¹ Eico Ndemilomba mweba munyinane, ku luse lwakwa Lesa, mulekutula imibili yenu ilambo lya mweo, abamushilo abakusekekesha Lesa.Uku ekupepa kwine kwine kwine ukwaku Mupashi. ² Mwilakupalanya imikalile ku mikalile ya muli cino calo, nomba mulekulengwa cipya cipya mu mano yenu. Mulekucita ifi pakwishiba icili icabune, icakuseksekesha, elo ukufwaya ukwakwa Lesa ukwakupwililika. ³ Pantu umulandu ne cikuuku icapelwa kuli ne Ndelanda kuli mwe bonse: Mwilakuitontonkanishisha ukucila pafyo mwaba, nomba ukucilapo, mutontokanye mu muteka tima, cila muntu ukulingana ne cisumino ico Lesa amupa. ⁴ Pantu twaliba ne pandwa ifingi mu mubili umo, nomba tefilundw fyonse ifyaba ne ncito imo ine. ⁵ Mu nshila imo ine, fwebo fwebaba abengi tuli mubili umo muli Kristu, elo kabili cila umo tuli mubili umo kuli cala muntu. ⁶ Twalikwata ifya bupe ifyakupusana ukukonka ne cikuuku icapelwa kuli fwebo. Nga cakuti umo ali ne cabupe cakusesema, lekeni acicitile ukulingana ne cipimo cacisumino cakwe. ⁷ Nga cakuti umo ali necabupe icakutumika, mulekeni atumike. Nga cakuti umo akwata icabupe ca cakusambilisha , lekeni asambilishe. ⁸ Nga cakuti umbi icabupe cakwe kukoselesha, lekeni akoseleshe. Nga cakuti umbi icabupe cakwe cakupela, lekeni apele mukufikapo ukkwabula akaso. Ngakuti umbi iacabupe cakwe cakutungulula, lekeni atungulule no kuci ncila. Nga cakuti umbi icabupe cakwe cakumfwila uluse, lekeni acite ifyo ne nsansa. ⁹ Lekeni uktemwa kwesu kube ukwabula bumbi munda.Mupate ifyabubi; mwikatishe ifya bune. ¹⁰ Ukulosha ku citemwiko ku babwana nyina, mulekutemwana. Ukulosha ku mucinshi, mulekucindikishanya. ¹¹ Ukulosha kukupimpa, mwilakuba abanang'ani. Ukulosha ku mupashi, mube abakukalabana. Ukulosha kuli Shikulu, mulekumutumika. ¹² Mulekusekelela mu mukusubila, mulekushipikisha ku macushi, mulekuba nomute mukupepa. ¹³ Mulekupa ifyo mukwete ku bantu aba mushilo abakwa Lesa. Mulekusekelela abeni munshil shonse. ¹⁴ Mulekupala abo abalemicusha; mulekupal elo mwila kutipa. ¹⁵ Sansamukeni nabo abalesansamuka; mulekuloosha nabo abalelosha. ¹⁶ Mulekusakama abanenu. Mwilakuba na cilumba, nomba mulekutemwa ukwikala nabantu abalanda. Mwilakuba na bumano buikwaitile. ¹⁷ Mwilakusesha ububi pa bubi. Mulekucita ifyabune ku menso ya bantu bonse. ¹⁸ Nga kuti cacitika, apo cili mumaka yenu, mulekwikala mu mutende na bantu bonse. ¹⁹ Mwilakuilandwila mwebene, mwebatemwikwa bandi, nomba lekeni ubukali bwakwa Lesa ebo bucitwe. Pantu calilembwa aciti, ''Icilandushi candi fye; nkalandula,' ekulanda kwakwa Lesa. Nomba ''nga cakuti umulwani wenu ali ne nsala, mupeleni ifyakulya. Nga cakuti ali necilaka, mupeleni icakunwa. ²⁰ Pantu nga cakuti mulecita ifi, uli nokumwapwila amfyanga ya mulilo pa mutwe wakwe.'' ²¹ Mwilakucimfiwa no bubi, nomba mulekupwisha ububi ne fintu ifyabune.