¹ Nakuli malaika wa lukuta lwa mu Sarde lemba, webe ati: amashiwi yakwa uyo uukwete imipashi yakwa Lesa cinelubali. "Ndishibile imilimo yobe ulikwete ishina lyakwebati ulinomweo, nomba uliwakufwa. ² Buka nokukosha ifyashala lelo fili mukufwa pantu nshisangile imilimo yobe iyakupwililika mu menso yakwa Lesa. ³ Ibukisha, nomba, ifyo wapokelela nokumfwa lama, nokulapila. Nomba ngataubukile, nkesango myungo kabili tawakeshibe akashita nkeshilapo kuli webo. ⁴ Nomba ulikwete amashina ayanono mu Sarde abo abashakowesha amalaya yabo, kabili bakenda nbandi, balifwele ifyakubuta pantu balilingile ⁵ Uyo uukacimfya akafwikwa amalaya ayakubuta, kabili shakafute ishina lyakwe mmwi buku lya mweo, kabili nkalumbula ishina lyobe kuli Tata nakuli ba malaika bakwe. ⁶ Onse uukwete ukutwi, omfwe ifyo umupashi ukolanda kunkuta." ⁷ kuli Malaika wakulukuta lwamu Filadelphia lemba: Amashiwi ya uyo uwashila kabili uwacishinga, alikwete ulufungulo lwakwa David, uwakwisulako kabili takuli nangu umo uwakwisala, alesala kabili takuli nangu umo uwingesula." ⁸ 8"Ndishibile imilimo yobe . Boona, ndibikile pantanshi yobe umwinshi uwakwisuka uyo umuntu nangu umo atangesala. Ndishibile ukwebati ulikwete amaka ayanono ulo ulyumfwile amashiwi yandi kabili taukeni ishina lyandi. ⁹ Bona! Nkalenga abo aba mwi sunagoge lyankwa satana abo abaita aba Yuda lelo tabalibo lelo babufi, nkabalenga ukwisa nokufukama panshi yamakasa yobe, kabili bakeshiba ukweba ati nalikutemwa. ¹⁰ Apo walisungile icebo cakutekanya kwandi, nandib,o nkakubaka kunshita yakweishiwa iyalaisa pe sonde lyonse, kukwesha abo abaikala mucalo. ¹¹ Nebo ndeisa bwangu. Ikatisha ico ukwete pakwebati takuli nangu umo uwakukupoka icilongwe. ¹² Uyo onse uukacimfimfya nkamucita uluceshi mwitempele lyakwa Lesa wandi. Takwakabe ilyo akafumamo nakabili, kabiliu nkalemba pali enga ishina lyakwa Lesa wandi, ishina lya musumba wakwa Lesa wandi (Yelusalemu mupy, uyo ukoikila ukufumamumulu kuli lesa wandi), elo neshina ilyandi ilipya. ¹³ Uukwete ukutwi omfwe ifyo umupashi ikolanda kunkuta." ¹⁴ "Kuli malaika wakulukuta mu Laodikea Lemba: amashiwi ya Ameni, Kamboni wa cine kabili uwacishinka, kateka wafyakulenga fyakwa Lesa." ¹⁵ "Ndishibile imilimo yobe ukwebati tauli wakutalala nangu uwakukaba. kuti natemwa ukwebati wali uwakutalala nangu uwakukaba! ¹⁶ Eco, pantu uli uwacifulefule, taukabile nangu ukutalala, ndimukukuluka ukuyfuma mu kanwa kandi ¹⁷ Pantu ukoebati, "ndimukankala, nalikwata ifyuma ifingi, kabili tapali ifyo nkokabila." Nomba tawishibile ukwebati waliba uwankumbabulili, uwakulangulukila, umulanda, impofu, kabili uwabwamba. ¹⁸ Kutika kwifunde lyandi; shita kuli nebo golide iyalopolwa nomulilo pakwebati waba umukankala, amalaya ayabune ayakubuta pakwebati waifwika we mwine kabili ukwabula ukulanga insoni sha bwamba bobe, no muti wakusuba mumenso yobe pakuti umone ¹⁹ Ndebaula nokukali;pila bonse abo natemwa Eico, cincila nokulapila. ²⁰ Bona, ndiminine pamwinshi kabiliu nko nkokosha kabili ngomuntu onse aumfwa ishiwi nokwisula icibi, nkesa nokwingila munganda yakwe kabili nkalya nankwe, naena nandi. ²¹ Onse uukacimfya nkamupela insambu shakwikala nandibo pa cipuna candi icabufumu, pamo ngefyo nandibo nacimfishe nokwikala pamo natata pacipuna icabufumu. ²² 22uukwekete ukutwi omfwe ifyo umupashi ukososa kunkuta."