¹ Wadikani, ngatireke kuteda muzimu upi zvawo, apo phasani mizimu muwone kuti iyo irikubuda kuna Mulungu, thangwe mazinji maprofiti iyakuphwata walikubuda mudziko. ² Nakuda kwa izvi tambirani Muzimu waMulungu: wense muzimu unapupula kuti Djeso Krisu adauya munyama ngwa Mulungu, ³ futi wense muzimu kuti haupupuli kuna Djeso hasi waMulungu, apo ngwa muzimu wamahedeni, wanu munakabva kuti aikuuya, ese tchintchino adi mudziko lino. ⁴ Wadiki wana, imwe waMulungu, ese muda wakunda, thangwe Weneule kuti alikuna ife ndiye mukulu kupinda weneule kuti ali padziko. ⁵ Eneire mizimu nja padziko, nazvinezvo zvawo wanalanga ntswa padziko, ese dziko linawabva. ⁶ Ife ndife waphindi laMulungu. Wenewale kuti wanadziwa Mulungu wanatibva, weneule kuti hasi waMulungu hatibvi. Nadyali ndipo pathu tinadziwa Muzimu watchadiko na muzimu wakuphwata. ⁷ Wadikani, ngatidane wenango na wenango, thangwe kuda ndikwa Mulungu, futi wense weneule kuti anada ndiye wMulungu futi anadziwa Mulungu. ⁸ Weneule kuti alibe kuda hadziwi Mulungu, thangwe Mulungu ndiye kuda. ⁹ Nazvinezvi kuda kwaMulungu kudatichingisa pakati pathu ife: ndipo Mulungu adatumira Mwana Watche Mubodzi padziko, kuti tilalame napamusana Patche. ¹⁰ Futi naizvi kulipo kuda: hatisi ife kuti tada Mulungu, apo Iye ndiye atida, adtumira Mwana Watche ninga mulekeleri wazvaku nyangala zvathu. ¹¹ Wadikani, angati Mulungu adatida dyali, ifewo basi zvinadikana kuti tidane wenango kuna wenango. ¹² Hapalibe adawona Mulungu. Ife tingati tidane mubodzi amubodzi, Mulungu analambirira kuna ife, ese kuda Kwatche kunadzazisiwa kuna ife. ¹³ Nazvinezvi ife tikudziwa kuti tinalambirira Munaiye futi Iye muna ife, thangwe Iye anakatipasa Muzimu Watche. ¹⁴ Futi ife tinakawona na kudairira kuti Baba adatumira Mwana Watche ninga Muponesi wadziko. ¹⁵ Kana unango apupula kuti Djeso ndi Mwana waMulungu, Mulungu analambirira munaiye, futi iye muna Mulungu. ¹⁶ Ese ife tinadziwa na kutenda mukuda kuti Mulungu anako kuna ife. Mulungu ndiye kuda, ese weneule analambirira mukuda analambirirawo kuna Mulungu, futi Mulungu munaiye. ¹⁷ Ese kuda uku kuna dzazisiwa kuna ife, kuitira kuti tikale nakutemba pantsiku iyakutongiwa, thangwe wani Iye ndiye nadyali basi ndife pano padziko lino. ¹⁸ Mu kuda hakulibe urje, nazvinezvo, kuda kwakukwana kunathusa kundza urchi, thangwe urchi unabala tchinyuso, ese weneule anaurchi alibe kudzasiska mu kuda. ¹⁹ Ife tinadana thangwe Mulungu adatanga kutida. ²⁰ Angati unango atchiti: "Ine ndinada Mulungu", apo atchizonda mubale watche, iye ndiye muphwati, thangwe weneule kuti hadi mubale watche, nanga alikuwona, akakwanisi kuda Mulungu, watche hasi kumuwona. ²¹ Futi ife tina mutemo uyu waphindi laMulungu, weneule kuti anada Mulungu ngadewo basi mubale watche.