¹ Adoni-Zedeki, mambo waDjerusalema, adabva kuti Djochuwa akhadabata futi atchifudza lentse luwani laAi (nadayali ninga zvidaita iye naDjerio na mambo watche), futi adabva kuti mbumba yaGibeoni idaita tchipindirano tcha mutendere na Iziraeli ese watchilalama pakati pawo. ² Mumba yaDjerusalema idaita urtchi maningi, thangwe Gibeoni likhali luwani likulu, ninga luwani libodzi tchairo, ese likali likulu kupinda Ai, futi wamuna wawo wentse wakhali wanyankhondo wantsimba. ³ Napenepo, Adoni-Zadoki, mambo waDjerusalema, adatuma masoko kuna Howau, mambo wa Hebromi, kuna Piran, mambo waDjarmute, kuna Djafia, mambo waLakisi, ese na Debir, mambo waElglomi, atchiwabvunza: ⁴ "Uyani ese ndibatsireni. Ambaini kaphaya Gibeoni, thangwe aita tchipindirano tchamutendere na Djochuwa na mbumba yaIziraeli". ⁵ Wamambo wachanu wawa amoreu: mambo waDjerusalema, mambo waHebromi, mambo waDjarmute, mambo waLakisi na mabmo waEglomi wadauya na yentse masodja yawo, wadateya sososo na luwani laGibeoni ese wadawaphaya. ⁶ Wa gibeonit wadatuma masoko kuna Djochuwa na pamusasa kuGilgali, watchilanga: "Hasabudise wanyamubasa wako mumanja yako. Uya nakutchimbiza, ese tiponese. Tibatsire, thangwe wa mambo wa amoreu kuti walikugala kumutunhu wa mabango waungana kuti phaye". ⁷ Djochuwa adaenda kuGilgali, ese, pabodzi naye, wamuna wentse wankhondo, kukhanhiza na wentse wanyankhondo wamuche. ⁸ Yahweh adalanga kuna Djechuwa: "Hausaiti nharo. Ine ndapereka mumanja mwako. Hapalibe mubodzi wawo angayemepese kuphaya kwako". ⁹ Pawo wadafamba usiku wentse kubudaira luwni laGilgali, Djochuwa adawaphaya wadaeherka. ¹⁰ Ese Yahweh adafungidzira wanyamarha pamberi paIziraeli, kuti awaulaya ntsama ikulu kuDJibeoni, watchiwatewera nanjira inaenda kuBbete-Horomi, watchiwaulaya kuswika Azera na Makeda. ¹¹ Pawo iwo wakhawala muIziraeli, watchitchitha mubango laBete-Horomi, Yahweh adathusa mauwe makulu kubuda kudzaulu kwenda kuna iwo nayentse njira kuswikira Azera, futi wadafa. Ese wadawanda kupinda wadafa na mauwe yamalolo kupinda wenewale kuti wamuna waIziraeli wadaulaya na mabemha. ¹² Napenepo, Djochuwa adalanga kuna Yahweh, pantsiku kuti Iye adawapasa mutendere kuna wamuna waIziraeli nawa amoreu. Izvi ndizvo zvidalanga iye kuna Yahweh, pamberi paIziraeli: "Dzuwalitchadzalambirira kuGibeoni, futi mwezi, munkolonga waAijalom". ¹³ Dzuwa lidaema, mwezi udaemawo kufama, kuswikira dziko lagulungika na wanyamarha wawo. Izvi hazvilibe kunembiwa muBhukhu laDjazar? Dzuwa lidaema pakati pakudzaulu, ese ntsiku ibodzi haliribe kudoka. ¹⁴ Ese hakulibe kuwonekazve ntsiku inango ninga yeneyi, kana kumasure kana kumberi kwatche, patche Yahweh adabva, ninga izvo, pfala lamunhu. Thangwe Yahweh akhapokera Iziraeli. ¹⁵ Djochuwa na yentse Iziraeli wadahirira pamusasa kuGilgali. ¹⁶ Napenepo, wamambo watchanu wadapukunyuka ese wadazera pamukolonga waMekeda. ¹⁷ Ese adabvunziwa na Djochuwa: "Wawoneka! wamambo wachanu wadazera mumhako yaMakeda!". ¹⁸ Djochuwa adalanga: "Gulumundisani mauwe makulu mumhako ese igani masodja kweneko kuti walindire. ¹⁹ Hamusaemi! Tewererani wanyamarha wanu ese phayani wenewale kuti wanasara kumasure. Hamusawasiye wapinde mumaluwani yawo, thangwe Yahweh, Mulungu wanu, adipereka mumanja mwanu". ²⁰ Djochuwa na wana waIziraeli wadalambirira walikukunda pakuulaya kukulu, kuswikira duze nakufudza wentse. Wenango walalami kuti wadapukunyuka wadaswika muluwani lantsimba. ²¹ Yentse masodja yadahirira na mutendere, ku musasa waMakeda. Ese hapalibe munhu adaponyeka kulanga masoko yakunyangala kua mbumba yaIziraeli. ²² Naoenepo, Djochuwa adalanga: "Imwe, vulani, mulomo wamhako ese uyisani wamambo wachanu wenewale". ²³ Wadaita ninga iye adalanga futi wadawisa wamambo wachanu: mambo waDjerusalema, mambo waHebromi, mambo waDjarmute, mambo waLakisi, na mambo waEglomi. ²⁴ Ese, pawo wadauysa wamambo kuna Djochuwa,iyewadadaidza wamuna waIziraeli, ese adalanga kuna mukulu wa masodja kuti wadaenda naiye kunkhondo: "Igani mwendo yanu mumakhosi yawo". Napenepo, iwo wadafedzera ese wadaiga mwendo yawo mumakhosi yawamambo. ²⁵ Napenepo, Djochuwa adawabvunza: "Lekani kuita nharo kana kurrcha. Galani wantsimba futi wakuchinga. Izvi ndizvo kuti Yahweh kuna wentse wanyamarha wanu, wenewale kuti munadza phayana nawo". ²⁶ Napenepo, Djochuwa adakuwaza na kuulaya wamambo ese adawamanika mumiti michanu kuswikira kumaulo. ²⁷ Palo dzuwa lidadoka, Djochuwa adapasa mutemo, ese yiwo wadabudisiwa mumuti mwawo wakalipoyo kwawo wakadaswisika. Iwo wadaiga mabuwe makulu pamulomo wamhako, ese lambirirani penepo yenste ntsiku yanyamuntsi. ²⁸ Pantsiku ibodzibodziyo, Djochuwa adabata Makeda ese adaulaya kuna wentse nabemha, pabodzi na mambo wawo. Iye adafudza wentse wakhalipo naiye. Halibe kusiya kana namubodzi alalame. Iyeadaita dziko la Makeda ninga zvikhadaitika mudziko laDjeriko. ²⁹ Djochuwa naentse mbumba yaIziraeli wadaenda kubuda muMakeda kwenda kuLibna ese wadapoka sososo na luwani. ³⁰ Yahweh adawapasawo mumanja mwaIziraeli, pabodzi na mambo wawo. Djochuwa adaphaya wanhu wentse kuti wakhalipo nabemha. Iye halibe kusiya munhu wakupenya penepo ese adaita kuna mambo zvibodzibodzi ninga zvidaitika kuna mambo waDjeriko. ³¹ Napenepo, Djochuwa naentse Iziraeli wadabuda kuLibna kwenda kuLakisi. Iwo wadateya ese wadapoka sososo nalo. ³² Yahweh adapasa Lakisi mumanja mwa Iziraeli. Djochuwa adaphaya ntsiku yatchiwiri. Iye adapahaya, na bemha, pamunhu mubodzi namubodzi kuti akhali mwenemo, zvibodzibodzi ninga zvatche iye adaita kuLibna. ³³ Horawu, mambo waGezeri, adakwira kuti abatsire Lakisi. Djochuwa adaphaya ese namasodja yatche basi, kuswikira kuti hapalibe mubodzi adasala wakupenya. ³⁴ Napenepo, Djochuwa naentse mbumba wadabuda kuLakisi wadaenda kuEglomi. Iwo wadateya ese wadaphaya sososo nalo, ³⁵ futi wadalitora ntsiku ibodzibodziyo. Iwo wadaphaya namabemha futi wadfudza wentse, ninga Djochuwa adaita naLakisi. ³⁶ Djochuwa na yentse mbumba yaIziraeli wadabuda kuEglomi watchienda kuHebromi, futi wadaphaya sososo nalo. ³⁷ Iwo wadalitora ese wadaliphaya namabemha, watchikhanha namambo na yentse mbumba yatche, ninga nawentse kuti wakhalipo penepo. Iwo wadafudza wentse nepepo, nkhabe kusiya wakupenya, ninga dyali zvidaitika naEglomi. ³⁸ Napenepo, Djochuwa naentse masodja yaIziraeli wadahirira kuDebiri ese wadaphaya sososo nalo. ³⁹ Iwo wadalitora, zvamuche namambo wawo na naentse mbumba yatche. Iwo wadawaphaya na mabemha futi wadafudza wentse kuti wakhali penepo. Halibe kusiya wakupenya, ninga zvidaitika naHebromi, futi ninga zvidaitika naLibna nakuna mambo watche. ⁴⁰ Djochuwa adabvunzira lentse dziko lenerire, mutunhu wamabango, Negebi, thambe na munyantsi mwa mabango. Kuna wentse wamambo, iye halibe kusiya wakupenya. Adafudza zventse zvisikwa zvakupenya, ninga Yahweh, Mulungu waIziraeli, adalanga. ⁴¹ Djochuwa adawaphaya kubudira Kadesi-Barnea kuswikira Gaza, nawentse mutunhu waGozeni kuswikira kuGibeoni. ⁴² Futi, kabodzi nakabodzi, Djochuwa adakunda wentse wamambo awa ese wadatora madziko yawo, thangwe Yahweh, Mulungu waIziraeli adapoka naIziraeli. ⁴³ Napenepo, Djochuwa naentse mbumba yaIziraeli wadahirira kumisasa kuGilgal.