¹ Eico kanshi ndelanda nati, bushe lesa alikene abantu bakwe? Awe tekuti cibe ifyo. Pantu nandibo wine ndi mwina Israeli, uwamu lupwa lwakwa Abrahamu, uwa mu mukowa wakwa Benjamin. ² Lesa takene abantu bakwe iyo, abo aishibile akale. Bushe webo taishiba ifyo ilembo lya landa pali Eliya, ifyo apapatile abena Israeli kuli Lesa? ³ ''Shikulu, balipeye ba kasesema bobe, balyonawile ne fibumba ifya malinga yobe. Elo nebo nshele fye neka, elo kabili balefwaya ukwipaya nebo.'' ⁴ Nomba bushe nindo Lesa amwasukile? ''Ndisungile abantu amakana cine lubali abo abashsfukamina Baali,'' ⁵ Elo nangu cibe ifyo, pali ino nshita paliko abanono abashelepo pamulandu nokusala kwandi ukwa cikuuku. ⁶ Nomba nga cakuti niku cikuuku fye, tepa mulandu wa milimo iyo. Nga teifyo icikuuku tekuti cibe icikuuku. ⁷ Bushe nindo kanshi? Ifintu ifyo abena Israeli balikufwaya, tabafisangene, nomba abafisangene bantu abanono abo Lesa aslile, abashala bonse balikosele ku mitima. ⁸ Pamo nga ifyo calembwa ukuti, ''Lesa alibapela umutima uwakuna ukwiluka, amenso ayo tabalikubwenako, elo amatwi ayo tabali ku mfwilako, ukushinta fye pali lelo.'' ⁹ Eluntu Davidi alilanda ati, ''Lekeni amalila yabo yabe amasumbu elo neciteyo cabo, icakuipuntulako elo kabili icakukandilwako. ¹⁰ Lekeni pa menso yabo pafite fititi pakuti belakumona, elo ne numa shabo shilekupetana lyonse.'' ¹¹ Eico kanshi ndelanda ukuti, ''Bushe baipuntwile pakuti bawe?'' Awe tekuti cibe ifyo iyo. Lelo, mukulufyanya kwabo, kwalilenga ipusukilo ukwisa ku bena fyalo, epakuti babe no bufuba. ¹² Lelo nga cakuti ukulufyanya kwabo ekupalwa kwa calo, elo ukupusa kwabo ekupalwa kwa bena fyalo, bushe ukubwela kwabo ninshi kukakulilako? ¹³ Nomba lelo ndelanda kuli mwebo mwebena fyalo, elo apo ncili umutumwa wabena fyalo, ndomfwa icilumba pa mulandu wa mulimo wandi. ¹⁴ Nalimo kuti nalenga aba mulupwa lwandi ukuba no bufuba. Nalimo kuti twapusushako bamo pali bo. ¹⁵ Pantu nga cakuti ukukana kwabo kwalenga ukubweshanya kwa calo conse, ninshi ukupokelelwa kwabo kukaba mweo ukufuma kubafwa? ¹⁶ Nga cakuti umufuba upya wa mushilo, ninshi no mufuba onse wa mushilo. Nga cakuti umushila wa cimuti wa mushilo, ninshi ne cimuti conse ca mushilo. ¹⁷ Nomba nga cakuti imisambo imo yalikontekeleko, nga cakuti webo, we musambo wamu olofi wa mumpanga, wakakatikwa pamo kuli bo, elo mwakana nabo ubucindami bwa mushila wa mu olifi, ¹⁸ wilakuitakisha pa musambo. Nomba nga cakuti uleitakisha, tewebo uwafwilsha umushila, nomba ni uyo umushila eukwafilisha. ¹⁹ Nalimo webo ulelanda ukuti, ''Imisambo yalikontwelweko pakuti bankakatikeko.'' ²⁰ Ee ico cacine. Nipa mulandu wakuna sumina kwabo ekwalengele ukuti bakontekeko, nomba webo wiminine ndi pa mulandu ne cisumino cobe. Wilakuitutumuna palobe we mwine, nomba uleutina. ²¹ Pantu nga cakuti Lesa talekele imishila yaciine, nobe wine takakuleke. ²² Ubone apa, kabili, ukuba bwino elo nibukali bwakwa Lesa: ubukali bwaishile paba Yuda abo aba wile, nomba uluse lwakwa Lesa lwaisa pali we, nga cakuti watwalilila ukwila mukuba bwino ukwakwa Lesa. Lelo nga te ifyo nobe wine bakakuputulako. ²³ Elo nabalya bene, nga cakuti tabakekalilile ukwikala mukunasumina kwabo, baka bakakatikako. Pantu Lesa ewaba ne nsambu shakubakambatikako nakabili. ²⁴ Pantu nga cakuti balikuputwileko ku cimuti camu olifi ica mpanga icacine, elo kabili wapusana ne cimuti ca mpanga icacine icabune ico bakukakatikileko, cikaba icakucilapo pali ici, imisambo iyacine, ikakatikwako nakabili ku cimuti cauko icamu olifi? ²⁵ Pantu nshilefwa mwikale abakubula ukwishiba, mweba munyinane, pali ici icankama, epakuti mwi imona ukuba abamo mukutontonkanya kwenu: Ukumala kulishile panono ku bena Israeli mpaka fye impendwa iykumanina iya bena fyalo ikafike. ²⁶ Kanshi abena Israeli bonse bakapuka, pamo nge fyo calembwa ukuti: ''Nimu Sioni eukafuma Kalubula. Alinokufunya ukukana ishiba Lesa muli Yakobo, ²⁷ elo neci cikaba ecipanga candi nabo, ulumbo nkafunyapo amasambi pali bo.'' ²⁸ Ukukonka fye nfyo imbila nsuma yalanda, balwani pa mulandu wenu. Nomba ukukonka mukusala, batemwikwa pa mulandu wafikolwe fyabo. ²⁹ Pantu ifyabupe elo nokwita kwakwa Lesa tafyalulwa. ³⁰ Pantu akale mwali abakubula icumfwila kuli Lesa, nomba lelo muli pokelele uluse lwakwe pa mulandu wakukana ukulekumfwila kwabo. ³¹ Kabili mu musango umo wine, ino nshita aba Yuda bali abakutomfwila. Ifya tumbukamo fyakuti ku luse ulwalangwa kuli mwe nabo lelo kuti bapokelela uluse. ³² Pantu Lesa alisaliila ifi fyonse mukuleka ukumfwila epakuti enga langa uluse lwakwe pali bonse. ³³ Alale, ifyo bwashika ubucindami fyonse na mano elo nokwishiba ukuwakwa Lesa! Nga filya no bupingishi bwakwe tekuti bucencntwemo, elo ne nshila shakwe tekuti shisanganwe! ³⁴ ''Pantu bushe ninani uwaishiba amano yakwa Shikulu nangu ninani uwaba mpanda mano wakwe? ³⁵ Nangu ninani uwatampilapo ukupela icili conse kuli Lesa, pakuti Lesa enga mubwesesha?'' ³⁶ Pantu ni kuli ye kupitila muli ye elo ni muli ye ifintu fyonse fyabeleleko. Kuli ye kube ubukata umuyayaya. Amen.