¹ Wanani cuti cuda kwamulungu lidaitirma ife, pacati tidaidziwe wana wamulungu: Na ngira yenei, dzica nalitidziwi, mathangue alina kudziwayo mulungu. ² Wadicani, chinehino ndife wana wamulungu, apo hazvisati zvadziwica cuti tinadzakala tani. Natenepo tinhadziwa cuti, pangani inadzauya kristu, ife tinadzakala ninga iye, mathangue tinadzaona ninga iye chaiye. ³ Futi wense uyo cuti ana lucaliro lacuchena mingaiye. ⁴ Wense uyo cuti anaita chiyangazi anathatha mutemo. ⁵ Na diyalo chinyangazi ndicho chinathatha mute poho munadziwa cuti krisito adauya na chinangwa chacubudissa zvinyangazi. futi iye halibe chinyangadzi. ⁶ Hapana cuti analamba anafamba ali cunyangaza; mubodzi na mubodzi cuti analamba ali cunyangaza alibe cumuona nem cumudziwa ngabe. ⁷ Wana wadoco, lecani cudriwa munhu cuti acutsaisseni. Ule anaita zvacururuma ndive chaive, ninga Kristu wachadi - chadi. ⁸ Ule anaita cuti zvinyangazi ndiye chaiye wadiyabu, nathangue sathani adanyangaza cubudira pacutoma. Na ngira, mwana wamulungu adauya, pacuti iye adzafudze mabassa ya sathani. ⁹ Ule cuti andiye adabaliwa na mulungu halambi achinyangaza, na diyalo mbeu ya mulungu inakala muna iye. Futi iye ngaleke culamba achinyangaza, nathangue iye chaiye abaliwa na mulungu. ¹⁰ Nazvinezvi wana wamulungu futi nawana wasthani wanadzaoneca, uyo apingaiti zvacururama haassi chaiye wamulungu, pondo ule cuti hadi mubale wache. ¹¹ Nathanue lineli ndissoco lamucuti mudava cubudira pacutoma: Cuti tinadicana cudana pachezvathu ife. ¹² Nkabe ninga kaini, cuti akali wacunyangala futi adaulaya mubale wache. Futi na thangwe lanyi adamuluya? Na tangwe mabassa ache akali acunyangala, futi mabassa yamubale wache akali acudeca. ¹³ Lecani cudzumica, wabale wangu, cana wadzeico wachicuzondani: ¹⁴ Ifepano tinadziwa cuti tabuda mucufa kuenda mucurulama, nathangwe tinada wabale. Ule cuti haadi mwayache ngakale mwacufa. ¹⁵ Ule cuti anazonda mubale wache ndiye mulayi futi munadziwa cuti apalibe muhulayi na ulurami wakwenda na kwenda munaiye. ¹⁶ Napenepo ife tinadziwa cudana, nathangwe kristu adapereca upenyu wache muna ife. Ifepano ponho tinadiwa cupereca upenyu wathu cuna wabale wathu. ¹⁷ Apo cuti mubodzi anadzuache futi, achiona mubale wache achishuphica, achileca cussauvira nsissi, cuda kwamulingu cunakala tani munaiye? ¹⁸ Wana wadici ngatileke cuda namassoko cana na mulomo, apo mbatilingue padecha mabassa yathu futi nachadi - chadi. ¹⁹ Napenepo tinadziwa cuti ndife wachadi - chadi futi tichibata moyo yathu pamber pache. ²⁰ Nathanguwe, cana moyo yathu ingatipassa mulandu, Mulungu ndiye nculu cuti moyo yathu futi unadziwa zvense zvinhu. ²¹ Wadicadi, cana moyo yathu ngabe cutipassa mulanda, tina uthembi na Mulungu. ²² Futi zvense zvathu tinakura tinazvitambira naiye, nathangwe tidacoya mitemo yache futi tinaita zvinhu cuti zvinamudekedza. ²³ Futi uyu ndiwo Mutemo Watche: kuti titende mudzina la Mwana Watche, Djeso Kristu, ese tidane wenango nawenango, dyali ninga zvidatibvundza Iye. ²⁴ Weneule kuti anakoiya mitemo analambirira muna Mulungu, ese Mulungu analambirira muna iye. Futi, nazvinezvi, ife tirikudziwa kuti Iye analambirira kuna ife, na Muzimo kuti Iye adatipasa.