Paulo Mupostoli mucusunungula kwa Mulungu
1
Pangu ndidabva pfala, wabalewangu,. handina cuuya nacupusa culanga nacudziwa, pangu ndida palidza zvaumboo hwa Mulungu. Ninga ine ndidazvilanga umboo thanf«gwe la Mulungu.
2
Ndidaita cuti ndileke cudziwa ne panngu ndikali na imwe, ese Djesu mukristu, cuti Iye adakokomererhwa.
3
Futi ine nddauya cua imwe mucuthetha, mucuthiya nacutetemera maingui.
4
Maosco yangu naculanga kwangu hacuna kwenda namasoco angu acutsikimiza actchenjera. podi si zvenezvi, zvidaitica nazvipanguiziro zva Muzimu futi nawa nsimba,
5
nakaindi yacuti cutenda kwanu culeke cgala culi kwanyama, ese munsimba ya Mulungu.
6
Apo tilanga nacudziwa cuna waya wacuti wadicula, ese ne nacudziwa kwadzico lino, ne na waonereri wadzico linowatchagomba nsimba.
7
Ese tinalanga nacudziwa kwa Mulungu hudafisica, utchenjeri hwacuti hudafisica huda temerhweha cunsimba ya Mulungu dzico yasati cuonekwa nacucuziwa kwathu.
8
Nemubodzi muwonereri wazvacale cuti adadziwa cutchenjera, Thangwe deca cuti wakazvidziwa panga ineyo, iwo deca hawana cukomera Tchangamire wacucuziwa.
9
Ese ninga zvikada nembiwa: "Zvinhu zvacuti ne dziso libodzi lidaona, ne kutu libodzi cuti lidabva, nenzeru ibodzi idazvifunga, ndizvinhu cuti Mulungu adazvilonguedzera cuna waya wana muda".
10
Zvinhu izvi ntswinhu cuti Mulungu adazvibudisa cuna ife na njira ya Mzimu. Ese Muzimu una ona zvense, cuswica waona zbvirimumoyo mwa Mulungu.
11
Thangwe unadziwa nzeru za munhu ne cugala muzimu wamunhu cuti uli muna iye? Nadiyalombo, hapana anadziwa zvinhu zvirimumoyo mwa Mulungu cunza kwa Muzimu wa Mulungu.
12
Ese hatina cutambila muzimu wapamsi pano, ese Muzimu wacuti ngwa Mulungu, cuitira cuti tidziwe zvinhu zvacuti tidazvipasiwa mahala na Mulungu.
13
Ife tialanga nathangwre la zvinhu izvi mumasosco cuti cudziwa kwamunhu haiti cupfunzusa, ese cuti Mulungu unati pfunzisa. Muzimu una thumbudzula masoco nacutchenjera kwa muzimu.
14
Mbani haasi pamuzimu haatambili zvinhu cuti ntswa Muzimu wa Mulungu, napenepo ntswautswilu cun a iye. Futi hazviiti cuzvidziwa thangwe la cuti zvinba bvesesiwa na muzimu.
15
Uya wacuti alipamuzimu anabvesesa zvense, ese iye patchatche habvesesiwi nawenango.
16
Thangwe uya anadziwa nzeru za Thcangamire, cuti anaita cumupfunzisa? Ese ife tina nzeru za mukristu.