¹ Weneule anatenda kuti Djeso ndiye Kristu ndiye adabaliwa naMulungu. Futi wense weneule kuti anada Nyakumubala, anadawo basi kuna weneule kuti ndi nyakubaliwa Watche. ² Ife tinadziwa kuti timbada wana waMulungu napakati paizvi: pathu tinada Mulungu futi tikuteerera mitemo Iyatche. ³ Thangwe izvi ndiko kuda kwa Mulungu: kuti tikoiye Mitemo Iyatche. Ese mitemo Iyatche ailemeri, ⁴ thangwe wense weneule kuti adabaliwa na Mulungu anakunda dziko. Futi uyu ndiwo mutendere kuti unakudza dziko: kutenda kwathu. ⁵ Mbani kuti anakuda dziko, kunza kwa weneule kuti anatenda Djeso ndi Mwana waMulungu? ⁶ Uyu ndiye Weneule kuti namumadzi futi namu gazi, Djeso Kristu. Iyeadauya nkabe basi namumadzi; apo namumadzi futi namu gazi. Futi unadairira ndiwo Muzimu. Thangwe Muzimu ndiwo tchadi. ⁷ Thangwe nswitatu kuti zvinadairira: [ Baba, Masoko, ese naMusimu; futi zvinhu zvitatuzvi ntchibodzi.] ⁸ Muzimu, madzi nagazi. Izvi zvitatuzvi zvinapindirana zvogazvoga. ⁹ Tingati ife tatambira kudairira wanhu, kudairira kwa Mulungu ndiko kukulu. Thangwe uku ndiko kudairira kwa Mulungu, kuti Iye adapasa pamusana pa Mwana Watche. ¹⁰ Weneule kuti anatenda kuna Mwana waMulungu anako kunaiye kudairira uku. Weneule kuti hatendi kuna Mulungu Anamuyita muphwati, thangwe hatendi mukudairira kuti Mulungu anakapasa kuna Wana watche. ¹¹ Ese kudairira ndiko uku: kuti Mulungu adatipasa kulalama kwakwenda nakwenda, ese uku kulalama kuli kuna Mwana Watche. ¹² Weneule kuti ana Mwana anakulalama. Weneule kuti halibe Mwana waMulungu halibe ulalami. ¹³ Zvinhu izvi ndidaku nemberani kuitira kuti mudziwe kulalama kwa kugala nakugala, imwe munatenda mudzina la Mwana waMulungu. ¹⁴ Uku ndiko kutemba kuti tinako pamberi paIye: tingakumbira tchinhu tchitchatcho ninga kuda Kwatche, Iye anatibva. ¹⁵ Ese , tingadziwa kuti Iye ambatibva, kuna zvathu Tinamu kumbira, tinadziwa kuti tinazvo zvathu Tamukumbira. ¹⁶ Pangati unango achiona mubale achiita zsvakunhangala cana zsvingati hazsvinia lufu, iye nganamate, ese mulungu ana mupa kularama kwa kugala na kugala. Ndili kulanga ine iwe podi chitema neichakuendessa kulufu. ¹⁷ zsveripo zsvakunhangala zsvinaulaia; neilo kodza loiri la ndalanga kuti unamati, A wense unhangazi udanhangala, ese zsvakunhangala kuti hazsvindeci. ¹⁸ Tinadziwa jkuti wense kuti adalaliwa na mulungu hanhangazi kwenda na kwenda. Ese iye ada cikiwa na mulungu ana kana munhu uyu futi nhakunhangala ha mu kuita. ¹⁹ Tinadziwa kuti tiri wa mulungu, futi ziko lence ladzala na unhangazi. ²⁰ Ese tichidziwa kuti mwana wa mulungu adanya atchira kutoi tipinderane keitira kuti chokwadi kuti muna iye, kuti ndie chokwadi, mu mwana wache, Djesu Kristo. Iye diye chokwadi mulungu futi na kulalama kwakugala na kugala. ²¹ Tiwana muzsvikoye kuzsvi nhadzi munhu.