¹ Napenepo, wabale wangu wachena wachamuale waimbi wacudzaulu, koyani nguwa mupostoli cuna muculu wathu iye Djesu. ² Iye wakaliwacutendeka muna Mulungu cuti ndiye adafundzinza, nadyanozwe Moises wakali wacutendeca, pawense nyamba ya Mulungu. ³ Ndipo Djesu wakaliwacudiwa watchadipo cuwaculu cupinda Mosese, thangwe wenewale futi wadahumba nyumba yanguawa iculu cupinda mugadziri wa nyumba yache. ⁴ Pa ece nyumba inagadzirwa nhamunhu, ece mugare wa zwense ndi Mulungu. ⁵ Mosesi, wakali wacutendeka ninga nyabasa wa yense nyumba ya Mulungu cuti apereque cutenda la kodzo pa zwinhu zinadzatonguiwa pancuya iye. ⁶ Ece Kristu wakali mwana wacutendeka munyumba ya Mulungu, cuti ndife ife tidalambirira cuita pacuchinguirira futi Nacuyemerave tchidiquiro. ⁷ Nadyalo, ndizvo ninga zwidalanga muzimu wacuchena cuti: Lero, ⁸ Mutchitetequera pfala lache, mussaomese moyo wanu ninga zwidaitica pacutanga, pacudziwa mwamutzanga. ⁹ Zwenezvo zwidaitica paiyo wababa wanu wada ndigwenguera, wadandiyesera ine, ece pacupinda makumi mai ya makole, iyo wadaona zwangu didha ita. ¹⁰ Napenepo ine ndidhagala wacutsomera cuwenewale wa dzinza iro. Ine ndidalanga: Iyo wakali wacufulirwa na moyo wawo chaiyo, ese wakadziwa ngira zangu. ¹¹ Nadyalo ndipo cuti ine ndapira mbico pakunyangalirwa kwangu ndidalanga cuti iyo wadzapindizwe mucupuma mwangu'''. ¹² Wabale wangu, ngwalani cuti pacati pa imwe mumoyo muanu mbapaleque kukala namunhu anamoyo waculeca cutenda, moyo wacyti wanafundiquira muna Mulungu waculalama. ¹³ Ese, chinguirirani imwe mubodzi na mbodzi pansicu na nzicu, ece futi izwe muite pansicu yamunadaidziwa. "Ldelo" cuitira cuti pacati pa imwe palequere cuoneca munhu anaomessa nacu pwata cana cufunguira muazwacungangala. ¹⁴ Nadyalo ine ndoidakala wacuona muna Kristu cuti tchichikoya cutenda kwenda pacutanda pacutenda kwathu kuzwiquira pacupera. ¹⁵ Thangwe la zwinezvo zwidati: "Lelo, kana mungabva pfala yache, lecani cuomessa moyo wanhu, ninga zwanu mudaita pangani yacutanga''. ¹⁶ Mbani nawani adabva Mulungu, cana atchilanguirwa? Se wense wense wadaenda cugipita watchiyemererua na Mosisi? ¹⁷ Mbani na mbani wadatczomerwa cumacumi manai ya macole? Awassi wenewale wanyacuponyawa, wana mitumbi lidagua mussanga. ¹⁸ Ndipo bani wa wani wada piquirirwa mbico na Mulungu cuti awadzapinde mucupuma kwache, cuti awassi wensewale wanyaculamba cuvessessa. ¹⁹ Ndipo tchitchaona cuti awana kukwakissa cupinda, nacuda kwaculeca kubvesessa kwawo.