, ese hakukhalibezve kuna iwo muzimu ubodzi, nakuda kwa mbumba iya Iziraeli. ² Panguwa yeneire, Yahweh adalanga kuna Djochuwa: "Lonza mipeni yamauwe ese tchetcheura, kenangozve, wentse wamuna waIziraeli". ³ Napenepo, Djochuwa adalonza mipeni yamauwe ese adatchetcheura wana waIziraeli ku Djibeati-Haaraloti. ⁴ Iyi ndiyo lazawu yakuti Djochuwa atchiwatchetcheura: wentse wana waIziraeli kuti wadauya kuDjipita, kukhanhiza na wanyankhondo, wakhadafa mutseseti pakati pakufamba, kumasure kwa kubuda muDjipita. ⁵ Kana zvawo wentse wamuna kuti wakhada buda kuDjipita wakhada tchatcheurha, wentse wana wadabaliwa mutseseti apalibe mubodzi adatchetcheurha. ⁶ Nazvinezvi mbumba ya Iziraeli idafamba mutseseti magole makhumi manai, kuswikira kuti wentse wanhu, izvi ndizvo, wentse wamuna wankhondo kuti wakhadabuda kuDjipita wafa, thangwe hawalibe kutewerera pfala la Yahweh. Ese Yahweh adawadumbirira kuti awadzawoni dziko kuti Iye akhada dumbira kuna watchinyakala wawo kuti adatibvunza, dziko kuti linaerera mukaka na utchi. ⁷ Wakhali wana watche, wenewale kuti Yahweh adawamusa pambuto iyatche, ese Djochuwa adatchetcheura, thangwe hawakhalibe kutchetcheurha munjira. ⁸ Ese, pawo wantse wadatchetcheurha, wadalambirira patchisasa kuswikira wawoma. ⁹ Futi Yahweh adalanga kuna Djochuwa: "Ntsiku yeneyo, Ine ndidabudisa kuna imwe yentse manyazi yaku Djipita". Nazvinezvi, mbuto yeneire inadaidziwa Djilgali, kuswikira ntsiku zanyamuntsi. ¹⁰ Mbumba iya Iziraeli idagala paDjilgali. Iwo wadarja Phasika pantsiku khumi nazinai wamwezi, tchausiku, muthambe laDjeriko. ¹¹ Futi, mangwana iyatche Phasika, wadatanga nainango misapho iyapantsi: mapawu hayalibe isiti na zvirimwa zvakukaingiwa. ¹² Ntsiku ibodzi pawo iwo wadapeza kurja misapho iya pantsi mukaka na utchi zvidaema. Hakutchalibezve mukaka na utchikuna mbumba iya Iziraeli, apo, gole lenero, iwo wadarja misapho iya dziko la Kenani. ¹³ Patche Djochuwa akaliduze na Djeriko, iye adamusa matso iyatche ese adawona, mwamuna mubodzi adaema kumberi kwatche; iye akhadabata bemha mumanja. Djochuwa adaenda kuna iye, ese adalanga: "Iwe ndiwe wathu kana kuti ndiwe nyamarha wathu?". ¹⁴ Iye adadaira: "pawairiwa hapalibe, thangwe Ine ndine Mukulu wa masodja wa Yahweh". Napenepo, Djochuwa adagodama, na nkope pantsi, kuti Amunamate ese Adamubvunza: "Ntchani Tchangamire wangu mungabvunze kuna nyamubasa Wanu?". ¹⁵ Napenepo, Mukulu wamasodja wa Yahweh adalanga kuna Djochuwa: "Budisa chango ziri mumwendo iyako, thangwe mbuto iyako ukutsikai njakutchena". Ese Djochuwaadaita dyali.