¹ Nanda ifyacine muli Kristu. Ntalebepa, elo nakampingu yandi ilengimininako bukambone mu Mupashi wa Mushilo ² ukuti kuli nebo kuli ubulanda elo nobukali ubutapwa mu mutima wandi. ³ Pantu kuti natemwa ukuti nebo wine natipwa elo nokupalukako ukufuma kuli Kristu pa mulandu wakuba munyina, abo abali niba lupwa bandi ku mubili. ⁴ Bena Israeli. Balicitwa abana bakwe, ubucindami, abapangene nabo ifilayo, alibapele amafunde yakwa Mose, ukupepa Lesa, elo ne filayano. ⁵ Bo bamulupwa llwfikolwe umwafuma Kristu no mucinshi ku mubili--uyo uuli e Lesa pali bonse. Enga lekulumbwa lyonse fye umuyayaya. Amen. ⁶ Nomba takuli kweba ati ukulaya kwakwa Lesa kwalifilwa iyo. Pantu te bonse abekala mu Israeli abali aben Israeli. ⁷ Atemwa tebonse abamulupwa lwakwa Abramu ababa abana bakwe abacine. Nomba, ''Nikupitila muli Isaki emo bakakutilwa abana bobe.'' ⁸ Emukutila ati, abana abakumubili te bana bakwa Lesa. Nomba abana ba bulayo bena ebaba abamubufyashi bwakwa Abramu. Pantu ili eshiwi lya bulayo: ⁹ ''Pali iyi nshita ndi nokwisa, elo no mwana ali nokupelwa kuli Sarah.'' ¹⁰ Teico ceka, nomba panuma yakwa Rabeka naye alimitile ukupila mu muntu umo, shifwe Isaki-- ¹¹ pantu ninshi ulo abana tabalafyalwa elo ninshi tabalacita ubune nangu ububi, pakuti ubufwayo bwakwa Lesa mu kukonka no busalo fingeminina, tepa mulandu neficitwa, nomba nipa mulandu wa uyo ¹² uukuta--calilandilwe kuli ye ati, ''Umukulu akalekubombela umwaice.'' ¹³ Nga filya fine calembelwe ati: ''Yakobo nalimutemenwe elo Esau nalimupatile.'' ¹⁴ Nindo kanshi twinga landa? Bushe twakwaba ubulungami kuli Lesa? Tekuti cibe ifyo awe. ¹⁵ Pantu alandile kuli Mose ati, ''Ndi nokumfwila uo ndi nokumfwila uluse, elo di nokukwatila icilela uo ndi nokukwatila icilela.'' ¹⁶ Eico kanshi, te mulandu nefyo umo enga fwaya, nangu te pa mulandu na uyo ule butuka, nomba nipa mulandu wakwa Lesa, uyo uulanga icikuuku. ¹⁷ Pantu amalembo yalanda kuli Falao ati, ''Pantu ni papa mulandu uyu wine eco nakwimishe, pakuti ninga langa amaka yandi muli webo, elo napakuti ishina lingalekubila icalo conse.'' ¹⁸ Eico kanshi, Lesa alomfwila uluse uo alefwaya, elo noo alefwaya ukumalala, alamucita ifyo fine. ¹⁹ Eico ukalanda kuli ne ati, ''Nindo acili alefwaila ifilubo?'' Pantu nga ninani uwingakanya ukufwaya kwakwe?'' ²⁰ Cakutali fye, wemuntu, bushe niwebo nani uwakwasuka kuli Lesa? Bushe icibumbwa kuti calandwa kuwacimba? ati, ''Cindo wamumbile muli uyu musango?'' ²¹ Bushe uubumba ibumba tewakwata insambu ishabumba kwibumba inongo iyakubomfya ku mulimo uwakucindama, elo ne nongo imbi iyakubomfya ku mulimo uwa fye? ²² Nga cakweba ukuti Lesa, uwakwata ikabilo lyakulanga ubukali bwakwe elo nokulanga amaka yakwe ukwishibikwa, alakwata ukushipikisha nokupembela ukukulu mufyo akwata ukuteyanya ubukali ubwakonaula? ²³ Nga cakweba ati acitila ici ku kulenga ubukata bwa bukankala bwakwe bwishibikwe ubu ubo akwatila uluse ateyanya akale pa bukaata? ²⁴ Nga cakweba ati acitila ico pa mulandu wesu aba abo akuuta, lelo te muba Yuda fye beka, nombaifyo fine namu bena fyalo bene? ²⁵ Pamo nga filya fine alanda muli Hosea ati, ''Nkakuta abantu bandi abo abshali abantu bandi, elo nokutemwa umwanakashi uushatemenwe. ²⁶ Eluntu cikaba icakuti uko calandilwe kuli bo, ''Tamuli bantu bandi,''uko eko bakakuutwa 'abana bakwa Lesa uwa mweo.''' ²⁷ Esaya abilikisha alelila palwa bena Israeli, ''Nangu line impendwa ya bana bakwa Israeli inga fula nga umucanga wapali bemba, abampendwa fye ebekapusuka, ²⁸ pantu Shikulu ali nokupingula pano calo umupwilapo ukwakubula nokuwayawaya.'' ²⁹ Nga filya Esaya alandile akale, ''Nga cakutila ati Shikulu akana ukutushilapo aba kukula, nga twaba fye ukubati ni Sodoma, elo nga twalishile kuba ukubati ni Gomorrah.'' ³⁰ Nga kanshi nindo twngalanda? Ukutila atii abena fyalo, abatalikufwaya ubololoke, balipokele ubololoke, ubololoke bwa mukusumina. ³¹ Nomba Israeli, uwalikufwayaifunde ilya bulungami, takonkele nokucita ifunde. ³² Nga cindo cinga lenga? Pantu tabalikufwaya ukucita ici mukusumina, nomba ukubati nimukubomba imilimo. Balikuipuntula ku libwe lyakuipuntulako, ³³ pamo nge fyo calembwa aciti,''Boneni, Ndisendamikile mu Zion ilibwe ilya kuipuntulako elo ne cilibwe ca milandu. Uyo onse uwasumina muli takangwe insoni.''